2 Kedinto 4:10 - Seysyo No Tao

¹⁰ Namen masangib a yatoda jyangangay so inawan akman si Yeso Kizisto a nipamnekan da a limanen, do yanamen kapeylimwang ni Yeso Kizisto a yapa mavyay a Tao do to.

2 Kedinto 4:10 ပူးပေါင်းရင်းမြစ်များ

Yowani 14:19

Alikey rana kaji da na makacittan jyaken no ji nganoyong jyaken a tao. Am inyo am macita nyo pa yaken no si mirwa ko pa a mavyay. So ikakman nyo sang a makahap so to meyyonong a ikavyay no pahad nyo.

Loma 6:5

No ta na macikaop ji Kizisto am yamyan pa so kapirwa na jyaten a avyain ni Ama ta do to no makwa.

Loma 6:8

No si nimacizanod ji Kizisto o adan ta onowned a nidomket do jyojika am anoyngan ta o kapacizanod ta ji Kizisto a mavyay.

Loma 8:36

O aro a alalaw ta am akman so yadomket do Seysyo. Ta maniring am, “Anoyngan namen imo. Am ori o yanamen ipangday so araraw a yatoda jyangay so inawan. Yada yamen patpehen no tao do kagling a yaomanam a yada wakwaken.”

2 Kedinto 1:5

Tana arako alalaw a mai jyamen do kahap namen so vazay ni Kizisto am cyaha, ta ikarakorako no sidongan na jyamen ni Kizisto.

2 Kedinto 1:9

O nakenakem namen rana do onowned namen am to namen anoyngi o kawakwak namen. O peypeypangayan no nang am ipakateneng namen do kaji namen meyhanhanan no kataotao namen. Ta si Ama ta do to o ipeyhanhan namen a mamyay so nimawakwak a tao.

2 Kedinto 13:4

Tana yakmey yabo oyowyat na ni Kizisto do yada kanimapadket sya do jyojika am oyowyat na ni Ama ta do to o yanimapeyvangon sya. So namen ikakman sang akmey abo so oyowyat a yamacikaop ji Kizisto. Am no namen ioya inyo am oyowyat na ni Ama ta do to o namen pangozayan an.

2 Kedinto 4:11

O ikakman na sang am yamonganay ji Yeso Kizisto o yapwan no inawan namen.

Cyalatay 6:17

Inaoy si papwen da sicyaikwaya o kaji da rana zyakan nyaken a meylimwang no ciriciring na ni Yeso Kizisto. Ta o aro a kozad ko do kataotao ko am ori o yongkad ko a lamlamsoy ni Kizisto.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

2 Timotay 2:11

O ciring eya am tey manoyong: No si pazanoden ta o onowned ta ji Yeso Kizisto a nimawakwak nyaten am akman ta si Yeso Kizisto a avyain na ni Ama ta do to.

1 Pite 4:13

Kasaray nyo a macizanod so alalaw ji Kizisto. Ta ori o ikasaray nyo no mai rana si Kizisto.

1 Pite 4:14

Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.

Ipaziman 1:17

Macita ko am to ko naziyazikaz do tangain na, akman rana so nimawakwak a tao. Meyratateng am pinanan na yaken no wanan na. Maniring am, “Ji ka nyahey. Ta yaken rana am nikapwan na kano pangavosan na.