2 Kedinto 5:16 - Seysyo No Tao

¹⁶ Am ori o ji ta to mangozai do ahahapan ta sya a tomita so icyatatao ta. Tana akman so sang o nyahahapan ta si Kizisto no kakwa am cyaha, ta tamo na niblisan sicyaikwaya.

2 Kedinto 5:16 ပူးပေါင်းရင်းမြစ်များ

Matay 10:37

O mapahamahama pa so inyapwan na ka nyaken am ji ko na abneka o akman sang a tao a macilolo jyaken. O mapahamahama pa so ananak na ka nyaken am ji ko na abneka o akman sang a macilolo jyaken.

Yowani 15:14

No si pangononongan nyo o nanao ko am manoyong kamo na kagagan ko.

Yowani 2:4

Maniring si Yeso am, “Mo ina, ji mo to gacigaci yaken an. Ta beken pa ya araraw na no yako ipeyvazay.”

Yowani 6:63

O yamanta no tao so to meyyonong a ikavyay no pahad na am Seyzi. So ikabo no oyowyat no tao a ipakahap sya. O ko ipanci jinyo a ciriciring am apo do Seyzi na ni Ama ta do to. Ori rana am ikavyay ori.

Yowani 8:15

No kamo manita so tao am nyo citahen o kapyapyan no iwawalam no tao. Am yaken am ko jingwana sang.

2 Kedinto 11:18

Am da katey yaro no tao a mapazway so monganay jira vazay. Ori o ko ikakman sahang.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Veydipi 3:4

No myan so tao a manci no kapeypapya na no apya vazay na do tangain na ni Ama ta do to am apyapya ko pa manci no akman so sang.

Kelosi 3:11

No manoyong kakman ta sang am abo rana peytartarkan ta do tangain na ni Ama ta do to. Tana tao do Yotay a kano beken a tao do Yotay a tana jyapsek a kano mapsek a tao a tana peylamsoin da kano ji da peylamsoya a pacyangayan ta am ta meyyangangay a yarana vayo so onowned ji Kizisto. So ika iya no azwazwain ta.

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.