2 Kedinto 4:17 - Seysyo No Tao

¹⁷ O yaji meyyonownay a alalaw namen eya am ipakahap namen so maharahara pa, a to meyyonong a azwazway namen ji Ama ta do to.

2 Kedinto 4:17 ပူးပေါင်းရင်းမြစ်များ

Matay 5:12

Somaray kamo an. Ta yamyan do teyngato o makdeng a azaw nyo a ipasaray na jinyo ni Ama ta do to. Nimakalapo no kakwa o kakman da sang no panoyonoywan na so ciring ni Ama ta do to a nipakakasi da no tao.

Locya 6:23

Ta akman so sang o nakenakem da no ineynapo da no kakwa do panoyonoywan na so ciring ni Ama ta do to. Magaga kamo a somaray so onowned an. Ta amyan so arakorako pa ipasaray na jinyo ni Ama ta do to do teyngato an.

Nimlivolivon 20:23

O ko katenngan am o na nipaziman jyaken no Seyzi do kapteng da jyaken, do karo no alalaw ko.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

Loma 8:18

Ko naknakmen o alalaw ta sicyaikwaya am jyabo kapakataha na so yaomanam a azwazway ta no makwa.

Loma 8:34

Am sino paro o yamanci no kaoya na nyaten ni Ama ta do to no makwa. Jyabo asa ka tao a. Ta si Yeso Kizisto rana nimawakwak a kapirwa na mavyay am yamyan rana do wanan na ni Ama ta do to a yameyneynozi nyaten.

Loma 8:37

Am cyaha, ta no si ipeyhanhan ta si Yeso Kizisto a yamarilaw nyaten am jyabo kaji ta makaharagan so yamakakaday a alalaw ta a.

1 Kedinto 2:9

Akman so ciring do Seysyo. Ta maniring am, “O nakem na ni Ama ta do to a itoro na do amraralay nya tao am ji da pa nimacita no mata da. Ji da pa nimamizing no cicilwan da. Ji da pa nimanakem no tao.”

2 Kedinto 3:18

Yatamo todamimin a yajyabengbengi so moing. Ta o tao rana a omonot do Panirsirngen ta Seyzi am amyan rana jira o azwazway na ni Ama ta do to a omyavayo sira. Am ori o icyakman da sya so icicirawat a tey mazway.

Veydipi 1:19

Ta katenngan ko o kapakowbot da jyaken, do peynozyan nyo nyaken a kano sidongan na jyaken no Seyzi a nitovoy na jinyo ni Yeso Kizisto.

2 Tesalonicya 1:4

Am ori o namen azwazwayan jinyo do peycyakyokyokayan na a namen angayan. Tana yarako o alalaw nyo a da peyrarehten no tao do nyo kanod ji Yeso am yajyablis o nakenakem nyo an. Am ori o namen azwazwayan jinyo.

2 Tesalonicya 1:6

Manoyong o vazay na ni Ama ta do to, ta meydedna jira o alalaw da no yamapeyrarahet jinyo.

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.

Yake 1:12

No amyan so alalaw a kajyablisan so nakenakem ji Ama ta do to am tey masaray o akman sang a tao. Ta no jyablis o nakem na am mahap na o to meyyonong a ikavyay no pahad na a nakem na sira ni Ama ta do to so amraralay nya tao.

1 Pite 4:7

Yarana masngen o ikavos no karawan. Makowyowyat kamo pa omzat do onowned no kataotao nyo. Ta ori o ikabo no raraten a makazazat do inozi nyo.

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

1 Yowani 3:2

Manga ovay, yaten rana sicyaikwaya am anak na yaten ni Ama ta do to. Am yapa jyatenngi sicyaikwaya o keyteytawan ta no makwa. Am katenngan ta o kakman ta si Kizisto so kataotao no mai, ta manoyong o kapakacita ta sya no mai.

Yota 1:24

Apzatan na inyo ni Ama ta do to a kaji nyo meyraratenan. So ikanoyong nyo a masaray a abo so karatan a mangay do tangain na ni Ama ta do to a macikazway jya.