2 Kedinto 12:9 - Seysyo No Tao

⁹ O na nitovis jyaken am, “Cyaha, ta yarakorako rana o aryarilaw ko jimo. Ta ko mangay oyatan imo no abo oyowyat mo.” Ori an o ko apyapyan pa so ko kapazway so oyowyat na ni Ama ta do to do kataotao ko. Ta nioyatan na yaken no kabo no oyowyat ko.

2 Kedinto 12:9 ပူးပေါင်းရင်းမြစ်များ

Matay 28:18

Omasngen jira si Yeso am maniring jira am, “Na rana nimimin ni Ama ta do to o oyowyat do teyngato a kado teyrahem a yanitoro jyaken.

Matay 28:20

a kananao nyo sira a omahap so makakaday a yako ninanao jinyo. Am manakem nyo o kaji ko macisyayan jinyo a mangay do kaidan no karawan.”

Locya 21:15

Ta ipanta ko inyo so teneng nyo, kaji da makatenngan do ciring nyo a tovisan no maoya ninyo a tao.

1 Kedinto 10:13

O yana ilita jinyo ni Satan am yabo dang vayo. Am katey manoyong na ni Ama ta do to a mapahawa so ikarahet nyo a ilita na jinyo ni Satan. Ta oyatan na inyo ni Ama ta do to no littan na inyo ni Satan. So ikapiya nyo a ipeypalanginan na ni Ama ta do to a mahap so apiya vazay.

1 Kedinto 15:10

Am o pangangarilawan na ni Ama ta do to o ko ikakman sya. Yamanoyong o pangangarilawan na ni Ama ta do to a nitoro na jyaken. Am ori o ko ikaharahara pa a yameyvazay a kano karwan namen a nipamnekan na ni Yeso. Am beken a kowyowyat ko a meyvazay, ta si Ama ta do to am ori o yamacipeyvazay jyaken.

1 Kedinto 2:3

Am ori an, makaranes ko jinyo do dang am malma ko so kataotao amzikzik do kanyahey ko. Ta ihawa ko kaji ko makatenngan do vazay na ni Ama ta do to.

1 Kedinto 2:5

So ikanoyong no nakenakem nyo ji Ama ta do to. Beken a monganay do teneteneng no tao. Ta monganay do oyowyat na ni Ama ta do to.

2 Kedinto 11:30

Si zowain ko o kataotao ko am apyapya pa kapazway ko so makakaday a alalaw ko.

2 Kedinto 12:1

Abwata kapyapyan no mapazway. Am na keyyan pa no yalikey yako pazwain. Sicyaikwaya am ko malavat o nitoro na jyaken ni Yeso a Panirsirngen ta a akmey tatateynep a nimacita ko.

2 Kedinto 12:10

Am ori an, ko na to meyhanhanan si Kizisto. So ji ko a raci nya no kangangay no yabo oyowyat ko, da avain yaken, no myan so rako a alalaw ko a kano peyrarehtan da jyaken do kahap ko so vazay ni Kizisto. Ta no abo oyowyat ko am na oyatan yaken ni Kizisto.

2 Kedinto 12:15

Ko ikakza inyo a sidongen an. So ikapyapya na pa no kangay no inawan ko a kapakasidong ko so pahad nyo. Manngwa, ipeyparahet nyo so nakem jyaken o karilaw ko ninyo?

2 Kedinto 12:5

O akman rana sang a tao am ko pazwain. Am yaken rana am yabo ko pazwain do kataotao ko. Ta o yamakakaday a alalaw ko am ori o yako pazwain.

Ivoso 3:16

Ko ipeynozi ji Ama ta do to o kowyat na jinyo no Seyzi a meypakdeng so nakem ji Ama ta do to. Ta iya rana am yatey mowyat a yatey mazway a Tao do to.

Veydipi 4:13

Ta si Yeso Kizisto a yaomoyat jyaken am ori o ko ipakownong do ko ahahapan sya, do yameycyataretarek a ko masapa.

Kelosi 1:11

Ta iya rana am tey mowyat. So namen peyhanhanan nya a makasidong jinyo a jyamama no makakaday a alalaw a masaray rana so onowned.

1 Timotay 1:14

O Panirsirngen ta rana si Yeso Kizisto am yatey rako o pangangarilawan na a na nitoro jyaken a na kapanta pa nyaken so onowned ko a meyhanhan nya kano pangangarilawan ko so icyatatao ko, ta yako macikaop rana jya.

Sipolay 11:34

So nihespan da do rako a lila no apoy. Nipakasaoy da do ipangan no tao a amwakwak sira. Kakwakwan da abo so oyowyat am nioyatan na sira ni Ama ta do to. So nikowyat da amharag so omarap sira tao do livolivon no ili da.

Sipolay 4:16

Am ori an, ji tamo a mogawi a omasngen do tangain ni Ama ta do to a omahap so itoro na jyaten a pangangasyan na kano pangangarilawan na a isidong ta so kataotao ta no makasazi ta so alalaw ta.