2 Kedinto 13:5 - Seysyo No Tao

⁵ Ileylamdamen nyo pala o kataotao nyo. Manngwa, nyo pangononongan o nanao na ni Ama ta do to? Manngwa, nyo jyatenngi na keyyan ni Yeso Kizisto jinyo? No si abo am ji kamo anoyong pa a omanoyong jya.

2 Kedinto 13:5 ပူးပေါင်းရင်းမြစ်များ

Yowani 14:23

Maniring si Yeso am, “O maglaw nyaken am pangononongan da o nanao ko. Ta ori o karilawan na nira ni Ama. So ipacikaop namen si Ama jira.

Yowani 15:4

Ji nyo ngaroi yaken an. Akman jyaken a ji macisyay jinyo. Abo o yangaw no kayo a to meynakem no kapalasi na no ji macinapnap do kayo na. Akman kamo sang, ta no macikaop kamo jyaken am akman kamo so kayo a malasi.

Yowani 17:23

Ko macikaop jira. Yaka macikaop jyaken a da kakmey yasa rana. So ikanoyong da rana no tao do karawan a makateneng jimo a marilaw no omanoyong jimo a tao. Akman jyaken a yamo ikaglaw a kapakateneng da rana no tao do karawan do kanitomovoy mo jyaken do teyrahem.

Yowani 17:26

Ko na nipeylimwang imo jira. Am ipeylimwang ko pa imo a kanoyong no aglaglaw mo jyaken amyan jira, akman jyaken a macilovot jira.”

Yowani 6:56

O koman so kataotao ko a kano amyop so rala ko a tao am macikaop sira jyaken. So ikanoyong ko na macirapa do onowned da.

Yowani 6:6

O peycirngan na sang am ileylamdam na si Veydipo. Ta katenngan ni Yeso rana o ahahapan na sya.

Loma 1:28

Ji da ranakzan no tao o manoyong a nanao na ni Ama ta do to. Am ori o to na rana macipanadngi do onowned da a meyparahet a mapeyvazay so makararahet a vazay.

Loma 8:10

Am no si myan jinyo si Kizisto am tana mawakwak o kataotao nyo am mavyay o pahad nyo, ta yana rana nivonas o raraten nyo ni Ama ta do to. Am ori o na abnekan jinyo abo rana so raraten do tangain na.

1 Kedinto 11:28

Am ori an, naknakman pa so karatan no kataotao a kakan rana sya, keyyop rana sya.

1 Kedinto 11:31

No panmanmahen ta pa o kanakenakem ta so nikaratan no onowned ta am jyabo kaoya na nyaten ni Ama ta do to a.

1 Kedinto 3:16

Manngwa, nyo jyatenngi o na kapacilovot jinyo ni Ama ta do to? Manngwa, nyo jyatenngi na keyyan jinyo no Seyzi?

1 Kedinto 6:15

Nyo jyatenngi o na kaponged no kataotao nyo ni Kizisto? Manngwa, apya kapasagpyan ko so akma ney kataotao ni Kizisto? Tey marahet o akman sang!

1 Kedinto 6:19

Nyo jyatenngi o na keyyan jinyo no Seyzi na ni Ama ta do to a nitoro na jinyo? So ikabeken a inyo no kataotao nyo.

1 Kedinto 6:2

Manngwa, nyo jyatenngi yaten a italamozong na ni Ama ta do to o mapacici so tao do karawan no makwa? No si inyo eya mapacici so tao eya am manngwa, ji nyo rana zavat o likta a vazay?

1 Kedinto 9:24

Katenngan nyo an. Tana aro o macipalalayo a tao am asa saon o azawen da am. Akman kamo so sang an, a makdeng a malalayo a kapakahap nyo so yazaw na jinyo ni Ama ta do to.

1 Kedinto 9:27

So ko apzatan do onowned ko. So ji ko to mangozai do apyahen ko. Ta ori o ji na wakwaki no azaw ko ji Ama ta do to. Ta maraherahet o kavozcin jyaken a kapakahap da sya no pamizngen ko a tao.

2 Kedinto 6:16

Ji nyo peyzavoza o raralayan nyo ni Ama ta do to a kano malas a iraralay da no tao. Ta yaten o na yanan no to meyyonong a Tao do to. Akman so ipanci na do Seysyo. Ta maniring am, “Macikaop ko do omanoyong jyaken a tao a keyyan ko do onowned da. So abnekan da jyaken a Tao do to da. So ikanoyong da italamozong ko a tao.

