2 Kedinto 4:4 - Seysyo No Tao

⁴ Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

2 Kedinto 4:4 ပူးပေါင်းရင်းမြစ်များ

Matay 13:22

O nizomsi do katamtamkan am katonodan no tao a omamizing so nanao ni Ama ta do to. Am masanga no vazay na do karawan a kalita jya no peymeymasaodan na. Am ori o ikabengbeng no ciring na ni Ama ta do to do onowned na.

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 1:18

Abo pa o tao a nimakacita si Ama ta do to. O Anak na yamacikto ji Ama ta do to a yamlisna do katangked na am ori o nipakateneng ta ji Ama ta do to.

Yowani 12:31

Oya rana o ipacici so tao do karawan. Oya rana o isakeb ni Satan a yatomalamozong no tao do karawan.

Yowani 12:35

Maniring si Yeso am, “Alikey o iyan na jinyo no zezak. Makabezbez kamo a omalam do iyan na pa no zezak. Ta no masari rana am ji nyo na cita o pangonongan nyo.

Yowani 12:40

“Si Ama ta do to o icyakma dey mavota. Icyakma ney vato o onowned da do kaji da mamlisan. Maniring si Ama ta do to am, ‘Yabo da kasngesngenan jyaken. Makongo ko so wanjin a mapatastas sira do teyngato.’ ”

Yowani 12:45

O makacita jyaken am akman sang sira makacita si Ama a nimapahanhan jyaken.

Yowani 14:30

Alikey rana o yako ipacikaop jinyo a macisirsiring jinyo. Ta yarana myan o yamimong no karawan. Am ji na harag yaken no oyowyat na.

Yowani 15:24

No ji ko nimeyvazay so ji da pa nimapeyvazay no tao do tangain da am abo raraten da. Am da kanimakacita rana sya so vazay ko. Am da kapacioya jyaken a kani Ama.

Yowani 16:11

Yamalas o yada naknakmen a na ipasingkad so tao ni Ama ta do to. Ta yarana nimeydedna o peyoyaoyyan na do mimong no karawan.

Yowani 8:12

Maniring si Yeso jira am, “Yaken rana am zezak no karawan. O macilolo jyaken a tao am amyan jira o zezak no onowned da. So ji da rana ngyani do kasarisaryan.”

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Nimlivolivon 26:23

Ta o nipeylimwang da da Moyse am manoyong keyyan no alalaw ni Kizisto a wakwaken da. So ika iya na no ney manma na a nimirwa a mavyay. Ta iya o mapatazadang jyaten a tao do Yotay a kano beken a tao do Yotay.”

1 Kedinto 10:20

Jyabo kakman na sang a. Ko peycirngan sya am o pazos da no ji raralay ni Ama ta do to am itoro da do kalamsoyan ni Satan. So ika beken a si Ama ta do to no torwan da nya. So ko ji mamyapyai ninyo a macikaop do kalamsoyan ni Satan.

2 Kedinto 2:11

Ta maraherahet o kakata na ni Satan. Ta yabo jyaten o yaji makateneng do ipanlilita ni Satan.

2 Kedinto 2:12

No kangay ko do Teloya ili a meylimwang no Mapasaray a Ciriciring na ni Yeso Kizisto am niwangan na rana ni Yeso o angayan ko peyvazayan.

2 Kedinto 3:11

No yamanoyong keyyan no oyowyat na no yaji meyyonownay a iwawalam am jyabo kaji na rakorakwan pa no oyowyat na no yato meyyonong ori a.

2 Kedinto 3:14

Am o onowned da am yakmey kaneban yatodangay sicyaikwaya. Ta no yada vilangan o yamakakaday a vakong do adan a Seysyo am yakman sang a yamabengbeng o onowned da. Ta o macitovong a tao ji Kizisto o ikapakaro no ombengbeng do onowned da.

2 Kedinto 3:18

Yatamo todamimin a yajyabengbengi so moing. Ta o tao rana a omonot do Panirsirngen ta Seyzi am amyan rana jira o azwazway na ni Ama ta do to a omyavayo sira. Am ori o icyakman da sya so icicirawat a tey mazway.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

Cyalatay 1:4

Si Yeso Kizisto am na pahawahen yaten do raraten do karawan. Am ori o na pangozayan do nakenakem na ni Ama ta do to a mawakwak no raraten ta.

Ivoso 2:2

No kano nang am onotan nyo pa o malas a vazay da no ji manganoyong a tao a kano ciring ni Satan a yatomalamozong no meyraraten a tao.

Ivoso 6:12

Ta yaten rana am beken a ta macililiman do tao. Ta tamo macililiman ji Satan a kano aro a kalamsoyan na yatomalamozong no meyraraten a tao do karawan.

Veydipi 2:6

Ta si Yeso rana am Tao do to. Am na jyangai no nakem o kapeyyangay da kani Ama na a Tao do to.

Kelosi 1:15

Si Kizisto rana am akma ney kamamagenan ni Ama ta do to. So na ikanoyong ney manhama na do makakaday a nyamamaog na.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

1 Timotay 1:11

O manoyong a pangozayan a ciring am yapo do Mapasaray a Ciriciring na ni Ama ta do to a somidong jyaten. Am ori o azwazwayan ta si Ama ta do to an. So na ikanoyong no nang a yako ipeylimwang a ciriciring.

Tito 2:13

So ikanoyong ta mapananala so ipeygegcin na no Tao do to ta si Yeso Kizisto a kapacizanod ta somaray do azwazway na. Ta iya o mapatazadang jyaten do teyngato.

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

Sipolay 6:4

Ta o yamlikod do nanao ni Ama ta do to a tao am makongo sira ori a mamlis, do katenngan da rana si Ama ta do to, a nimakahap rana so karilawan na nira ni Ama ta do to, a yanan rana no Seyzi.

2 Pite 1:19

Ori o yanamen ji palasi so ciring a yada ipeylimwang no panoyonoywan na so ciring ni Ama ta do to a tao. So pakamyamizngan nyo pala so ciring ang. Ta ori rana am yakmey zampo ori a yatomiray so kasarisaryan, mangay do idada na rana no araw do madagdag. So icyakman na sang si Yeso a omzezak so onowned nyo a mangay do araraw no yai na rana.

1 Yowani 2:11

Am o mapeyyan do onowned na so oyyan na no akma ney kakteh do cinai am amyan ori do kasarisaryan. So ikanoyong na akmey omalam do kasarisaryan a ji makacita so angayan na.

1 Yowani 2:8

Am o yako vatvatkan a ciring jinyo am akmey yavayo ori an. Ta o nanao am yana nipacita jyaten ni Kizisto o manoyong a pangangarilawan na. So nyo ikakman sang a yamapatwaw sya. So yana rana ikaslin no masari a yana cirain no kazngangan.

1 Yowani 5:19

Tamo katenngan o kapacikaop ta ji Ama ta do to. So ta pakatenngan do kapacikownongan da ji Satan no yaji manganoyong a tao do karawan.