Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Kedinto 4:6 - Seysyo No Tao

6 O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

အခန်းကိုကြည့်ပါ။ ကော်ပီ




2 Kedinto 4:6
35 ပူးပေါင်းရင်းမြစ်များ  

Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.”


So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.


Maniring si Yeso jya am, “Nipanci ko na jimo asyo o, ‘No si anoyngan mo am macita mo o mapeyzokab a oyowyat ni Ama ta do to,’ kwan ko imo asyoo.”


O peycirngan na sya ni Isayya am nipacita na ni Ama ta do to o azwazway ni Yeso jya. Am ori o peycirngan na sya jya.


Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.


O Seyzi rana am na itoro do yasa ka tao o teneteneng a makateneng do nanao na ni Ama ta do to. Yakman sang, ta na itoro do yasa ka tao o teneteneng na yana ipangnanao.


O peykabobwen nyo so marahet a vazay a tao am to ko macyanod so nakem jinyo. Ta o ikakman ko sang am peyyanowanopen ko inyo so nakem do tangain ni Yeso Kizisto.


Yatamo todamimin a yajyabengbengi so moing. Ta o tao rana a omonot do Panirsirngen ta Seyzi am amyan rana jira o azwazway na ni Ama ta do to a omyavayo sira. Am ori o icyakman da sya so icicirawat a tey mazway.


Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.


Ko mapasyasi ji Ama ta do to a tey mazway a Tao do to a Ama na ni Yeso Kizisto a Panirsirngen ta a manta ninyo so teneng a kapakateneng nyo rana ji Ama ta do to.


Ko mapasyasi ji Ama ta do to a omiwang do onowned nyo a kapakateneng nyo na do peypeypangayan no na panopan jinyo a kapanta na ninyo so to meyyonong a ikavyay no pahad nyo do teyngato. So ikatey rako na no aryarilaw na so omanoyong jya tao.


Ta no kakwa am nimyan kamo do kasarisaryan a ji makateneng ji Ama ta do to. Am sicyaikwaya am kamo na macikaop ji Yeso Kizisto a Panirsirngen ta. So yanyo iyan rana do kazngangan. Am ori o inaran nyo so icicirawat da no tao a yamakateneng rana do ciriciring na ni Ama ta do to.


Ta si Yeso rana am Tao do to. Am na jyangai no nakem o kapeyyangay da kani Ama na a Tao do to.


Si Kizisto rana am akma ney kamamagenan ni Ama ta do to. So na ikanoyong ney manhama na do makakaday a nyamamaog na.


a yajimtad a yamnanao jinyo a yamapait so onowned nyo a yamapadnadna so nakem nyo. So ikanoyong nyo a isaray na ni Ama ta do to. Na nipamnekan inyo a macizanod do oyowyat na kano azwazway na.


Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.


Ta o yamlikod do nanao ni Ama ta do to a tao am makongo sira ori a mamlis, do katenngan da rana si Ama ta do to, a nimakahap rana so karilawan na nira ni Ama ta do to, a yanan rana no Seyzi.


Nipaziman na rana ni Ama ta do to do panoyonoywan na so ciring a tao o ka beken na monganay jira no ipanci da vazay. Ta monganay jinyo a omanoyong jya. Am sicyaikwaya am na rana nioyatan sira no Seyzi o yameylimwang no Mapasaray a Ciriciring jinyo. Am o da ipeylimwang ori am mangay do tinsi o yamakza nya a katenngan.


Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.


Ori o yanamen ji palasi so ciring a yada ipeylimwang no panoyonoywan na so ciring ni Ama ta do to a tao. So pakamyamizngan nyo pala so ciring ang. Ta ori rana am yakmey zampo ori a yatomiray so kasarisaryan, mangay do idada na rana no araw do madagdag. So icyakman na sang si Yeso a omzezak so onowned nyo a mangay do araraw no yai na rana.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