2 Kedinto 12:2 - Seysyo No Tao

² Ko katenngan o keyyan no yasa ka sinjya a mina kapat so icyarwa (14) so awan a nikatkat na do teyngato ni Ama ta do to. Am ko jyatenngi kanimangay na no kataotao na, ta ala pahad na nimangay do teyngato.

2 Kedinto 12:2 ပူးပေါင်းရင်းမြစ်များ

Locya 24:51

Ipanlanlag na sira am karwan na rana sira a meycyakavat a mangay do teyngato.

Yowani 6:56

O koman so kataotao ko a kano amyop so rala ko a tao am macikaop sira jyaken. So ikanoyong ko na macirapa do onowned da.

Nimlivolivon 14:6

Mamizing ni Pawlo a kani Parnapo am somazok sira do Disetela kado Tepey a ili a macinapnap do Dikawniya kado macisngen dang a ili,

Nimlivolivon 22:17

“Kadadayan na so araraw am meyoli ko a mangay do Yelosaleng a mangay meynozi do rako a panaralayan. Meyratateng am akma raney tateynep ko si Yeso a to ko a cita. Maniring jyaken am, ‘Makeykai ka komaro do Yelosaleng an. Ta o tao rana jya am da jyakzan a yamizngen o mo ipeylimwang jira a ciriciring ko.’

Loma 16:10

Ko ipeyminaminasi si Apeydi a jyablis so nakenakem ji Kizisto a kani Aditopo asa ka vahay.

Loma 16:3

Ko ipeyminaminasi si Paycila kani Akwila a kararay ko a mahap so vazay na ni Yeso Kizisto.

Loma 16:7

Ko ipeyminaminasi o kasina ko no inawan a si Antoniko a kani Yoniya. Sira ori am nimanmanma pa ka nyaken a niomanoyong ji Yeso Kizisto. No kapteng da jyamen am sira ori o mina kararay ko do pamemtengan. Katenngan da sira no nipamnekan na ni Yeso Kizisto a amlivolivon no ciriciring na.

Loma 16:9

Ko ipeyminaminasi pa si Opano a kararay ta a meyvazay ji Kizisto a kani Setawey a kagagan ko.

Loma 8:1

O pacikaopan ni Kizisto a tao sicyaikwaya am ji na rana meydednai no peyoyaoyyan na ni Ama ta do to a mangay no makwa.

1 Kedinto 1:30

Am si Ama ta do to o yanimapanop jinyo ji Yeso Kizisto. So na ikanoyong a na yapwan no teneng ta. Iya o na niyapwan no yamvonas so raraten ta. Am ori o na abnekan jyaten ni Ama ta do to a abo so raraten do tangain na. So icyakma tey matnaw a ranom so onowned a macilovot ji Ama ta do to a ji na rana nalamozongan no raraten.

2 Kedinto 11:11

Ikongo ko peycirngan sang. Manngwa, ko jyarilawan inyo? Cyaha, ta na katenngan ni Ama ta do to o ko karilawan ninyo.

2 Kedinto 13:5

Ileylamdamen nyo pala o kataotao nyo. Manngwa, nyo pangononongan o nanao na ni Ama ta do to? Manngwa, nyo jyatenngi na keyyan ni Yeso Kizisto jinyo? No si abo am ji kamo anoyong pa a omanoyong jya.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

2 Kedinto 5:21

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.

Cyalatay 1:22

No kano nang am ji da pa nimacita yaken no sinjya do Yotay.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Ivoso 4:10

O nimeygegcin do karawan am iya o nimeycyakavat do teyngato. O ikakman na sang am na itoro do tao do karawan o mapeyzokab a aryarilaw na.

1 Tesalonicya 4:17

Am yaten rana yamavyay pa am pehzahen na yaten jira a katkaten do cinalab a kapakacita ta na si Yeso do hanit. So ikanoyong ta a macitovong ji Yeso a mangay do kaidan no karawan.

Sipolay 4:14

Am ori o pangozayan ta do nakem ta yamraralay ni Ama ta do to. Ta yata ipeyhanhan si Yeso a ney manhama na mapatanatanang nyaten so nakem ta ji Ama ta do to. Iya rana am Anak ni Ama ta do to a yarana myan do tangain ni Ama ta do to.

Sipolay 9:24

Jya nisomdep si Yeso do nyamaog no tao a akmey sarwap a panaralayan. Ta o nyamaog no tao am ji meyngongyod ori. Si Kizisto rana am yarana myan do teyngato a mapasyasi nyaten do tangain ni Ama ta do to.

Ipaziman 1:10

Ipisa ka niciyo na am oyatan na yaken no Seyzi. So nipakamizing ko so akmey meyzapa a manci nya jyaken do likod ko.

Ipaziman 12:5

Amyan do vahay o mavakes am mahakay o anak na. So icyakma ney vahalang so kowyowyat a tomalamozong so peycyamahamahatawan na no makwa. Am o kanakan rana am katkaten do lilisnan ni Ama ta do to,

Ipaziman 4:2

So ji ko nimeyyahahai a nitalamozong no Seyzi. So nipakacita ko na do teyngato so lilisnan no panirsirngen a keyyan no amlisna dang.