2 Kedinto 2:12 - Seysyo No Tao

¹² No kangay ko do Teloya ili a meylimwang no Mapasaray a Ciriciring na ni Yeso Kizisto am niwangan na rana ni Yeso o angayan ko peyvazayan.

2 Kedinto 2:12 ပူးပေါင်းရင်းမြစ်များ

Nimlivolivon 14:27

Makaranes rana sira do Antia am lovoten da sira o sinjya a kapanci da nya jira so nisidongan na sira ni Ama ta do to do vazay da. Ta o ipeylimwang da do tao a ciriciring na ni Ama ta do to am nyanoyngan da no beken a tao do Yotay.

Nimlivolivon 16:11

Nimavang namen do avang do Teloya kapasongay da sya mangay do Samotake. Ikadwa na araw am makaranes namen do Niyapodi.

Nimlivolivon 16:8

Am ori o to da hatasi so Misiya a kangay da do Teloya.

Nimlivolivon 20:8

Aro zampo do ikatlo na vava no vahay a peylovolovotan namen.

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

1 Kedinto 16:9

Tana yaro yamrahet jyaken a yameylimwang no ciriciring na ni Ama ta do to am ko ji macimazai. Ta yatey yaro o makza no ciriciring na ni Ama ta do to.

1 Kedinto 9:12

No akman sang o karwan no tao a mangakday jinyo am ikongo ikarahet namen akman sang so nakenakem jinyo. Am namen kajyakmanan so sang. Ta namen to liliwa o namen kakcin a kano namen kahen. Ta ikasengseng na meylimwang no Mapasaray a Ciriciring na ni Kizisto no si myan so tao a manci nyamen a magom so itoro nyo.

1 Kedinto 9:14

Akman sang o meylimwang no Mapasaray a Ciriciring na ni Yeso, ta pakanen sira.

1 Kedinto 9:16

Am ikongo o pazwayan ko so kapeylimwang ko no Mapasaray a Ciriciring na ni Ama ta do to, do nitoro na jyaken a vazay ko ni Ama ta do to. No si ji ko meylimwangan no ciriciring na am jyabo kapya ko a.

2 Kedinto 10:14

No manoyong na kapaminda jinyo am yajyalas o na kaji meyhavasan no ciring ni Kizisto a yanamen ipamizing jinyo, do kaney manma namen a yameylimwang no Mapasaray a Ciriciring na ni Kizisto jinyo.

2 Kedinto 11:4

Ikeykongo kamo a yato mamyapya no yamacitarek so ipeylimwang a ka nyamen a yaomagaz ji Yeso. Ikeykongo kamo eya a to nganoyong do macitarek so ipeylimwang a Seyzi a kano Mapasaray a Ciriciring.

2 Kedinto 11:7

No ko pamizngen inyo no Mapasaray a Ciriciring na ni Ama ta do to am yabwata asa ka apzapzatan a yako nyami jinyo. Ko to pakabowa o kataotao ko, do ko kapyapya pa jinyo a meypahagnat so nakenakem ji Ama ta do to. Manngwa, ko kalasan o akman sang?

2 Kedinto 4:3

No myan so ji makateneng do Mapasaray a Ciriciring a ipeylimwang namen am o ji manaralay a tao saon o ji makateneng jya.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

2 Kedinto 8:18

Namen manovoy so yasa ka tao a macihza jya. Iya rana am da ikanig no tao do peycyakyokyokayan na a yameylimwang no Mapasaray a Ciriciring na ni Ama ta do to.

2 Kedinto 9:13

O akman rana sang a ipanidong nyo so tao am ipakateneng da jinyo no aro a tao a yaomonot ji Kizisto a yaji mapasala do nanao ni Kizisto a yamanidong so tao. Am ori o da miminan so azwazway a itoro ji Ama ta do to no aro a tao.

Kelosi 4:3

Ipeynozi nyo yamen a kapeypalanginan na nyamen ni Ama ta do to a mangay meylimwang no ciriciring na. So ikanoyong na rana meylimwang no ji da pa nipatwaw no kakwa a nanao ni Kizisto. O yada aptengan jyaken sicyaikwaya am ko nyahap o vazay na ni Ama ta do to.

1 Tesalonicya 3:2

Namen nitovoy o akma tey kakteh do cinai si Timotay a mangay jinyo do dang. Iya rana am kararay namen a mahap so vazay na ni Ama ta do to a meylimwang no Mapasaray a Ciriciring na ni Kizisto. O namen nitovoyan sya am sidongen na inyo a komdeng so nakem a omraralay ni Ama ta do to,