2 Kedinto 5:13 - Seysyo No Tao

¹³ Tana ipanci da yamen no tao a meylamraw am cyaha, ji namen rata ori an, do namen kahap so vazay ni Ama ta do to. Am no si katenngan namen o apya kano marahet am cyaha, ta ipeypapya nyo.

2 Kedinto 5:13 ပူးပေါင်းရင်းမြစ်များ

Make 3:21

Mamizing da o akman sang a vazay no inyapwan na kada wari na am naknakmen da o kangay da nya do vahay da. Ta mamizing da o ciring no tao a manci nya zomyak.

Loma 12:3

Yaken rana a nipamnekan ni Ama ta do to a lamlamsoy na a nipantan na so aryarilaw na am ko vavagan inyo. Ji nyo pahamaha o kataotao nyo. Ta to nyo palololwa o ahahapan nyo so kataotao nyo do na nitoro jinyo ni Ama ta do to a teneteneng nyo.

2 Kedinto 11:1

Tana ji ko a teneteneng am amizngen nyo pa yaken an.

2 Kedinto 12:11

Yako akmey mapazway a tao. Am monganay jinyo o yako ikakman sang a yaji mapazway jyaken do tangain no malas a tao. Tana abo angangayan ko am jyabo kaji ko maciktwan do yamangalalas a beken a lamlamsoy ni Kizisto a.

2 Kedinto 12:6

Am no si manoyong o kapazway ko so kataotao ko am abo karatan no nang. Ta abo na kalalasan no ciriciring ko. Am ko kaji mapazwayan. Ta ko jyakzan o da kazwazway jyaken no tao, do kabo no teywara nimacita da, nimamizing da a monganay jyaken.

2 Kedinto 7:12

O ko nivatvatkan do teygami ori am ko ivavaga do meyraraten a tao a kano ji na panadnada tao. Am o ney makdeng a peypeypangayan na pa no mina teygami ko jinyo am ko patwawen o apya nakenakem nyo jyamen do tangain ni Ama ta do to.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

1 Tesalonicya 1:5

Ta o namen nipeylimwang a Mapasaray a Ciriciring na ni Ama ta do to jinyo am beken a ciriciring namen ori. Ta namen ipeyhanhan o oyowyat no Seyzi a kano yameysominogat a onowned namen so ciriciring na ni Ama ta do to. Ta nyo mamimin a katenngan o onowned namen no kapacikaop namen pa jinyo do dang.

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.