2 Kedinto 3:12 - Seysyo No Tao

¹² Yanamen manoyong a meyhanhan no akman sang. Am ori o yanamen jyaonibi rana a meylimwang no ciring na ni Yeso Kizisto.

2 Kedinto 3:12 ပူးပေါင်းရင်းမြစ်များ

Yowani 10:24

limoten da no tao do Yotay. Maniring sira jya am, “Yanamen ipeykawad imo. Pancyan pala jyamen o mo ka Misayya.”

Yowani 16:25

“Amyan rana so nipehngehngay ko a ciring ko jinyo. Am yarana makeykai o araraw na a makaranes. So ji ko rana mapowzibi so ciring ko. Ta ko na pasononga o vazay ni Ama a ipanci ko jinyo.

Yowani 16:29

Maniring o macinanao jya am, “Ka manoyong a yaji manayotayo so ciring, ta namen katenngan rana o peypeypangayan no mo ipanci.

Nimlivolivon 14:3

Am mownay pa dang si Pawlo a kani Parnapo. Ji sira nimamogaw a meylimwang ni Yeso. Ta nioyatan na sira ni Ama ta do to. Am aro o mapeyzokab a vazay da yongkad no ipeylimwang da pangangarilawan na ni Ama ta do to.

Nimlivolivon 4:13

Macita da no panipanirsirngen do peykeykaygyan si Pite a kani Yowani a mowyat so onowned am manakem da rana sira todna ka tao a jya nimeyvatvatek. Am ori o nipeyzokaban da nira. Meyratateng am katovilan da rana sira nimacilocilolo ji Yeso.

Nimlivolivon 9:27

Am kanisomidong na sya ni Parnapo a mangay tomita so nipamnekan ni Yeso a omlivolivon no ciriciring na a kapanci na nya jira so mina kapakacita na ni Sawlo si Yeso do rarahan a nisomirisiring sya a kapanci na pa nya jira so kaji na mogawan ni Sawlo a meylimwang ni Yeso do Tamaseke.

Nimlivolivon 9:29

No kanang am nimacisirsiring a kapacinekanekad na do tao do Yotay a meyzezyak so ciring da no tao do Sila. Am naknakmen da o kazakat da si Sawlo.

1 Kedinto 14:19

Am no malwalovot a meynozi am apyapyahen ko pa o alima ka ciring a katenngan da amizngen no tao a makananao sira a kano meykazivozivo a ciring a ji da tenngi amizngen no tao.

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 3:11

No yamanoyong keyyan no oyowyat na no yaji meyyonownay a iwawalam am jyabo kaji na rakorakwan pa no oyowyat na no yato meyyonong ori a.

2 Kedinto 4:13

Ta maniring do Seysyo am, “Ko anoyngan si Ama ta do to an. Am ori o ko peylimwangan nya.” Namen akman so sang a meyhanhan nya. Am ori o namen peylimwangan nya.

2 Kedinto 7:4

Yako ipeyhanhan inyo. Yako azwain inyo. Tana amyan so aro a alalaw ko am ko jyanyaheyan. Ta yako ipeyhanhan inyo a mapadnadna so nakem ko.

Veydipi 1:14

Ta yada ikowyowyat so nakenakem ji Ama ta do to no akma tey kakteh do cinai a yajyanyahey a meylimwang no ciriciring na ni Ama ta do to.

Veydipi 1:20

Ko ipeyhanhan si Ama ta do to a somidong jyaken a mapeyvazay so isaray na vazay. Tana sicyaikwaya kano kakwa am meyyangay o kaji ko anyaheyan. Tana mavyay ko a tana mawakwak ko am jyabo kaji ko azwazwayan si Kizisto do kataotao ko a.

Kelosi 4:4

Am ori an, peynozyan nyo nyaken a kanoyong ko a ombaba so nanao ni Yeso Kizisto.

1 Tesalonicya 2:2

Nyo katenngan an, ta no kaji namen angayan pa jinyo do dang am amyan rana so alalaw namen do kapeymetdeh da jyamen do Veydipi a ili. Am na mina kapanta nyamen so oyowyat ni Ama ta do to. So namen jyanyahei no meykamadadayan a da izazat jyamen a yameylimwang no Mapasaray a Ciriciring na ni Ama ta do to jinyo.

1 Timotay 3:13

No apya o sidongan da so vazay da no tomalamozong no kyokay am admain da rana sira no icyatatao da a kaji da rana mogawan a mangononong so nanao ni Yeso Kizisto a ipeylimwang do icyatatao da.

Veydimeng 1:8

Am ori an, no ko manoyong a akma moy kakteh do cinai do ta kapacikaop ji Kizisto am ji ko amwan nimo a pahanhanen a mahap so ciring ko.