2 Kedinto 5:11 - Seysyo No Tao

¹¹ Namen katenngan o kapeypanam no kapacici na jyaten ni Ama ta do to. Am ori o namen vavagan do tao a amraralay ni Ama ta do to. Ta yana katenngan o onowned namen ni Ama ta do to. Inaoy si akman kamo sang a makateneng do onowned namen.

2 Kedinto 5:11 ပူးပေါင်းရင်းမြစ်များ

Matay 10:28

O makawakwak so kataotao a ji makawakwak so pahad am ji nyo anyaheyan. Si Ama ta do to o ikanyahey nyo. Ta iya o makawakwak so kataotao a kano pahad a alyowen do kararatan.

Matay 25:46

O akman rana sang a tao am todangay no makwa o pasingsingtan jira. Am sira rana o ji meylimoteng so onowned a tao am mahap da o to meyyonong a ikavyay no pahad da.”

Locya 12:5

Ko pa ciring jinyo am sino manoyong a ikanyahey nyo. O ikanyahey nyo am o mahap so pahad nyo a kawalit na pa nya do kararatan. Ori rana am si Ama ta do to ori. So ika iya na no ikanyahey nyo.

Locya 16:31

Maniring pa jya si Apolahan am, ‘Tana myan so meyvangon a tao a mangay jira a kaji da nganoyngan do ciring na ni Moyse a kano panoyonoywan na so ciring ni Ama ta do to am jyabo kapanganoyong da.’ ”

Nimlivolivon 13:43

Meysyasyay rana sira am aro tao a macilolo ji Pawlo a kani Parnapo. Ipait da sira a to ngotokot so nakem a meyhanhan ni Ama ta do to a yasomidong sira. Sira rana am tao do Yotay a kano beken a tao do Yotay a mahap rana so iwawalam no tao do Yotay.

Nimlivolivon 18:13

Maniring sira am, “Iya rana am na ipanci do tao o kaji ngapan so iwawalam ta a tao do Yotay. Yamacitarek o na ipangnanao so tao a yana ipanop so tao ji Ama ta do to.”

Nimlivolivon 18:4

Mangday so ipeywalam no tao yangay ni Pawlo do peyneynozyan a macinekanekad, kananao na so tao do Yotay a kano tao do Sila. Ta kakdain na sira omanoyong ji Yeso.

Nimlivolivon 19:26

Ko ipanci jinyo am nyo na nimamizing, nyo na nimacita o icicirawat na kano vazay na ni Pawlo. Ta maniring asyo am, ‘O nipariparing rana no tao a iraralay da am beken a meyngongyod a Tao do to.’ O akman sang a ciring am da to nganoyngi no aro a tao do Ivoso a kado Yasiya.

Nimlivolivon 26:26

Maniring si Pawlo ji Aglipa am, “Mo katenngan o akman sang a vazay. Am ori o ko jyamogawi a yamapatwaw sya jimo. Ta o akman rana sya a vazay am abo makatayo sya.

Nimlivolivon 28:23

Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

2 Kedinto 5:20

Lamlamsoy na yamen ni Kizisto. Na nitovoy yamen a amvavaga jinyo. Namen akmey kataotao ni Ama ta do to a manci nya jinyo so: Mamlis kamo rana a omanop si Ama ta do to. Ta ori o ipacikaop na jinyo.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

Cyalatay 1:10

Manngwa, ko kakzeben o kazwazway da jyaken no tao a kapanci ko no akman sang? Jyabo kakman na sang a. O ko ikakza am azwain na yaken ni Ama ta do to. Manngwa, ko ikakza o kazwazway da jyaken no tao? No ikakza ko o tao a omazway jyaken am beken a lamlamsoy na yaken ni Kizisto.

Ivoso 5:21

Masicyakanig kamo, akman so nakenakem nyo si Yeso Kizisto a yamanig nya.

Sipolay 10:31

Si Ama ta rana do to am to meyyonong a mavyay. Am ori o to da makasii no pasingsingtan na tao!

Sipolay 12:29

So ikakdekdeng ta pa so onowned a mahap so vazay na. Ta o peyoyaoyyan na ni Ama ta do to am akmey lila no apoy a manemtem so meyraraten a tao.

Yota 1:23

O yatatasa ka tao a da nilittan no yamalas so ipangnanao a tao am paolin nyo o nakenakem da, ta makasi sira mangay do lila no apoy. Am azimanen nyo o kaji nyo to macikzan jira a meyraraten.

Ipaziman 20:15

O abo so ngaran do vakong a adketan no ngarangaran da no yanan na rana no to meyyonong a ikavyay no pahad da am iwalit na sira do akman so awa so karakorako a lila no apoy.