2 Kedinto 2:1 - Seysyo No Tao

¹ Am ori o to ko na mamneki do kaji ko na ratan so kangangay nyo no si mangay ko pa jinyo no ipisa.

2 Kedinto 2:1 ပူးပေါင်းရင်းမြစ်များ

Nimlivolivon 11:29

Am ori o nikamimin da no amraralay ni Yeso a tao a mapeysinsinmo so nizpi a itoro da do akma dey kakteh do cinai a meyvahay do Yotay. To da palololwa do karwaro no nizpi da o panaoben da.

Nimlivolivon 15:2

Si Pawlo a kani Parnapo am nimakdeng sira nimacigalagal jira do akman sang a malas a nanao. Am ori o nipamnekan da ji Pawlo a kani Parnapo a kano tatasa ka sinjya a mangay do Yelosaleng a macisirsiring nya do nipamnekan ni Yeso a omlivolivon no ciriciring na kano panipanirsirngen do kyokay.

Nimlivolivon 15:37

Naknakmen na ni Parnapo si Yowani Make a palolwen da macihza jira.

1 Kedinto 2:2

Ta mina to ko na mamneki do kabo no yamatarek a yako inanao jinyo. Ta si Yeso Kizisto a nipadket da do jyojika o yako inanao jinyo.

1 Kedinto 4:21

Ikongo apyahen nyo a vazay ko si makaranes ko jinyo do dang. Manngwa, apyahen nyo o kaoya ko ninyo? No apyapyahen nyo o kasaray ko ninyo.

1 Kedinto 5:3

Yaken rana am tana yamarai o kataotao ko jinyo am onowned ko am yakmey to ngyan jinyo. So yako pangozayan do ngaran na ni Yeso a yamwoya no yakman sang so vazay a tao. So yako icyakmey yamyan jinyo do dang. No malwalovot kamo am akma koy to macilovot jinyo so onowned, do ko kapangozay do oyowyat na ni Yeso a Panirsirngen ta.

2 Kedinto 1:23

Ko tawagan si Ama ta do to a macingosongoso nyaken. No si mangalalas ko am cyaha, ta pasingsingkadan na yaken. Ori o to ko na manci no kaji ko nangayan do Kedinto a omwoya ninyo. Ta manakem ko o kapamlis nyo pa.

2 Kedinto 13:10

O ko peyteygamyan ninyo am ko kakzeben o kaji ko oyyan ninyo a mangozay do oyowyat na ni Kizisto no si mai ko jinyo do dang. Ta o yana nitoro ni Kizisto a oyowyat na jyaken am isidong ko jinyo. Beken a ioya ko inyo.

2 Kedinto 2:4

To ko meykaoo a meyngen so onowned no kapeyteygami ko ninyo. Am beken a irahet ko so onowned nyo, ta ipakateneng nyo jyaken a tey marilaw ninyo.

Tito 3:12

Ko naknakmen a tovoin si Atema no beken a si Ticiko a mangay jimo do dang. So ji mo meypahahai a mangay do Nikepodi a mapananala jyaken. Ta nipamnekan ko na o kato ko ngyanan do dang sicyamyan eya.