2 Kedinto 3:1 - Seysyo No Tao

¹ Manngwa, namen pahamahen o aktokto namen? Manngwa, namen akman so yatatasa tao a manta ninyo so teygami a yongkad namen a lamlamsoy ni Ama ta do to? Namen ji ngakzeba inyo a meylimwang nya do tao so kazwayan namen.

2 Kedinto 3:1 ပူးပေါင်းရင်းမြစ်များ

Nimlivolivon 18:27

Meyratateng am naknakmen na ni Apolo o kangay na do Akayya. Ori o nisidongan da sya no akma ney kakteh do cinai do Ivoso a meyteygami nira no omanoyong ji Yeso do Akayya tomaotao sya no mangay jira. Makaranes rana dang si Apolo am arako o nisidongan na sira so nimakahap rana so pangangarilawan na ni Ama ta do to a tao.

Loma 16:1

Amyan so mangay jinyo do dang a meyngaran si Veypey. Iya rana ori am akma tey kakteh do cinai a mavakes a yasomidong so sinjya do Kengkedi.

1 Kedinto 10:33

Inarahen nyo o mina vazay ko a mapasaray so aro a tao a ji mangozay do apyahen ko no nakem. Ta panadnaden o icyatatao. Ta ori o ikablis da no onowned da ipakahap da so to meyyonong a ikavyay no pahad da.

1 Kedinto 16:3

No si makaranes ko na am manovoy ko so ipeyhanhan nyo a tao a maciralay do teygami a kano nipeysinsinmo nyo a nizpi a yangay da do Yelosaleng.

1 Kedinto 3:10

No ko pangozayan o nitoro na jyaken ni Ama ta do to a teneteneng am ko akmey mateneng a mangamaog so vahay a tao, do kanimapangay ko so soil na a katonton da jya pakapyahen do teyngato no karwan no tao. So pakapyan da so paringen da vahay.

1 Kedinto 4:15

Tana todaro tao amnanao jinyo a mapeypahagnat so nakenakem nyo ji Kizisto am asa saon o ama nyo am. Ta yaken rana am nipeylimwang ko jinyo o Mapasaray a Ciriciring na ni Ama ta do to. So yako icyakmey ama nyo a omanoyong ji Yeso Kizisto.

2 Kedinto 10:12

Namen jyadkeci namen kapazanod so kataotao namen do yamapakarakarang so kataotao da. Ta yamanoyong da kakmey ji makownong jya an, a yamapehngay so kataotao da do kadwan jira.

2 Kedinto 10:18

Ta o ipanci na ni Ama ta do to apya so vazay am ori o manoyong a azwazwain. Ta o mapazway so kataotao na am ji na narayan ni Ama ta do to o akman sang.

2 Kedinto 10:8

O na nitoro jyamen ni Yeso Kizisto a vazay namen am namen sidongen inyo. Beken a namen ipeyparaherahet inyo. Am ori an, tana teywara o pazwayan namen so vazay namen am jyabo kanig namen a.

2 Kedinto 12:11

Yako akmey mapazway a tao. Am monganay jinyo o yako ikakman sang a yaji mapazway jyaken do tangain no malas a tao. Tana abo angangayan ko am jyabo kaji ko maciktwan do yamangalalas a beken a lamlamsoy ni Kizisto a.

2 Kedinto 12:19

Ala nyo ipanci yamen a yamangamaog no kataotao namen so ciring. Am to ko na macitangayan jinyo am namen jyakman sang an. Ta o ciriciring ni Kizisto o namen ipanci jinyo do tangain ni Ama ta do to. Manga keypong, o vazay namen am namen kanakenakem so yakasidong jinyo a peypahagnaten so nakenakem ji Ama ta do to.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

2 Kedinto 5:12

Beken a namen pazwain o kataotao namen jinyo. Ta namen kakzeben inyo a zomwazway so mina vazay namen do tao. Ta ori o itovis nyo do mapakazwazway no kapya da a ji macipayok so onowned ji Ama ta do to.