Cyalatay 2:20

Am ori an, ikabeken a yaken rana no yamavyay sicyaikwaya. Ta si Kizisto rana o yamavyay do onowned ko. O yako ikavyay sicyaikwaya am yako ipeyhanhan o Anak na ni Ama ta do to. Na nikarilaw yaken a na nyangay no inawan.

Cyalatay 4:19

Kamo akmey anak ko na. Ta yatey rako o aryarilaw ko jinyo. So yako icyakmey mavakes a toda jyapaw so totowang so alalaw a omnanao jinyo, mangay no si meynara nyo na si Yeso Kizisto so icicirawat.

Cyalatay 6:4

So ikamimin no tao a manakenakem a manci no, “Manngwa, yapya no yamarahet o iwawalam ko.” No si apya am manoyong o kasaray na. So ji mapadmai so kataotao do icyatatao.

Ivoso 3:17

Ori o ipakateneng nyo ji Kizisto a manoyong rana a yamacikaop jinyo a yatomalamozong ninyo. Ko ipeynozi inyo a mapayamot so pangangarilawan na do onowned nyo.

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

Kelosi 2:19

Sira rana am ji sira rana macikaop ji Yeso Kizisto. Ta si Yeso Kizisto rana am Panirsirngen ta a yamraralay nya tao. So ta icyakmey kataotao na. No macikaop ta na ji Kizisto a yamraralay nya am ori o ipeypahagnat ta rana so onowned, do kapakateneng ta rana do manoyong a nanao na ni Ama ta do to.

Kelosi 2:7

Payamoten nyo o nanao na ni Yeso Kizisto do onowned nyo a kapeypahagnat nyo na so nakenakem jya. So sarayan nyo nya ji Ama ta do to.

1 Timotay 2:15

Am o mangahanas rana mavakes am apzatan na sira ni Ama ta do to no si jyablis o nakenakem da si Ama ta do to a mangarilaw so tao, ji meylimoteng so onowned, apiya so vazay.

2 Timotay 3:8

Akman si Yanayse a kani Yangpole a ji ngahap so apya nanao na ni Moyse am akman sang o vazay da no mangnanao no malas a tao. Ta yajyablis o pangtoktwan da. So ikabo na no katatenngan da a manoyong a nanao na ni Ama ta do to.

Tito 1:13

Yabwata o kalalasan na no ciring na. Am ori o ji mo anigi nira ioya. Ta ori o ikanoyong no nakenakem da ji Ama ta do to,

Tito 1:16

O akman rana sang a tao am o ciriciring da am akmey macyanoyong ji Ama ta do to. Am o aktokto da am ori o omalalas jya. So ikanoyong da pacioyyan na ni Ama ta do to, do kaji da ngahapan so nanao na. So ikabwata no apya vazay a peyvazain da.

Tito 2:2

Vavagan mo sira o rarakeh a mahakay, ta apzatan da o onowned da an. Ji da pasala o nakenakem da ji Ama ta do to an. Ji sira hayo so nakenakem ji Ama ta do to. Ta naknakmen da o pangarilawan da so icyatatao da a kato da peykabobwan so alalaw da.

Sipolay 12:15

Makapzat kamo, ta mapehes jinyo o pangangarilawan ni Ama ta do to. Makapzat kamo, ta amlida do onowned nyo o raraten nyo. Ta no meyparako ori am makangingit so tao a meyraraten.

Sipolay 4:1

Am ori o naknakman nyo so kato nyo ngotokotan so nakem a omanoyong ji Ama ta do to. Ta no si ji kamo manganoyong am ji kamo macikaop ji Ama ta do to.

Sipolay 6:8

Am no maday a tamek omlida do nihakawan am to rana wagwaga o akman sang. O akman sang a tao am balinasen na ni Ama ta do to.

Yake 4:4

To kamo makasi yaomalalas ji Ama ta do to a tao. Ta manngwa, nyo jyatenngi o kapeykavosoyan na si Ama ta do to no meyparai jya so nakem a tao? So ji na alasi no akman sang a tao a mapeykavosoyan si Ama ta do to.

1 Pite 5:9

Pahadpeten nyo o nakem si Ama ta do to. Likodan nyo o vazay ni Satan. Ta nyo katenngan sira o akma nyoy kakteh do cinai a yakman jinyo a yamakasazi so alalaw da a yamraralay ni Ama ta do to.

Ipaziman 2:5

To nyo rana naknakma o yanyo nikahahan no nakenakem an. So ipamlis nyo a amwoli so kararalay nyo nyaken an. Ta no si ji kamo mamlis am to ko nangai a mehes so peyzeyzampwan nyo.