2 Kedinto 4:18 - Seysyo No Tao

¹⁸ Namen jyakzan o macimalag do mata namen a monganay do karawan. Ta namen ikeykakza o yajyacita no mata. Ta ori rana am ji meyyonownay ori. Am o yajyacita no mata am to meyyonong ori.

2 Kedinto 4:18 ပူးပေါင်းရင်းမြစ်များ

Matay 25:46

O akman rana sang a tao am todangay no makwa o pasingsingtan jira. Am sira rana o ji meylimoteng so onowned a tao am mahap da o to meyyonong a ikavyay no pahad da.”

2 Kedinto 5:7

Tana ta jyacita no mata ta si Ama ta do to am ta ipeyhanhan sicyaikwaya a mangononong do ciriciring na.

2 Tesalonicya 2:16

Na ikarilaw yaten ni Ama ta do to a kani Yeso Kizisto a Panirsirngen ta. O pangangarilawan na ni Ama ta do to am ori o yapwan no to meyyonong a sarasaray no onowned ta amnanala so nakem na jyaten.

Sipolay 11:1

O ipanganoyong rana ya am ipeyhanhan o vazay a ipeynanakem. O peypeypangayan no nang am anoyngan o kanoyong na myan no ji pa nimacita.

Sipolay 11:13

Sira rana ori am to da noiban do karawan o kapeyhanhan da ni Ama ta do to. Tana abo nimahap da do nipanci na ni Ama ta do to am da ji macimangsahi o da kapananala so akman sang a nakem na sira ni Ama ta do to. Da anoyngan o da kakmey mangilili a tao a yato ngiseysan do karawan.

Sipolay 9:11

Am yarana nimakaranes si Kizisto a ney manhama na yamapanop jyaten ji Ama ta do to a yamai no vayo a pangozayan a ciring na ni Ama ta do to. So na ikapyapya pa kano adan a pangozayan a ciring. So yana rana iyan do teyngato ni Yeso. Ta apyapya ori a kano nyamaog no tao do teyrahem a panaralayan.

1 Yowani 2:25

Ta o ipanci na jyaten a mahap ta ni Kizisto am to meyyonong a ikavyay no pahad ta.