2 Kedinto 11:7 - Seysyo No Tao

⁷ No ko pamizngen inyo no Mapasaray a Ciriciring na ni Ama ta do to am yabwata asa ka apzapzatan a yako nyami jinyo. Ko to pakabowa o kataotao ko, do ko kapyapya pa jinyo a meypahagnat so nakenakem ji Ama ta do to. Manngwa, ko kalasan o akman sang?

2 Kedinto 11:7 ပူးပေါင်းရင်းမြစ်များ

Nimlivolivon 20:33

Yaken rana am yabo pa o yako nikamkam a nizpi a kano ayob da no tao.

Nimlivolivon 20:34

Ta nyo katenngan yaken a yamowyat a meyvazay a omyaw no velek ko a yaomlam so kararay ko.

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

1 Kedinto 9:12

No akman sang o karwan no tao a mangakday jinyo am ikongo ikarahet namen akman sang so nakenakem jinyo. Am namen kajyakmanan so sang. Ta namen to liliwa o namen kakcin a kano namen kahen. Ta ikasengseng na meylimwang no Mapasaray a Ciriciring na ni Kizisto no si myan so tao a manci nyamen a magom so itoro nyo.

1 Kedinto 9:6

Manngwa, abo nakenakem nyo jyamen si Parnapo a yamnanao jinyo no ciriciring na ni Ama ta do to a kato namen ngonongonongan do kahakakaw namen a amyaw so velek namen?

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 10:16

a yangay namen pa do peycyeylilyan na a peylimwangan no Mapasaray a Ciriciring na ni Ama ta do to. So ji namen mapazwai so nipakavos da vazay no tao a kazwayan namen.

2 Kedinto 12:13

Yabo nyo pacinasan do peycyakyokyokayan na. O ko kaji mangapan so nyo nipatodeh jyaken. So to nyo peykaboboi so kalasan ko a jya nimahap so patodahen nyo jyaken!

2 Kedinto 2:12

No kangay ko do Teloya ili a meylimwang no Mapasaray a Ciriciring na ni Yeso Kizisto am niwangan na rana ni Yeso o angayan ko peyvazayan.

1 Tesalonicya 2:9

Manga kakteh, naknakmen nyo o zikna namen do maraw a kano mahep an, do namen kalan so isovo namen a kanen. Ta namen ji myapya inyo a mazikna nyamen no isovo namen a kanen no kapeylimwang namen nya jinyo so Mapasaray a Ciriciring na ni Ama ta do to.

2 Tesalonicya 3:8

Ji namen nimacyakakan do karwan no tao. Tana maraw a tana mahep am mangday kapeyvazay namen a omyaw no velek namen do kaji namen mamyapyan ninyo a masanga nyamen.