2 Kedinto 13:2 - Seysyo No Tao

² Ko ipanci pa jinyo akman so nipaziman ko na jinyo no keypidwa ko a mai jinyo no kakwa. Am manakem nyo no kaji ko pa angayan jinyo sicyaikwaya an. Ta no ipisa mai ko am jyabo asa ka tao a makatayo do oyaoyyan ko ninyo a.

2 Kedinto 13:2 ပူးပေါင်းရင်းမြစ်များ

1 Kedinto 5:5

O akman rana sang a tao am to nyo macyozai a kapeyingnen na so kataotao na ni Satan. Si maliliw na o kataotao na meyngen am ori o ipamlis na rana a kavyay no pahad na no si pirwa mai si Yeso a Panirsirngen ta.

2 Kedinto 1:23

Ko tawagan si Ama ta do to a macingosongoso nyaken. No si mangalalas ko am cyaha, ta pasingsingkadan na yaken. Ori o to ko na manci no kaji ko nangayan do Kedinto a omwoya ninyo. Ta manakem ko o kapamlis nyo pa.

2 Kedinto 12:14

Ko naknakmen o ko keypitlo a mangay a tomazogaw ninyo. Am yabo ko kakzeben jinyo. Ko kakzeben am inyo. Beken a nizpi. Ta o kanakan am beken allamen da o inyapwan da. Ta o inyapwan am ori o amlam so ananak da.

2 Kedinto 13:10

O ko peyteygamyan ninyo am ko kakzeben o kaji ko oyyan ninyo a mangozay do oyowyat na ni Kizisto no si mai ko jinyo do dang. Ta o yana nitoro ni Kizisto a oyowyat na jyaken am isidong ko jinyo. Beken a ioya ko inyo.