2 Kedinto 13:4 - Seysyo No Tao

⁴ Tana yakmey yabo oyowyat na ni Kizisto do yada kanimapadket sya do jyojika am oyowyat na ni Ama ta do to o yanimapeyvangon sya. So namen ikakman sang akmey abo so oyowyat a yamacikaop ji Kizisto. Am no namen ioya inyo am oyowyat na ni Ama ta do to o namen pangozayan an.

2 Kedinto 13:4 ပူးပေါင်းရင်းမြစ်များ

Yowani 10:18

Abo o tao a makapehes so inawan ko, ta yaken o yatomalamozong no kawakwak ko, kaji ko a wakwakan. Nakenakem ko kangay no inawan ko. To ko ngonongonongi o keypirwa ko a mavyay, ta nakenakem ni Ama o kahap ko so akman sang a vazay.”

Nimlivolivon 2:36

“Am ori an manga zipos a kakteh ko a Isedi a tao am naknakmen nyo an. Ta si Yeso a nyo nipadket do jyojika am yana rana nibnek ni Ama ta do to a Misayya a Panirsirngen ta.”

Nimlivolivon 3:16

Namen nipangozayan o ngaran na ni Yeso. Ori o na nikapya no tao a yanyo macita do nyo tangain ang.

Loma 1:4

No hapen do ka Tao do to na am iya o nipeyvangon na ni Ama ta do to a nimapo do heseb na. So ikanoyong na Anak na ni Ama ta do to.

Loma 14:9

Ta si Yeso Kizisto rana am nimawakwak a keypirwa na rana mavyay. O ikakman na sang am peypanirsirngan da no mavyay a tao a kano nimawakwak a tao.

1 Kedinto 1:25

Ta o todalapit a teneng ni Ama ta do to am maharahara pa kano teneteneng no tao. O alikey a oyowyat ni Ama ta do to am rakorako pa kano rako a oyowyat no tao.

1 Kedinto 15:43

O nibobo rana tao am abo o oyowyat na. Am no mirwa ta mavyay am tey mazway ta na.

1 Kedinto 2:3

Am ori an, makaranes ko jinyo do dang am malma ko so kataotao amzikzik do kanyahey ko. Ta ihawa ko kaji ko makatenngan do vazay na ni Ama ta do to.

1 Kedinto 6:14

Si Ama ta do to o nimapeyvangon si Yeso do heseb na. So icyakman na sang ni Ama ta do to a mangozay do oyowyat na a mapeyvangon jyaten no makwa.

2 Kedinto 10:10

Yamyan so tao a yamapeyciring so, “No yameyvatvatek si Pawlo am tana yamangdet pa, yajyowyat am. Am no yana to macimata eya am malma, yabo so oyowyat a yamarahet so ipanirisiring.”

2 Kedinto 12:10

Am ori an, ko na to meyhanhanan si Kizisto. So ji ko a raci nya no kangangay no yabo oyowyat ko, da avain yaken, no myan so rako a alalaw ko a kano peyrarehtan da jyaken do kahap ko so vazay ni Kizisto. Ta no abo oyowyat ko am na oyatan yaken ni Kizisto.

2 Kedinto 13:9

Tana da ipanci yamen a abo so oyowyat a omwoya ninyo a kakdeng no nakenakem nyo ji Ama ta do to am isaray namen o akman sang. O namen kakzeben am kapeypahagnat nyo so nakenakem ji Ama ta do to.

Veydipi 3:10

Am ori o ko naknakman so ko kapakateneng ji Kizisto a kano arako a oyowyat na jyaken. Ta iya rana am tey mowyat, ta nimirwa a mavyay. Yako ikakza o ko kapacizanod jya so alalaw, akman sya ji rahet so kawakwak na.

Sipolay 5:7

No keyyan na pa ni Yeso do karawan am nimlolos a mapasyasi ji Ama ta do to a mapatastas sya do kawakwakan na. So niiteng no kaoo na mapasyasi ji Ama ta do to. Ikongo do nipehbo na o kataotao na, am ori o nyamizngan na sya ni Ama ta do to so ciring na.

1 Pite 3:18

Ta ipisa si Yeso Kizisto a nimawakwak no raraten ta, kapakavos na rana so vazay na a mapatazadang jyaten do teyngato. So ikanoyong na abo so raraten a nisomabway no raraten no tao, do na kapanop jyaten ji Ama ta do to. Tana niwakwak da o kataotao na am jya nimawakwak o pahad na.

1 Pite 3:22

Yana myan si Yeso Kizisto do teyngato a yamlisna do wanan ni Ama ta do to a yatomalamozong no tinsi. So ji da makapeysopoi do oyowyat ni Kizisto no makakaday do teyngato.