2 Kedinto 3:14 - Seysyo No Tao

¹⁴ Am o onowned da am yakmey kaneban yatodangay sicyaikwaya. Ta no yada vilangan o yamakakaday a vakong do adan a Seysyo am yakman sang a yamabengbeng o onowned da. Ta o macitovong a tao ji Kizisto o ikapakaro no ombengbeng do onowned da.

2 Kedinto 3:14 ပူးပေါင်းရင်းမြစ်များ

Matay 13:11

Tovisan ni Yeso am, “O ji na nipatwaw pa a peypeypangayan na do talamozongan na ninyo ni Ama ta do to o nipanci ko jinyo. Am o karwan no tao am da pa jyatenngi ori.

Matay 16:17

Maniring si Yeso am, “Imo rana Simong a anak ni Yowani am ka tey yapya so ngilin. Ta o nanao rana ya am beken a tao yanimapahap sya jimo. Ta si Ama ta do to o yanimapatwaw sya jimo.

Matay 6:23

No si marahet rana o mata nyo am masari rana o citahen nyo. Akman sang, ta no si akmey mavota o onowned nyo am tey makasi o akman sang a tao.

Yowani 12:40

“Si Ama ta do to o icyakma dey mavota. Icyakma ney vato o onowned da do kaji da mamlisan. Maniring si Ama ta do to am, ‘Yabo da kasngesngenan jyaken. Makongo ko so wanjin a mapatastas sira do teyngato.’ ”

Yowani 12:46

Akma koy zezak a mai do teyrahem. So ji da na ngyani do kasarisaryan no omanoyong jyaken a tao.

Yowani 8:12

Maniring si Yeso jira am, “Yaken rana am zezak no karawan. O macilolo jyaken a tao am amyan jira o zezak no onowned da. So ji da rana ngyani do kasarisaryan.”

Nimlivolivon 13:15

Mateyka na vilangan no asa ka tao o nivatvatkan ni Moyse a kano nivatvatkan no panoyonoywan na so ciring ni Ama ta do to am manovoy o panipanirsirngen no peyneynozyan so tao a mapacici sira. Maniring am, “Inyo rana yararwa am si myan so ipait nyo jyamen am ipanci nyo an.”

Nimlivolivon 15:21

Ta nimakalapo no kakwa do ipeywalam no tao o keyyan no tao do peyneynozyan amvilang do iwawalam ni Moyse. So na icyakman sang do peycyeylilyan na a yada ipeylimwang do tao.”

Nimlivolivon 16:14

Amyan jira ang so asa ka mavakes apo do Tiyatila a meyngaran si Ditiya. O vazay na am macinginangina no masingat a akmey nikowpasan a vangkoro a milakayob. Makdeng o nakenakem na ji Ama ta do to. Mamizing na o ipangnanao ni Pawlo a ciring ni Yeso am mina todeywangi o onowned na, do kanisomidong na sya ni Ama ta do to.

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Loma 11:25

Manga kakteh, inaoy no si katenngan nyo na o vazay na ni Ama ta do to a ji nipatwaw no kakwa. So ji nyo mapakarangi so nakem nyo. Ta beken a todamimin o Isedi a tao a ji mamlis, ta yana pananalahen ni Ama ta do to o karwan no beken a tao do Yotay a omanod jya.

2 Kedinto 3:15

Yamangay sicyaikwaya o na ji iwangi no onowned da no yameyvilang do nivatvatkan ni Moyse a vakong.

2 Kedinto 3:6

Iya o yanamen ipakahap so vayo a pangozayan a ciring na ni Ama ta do to a yanamen ipeylimwang. Oya rana am beken a nivatvatkan. Ta pangozayan a ciring no Seyzi. O nivatvatkan a iwawalam am ikawakwak no tao. Am o Seyzi am itoro na jyaten o to meyyonong a ikavyay no pahad ta.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

Ivoso 4:18

Onowned da am yakmey kasarisaryan. Yabo da kasngesngenan do vayo a onowned a yapo ji Ama ta do to. So da ikanoyong a yaji macipayok so nakenakem ji Ama ta do to.