2 Kedinto 3:8 - Seysyo No Tao

⁸ ney manngo o oyowyat no Seyzi a mapanop jyaten ji Ama ta do to. Ta jyabo kaji na azwazwayan pa kano iwawalam ni Moyse a.

2 Kedinto 3:8 ပူးပေါင်းရင်းမြစ်များ

Yowani 1:17

O iwawalam na ni Ama ta do to o nipangnanao na ni Moyse a onotan ta. Am o pangangarilawan na kano manoyong a nanao na ni Ama ta do to am ori o nyai na ni Yeso Kizisto do tao do karawan.

Yowani 7:39

O ciring ni Yeso am pakacirngen na do omanoyong jya do kapakahap da so Seyzi. No kano nang am ji pa nimeygegcin o Seyzi do omanoyong jya tao, ta ji pa nimakaranes o azwazway na a nimirwa a mavyay a meycyakavat do teyngato si Yeso.

1 Kedinto 3:16

Manngwa, nyo jyatenngi o na kapacilovot jinyo ni Ama ta do to? Manngwa, nyo jyatenngi na keyyan jinyo no Seyzi?

2 Kedinto 11:4

Ikeykongo kamo a yato mamyapya no yamacitarek so ipeylimwang a ka nyamen a yaomagaz ji Yeso. Ikeykongo kamo eya a to nganoyong do macitarek so ipeylimwang a Seyzi a kano Mapasaray a Ciriciring.

2 Kedinto 3:17

O yana malavat do jya Panirsirngen ta am Seyzi. O yanan no Seyzi a tao am kowvayan rana o onowned na, ta italamozong na rana no Seyzi.

2 Kedinto 3:6

Iya o yanamen ipakahap so vayo a pangozayan a ciring na ni Ama ta do to a yanamen ipeylimwang. Oya rana am beken a nivatvatkan. Ta pangozayan a ciring no Seyzi. O nivatvatkan a iwawalam am ikawakwak no tao. Am o Seyzi am itoro na jyaten o to meyyonong a ikavyay no pahad ta.

2 Kedinto 3:7

O iwawalam ni Moyse am nivatvatkan do mataripis a vato. No keyyan no nang am tomwaw rana o azwazway na ni Ama ta do to. No kanang am nimaniray o moing ni Moyse. Am ori o nikakowap da no Isedi a tao no oyowyat na ni Ama ta do to. No si manoyong a mazway o na kapwan no peyoyaoyyan ni Ama ta do to a iwawalam ni Moyse am

2 Kedinto 3:9

No manoyong o kazway no iwawalam ni Moyse a manci no raraten am arakorako pa o kazwayan na no vayo a pangozayan a ciring na ni Ama ta do to a makavonas so raraten ta, a kabo na rana no raraten ta do tangain na.

Cyalatay 3:14

O nikakman na sang ni Yeso Kizisto am ikakza na o aryarilaw na ni Ama ta do to si Apolahan a mangay na itoro do beken a tao do Yotay. So ta rana ikamimin a makahap so Seyzi a nipanci na itoro na jyaten ni Ama ta do to, do kapeyhanhan ta nya.

Cyalatay 5:5

Am yaten rana am na oyatan yaten no Seyzi a meyhanhan ni Yeso Kizisto. Am ori o na abnekan rana jyaten ni Ama ta do to a abo rana so raraten do tangain na.

Ivoso 2:18

Na peyyanowanopen yaten ni Kizisto a tao do Yotay a kano beken a tao do Yotay, akmey asa so onowned do tangain na ni Ama ta do to a yana sidongen no Seyzi.

2 Tesalonicya 2:13

Inyo rana manga kakteh a na ikarilaw ni Ama ta do to am namen masangib inyo a isaray ji Ama ta do to. Ta no kaji na pa amaogan no karawan am nipamnekan na rana inyo ni Ama ta do to a ahapen. So nyavaywan na so onowned nyo no Seyzi a kowyat na jinyo a omanoyong do nanao na ni Ama ta do to.

1 Pite 1:2

Nakenakem na ni Ama ta do to o yana kanimapanop jinyo a omanoyong ji Yeso. So yanyo ikanoyong rana a yana nyavayo no Seyzi so onowned a yaomonot ji Yeso Kizisto, do kanimvonas na so raraten nyo no rala na. Inaoy si arakorako pa o pangangarilawan na kano apiya onowned nyo a itoro na jinyo ni Ama ta do to.