2 Kedinto 11:3 - Seysyo No Tao

³ Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

2 Kedinto 11:3 ပူးပေါင်းရင်းမြစ်များ

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Yowani 8:44

Inyo am anak kamo ni Satan. Ta nyo pangozayan o nakenakem no ama nyo a nimakalapo no kakwa o kapangap na so tao. Ji nakzan o manoyong a nanao, ta abo jya o manoyong a nanao. Cinatao na o kapangalalas na, ta iya rana am kapangalalas na a yapwan no makakaday a malas.

Loma 12:8

No manvavaga o nitoro na jyaten am vavagan ta o icyatatao ta an. No mazonos o nitoro na jyaten am ji ta mangbeywan do icyatatao ta an. O meypanirsirngen am ji maciziziknai o vazay an. No mangarilaw so tao am masaray onowned.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 11:20

Ta no peylamsoin da inyo am littan da inyo am soziban da inyo am ji da ninigan inyo am somiplang so posngi nyo am nyo to macyozai sira.

2 Kedinto 11:29

Ta sino ji ko ingenen no onowned a malma so onowned. Sino ji ko a zababan so onowned a meyraraten a tao.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

2 Kedinto 4:2

Namen ji ngapa o macimanig a vazay. Namen ji mangalalas. Namen ji palasa o ciriciring na ni Ama ta do to, ji powziba o nanao ni Ama ta do to. Ta ipacita namen do tao o icicirawat namen, do kanoyong namen a lamlamsoy na ni Ama ta do to.

Cyalatay 1:6

Ko ikeyngen inyo so onowned a yato ngaro do pangangarilawan na ni Ama ta do to a yanimamnek jinyo a nyo kahap so yamalas a nanao.

Cyalatay 2:4

Am yamyan so tatasa ka tao a yanimacizavoz a yamapatpeh so kataotao da. Sira ori am kakzeben da si Tito a amyongkad do kataotao na. Am sira rana am beken a kayyai da, ta ileylamdamen da yamen a yamraralay ni Yeso Kizisto a tao. Ta manngo paro sira. Ala ahapen da o iwawalam ni Moyse.

Cyalatay 3:1

Inyo rana abwata so kapsepsekan a tao do Cyalatay am yamanoyong na kanidomket ni Yeso Kizisto do jyojika. Am sinosino yamapeykawaw jinyo. Manngwa, kamo mavota saon?

Cyalatay 4:11

So ko kalawan ninyo an, do na kakmey meyyopowpas a cinalab no ninanao ko jinyo no kakwa.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

Ivoso 4:22

karwan nyo na o adan a nakenakem nyo a yamngingit jinyo do peyraratenan nyo.

Ivoso 6:24

Inaoy no si itoro na ni Ama ta do to o pangangarilawan na jinyo a yajyahayo a yamraralay ni Yeso Kizisto a Panirsirngen ta.

Kelosi 2:18

Ji nyo ngonoci sira o mapakateneteneng a tao a manci no kapakacita da so mapangyangyalak a vazay a kano tanwasiwasi a amraralay no tinsi. Ta mapehes jinyo o akma ney nakem jinyo ni Ama ta do to. Ta o akman rana sang a tao am to da mangozangozai o nakem da a tanteneteneng.

Kelosi 2:4

O ko pancyan no akman sang jinyo am ko ihawa o karwan no tao a mapeykawad jinyo no malas a ciring da.

Kelosi 2:8

Makapzat kamo. Ji nyo ngonoci o mapeycyakawad jinyo a nanao no tao do karawan. Ta o akman rana sang a nanao am apo do tao no kakwa. So ji na monganai ji Kizisto no da ipamizing jinyo.

1 Tesalonicya 3:5

Am ori o ko nitovoyan si Timotay a mangay jinyo. Ta ko ikasinalaw inyo. O ko nitovoyan sya am ipakateneng namen do nakenakem nyo si Ama ta do to. So namen ji nganoyngi jinyo a na nilittan rana ni Satan. Ta no si manoyong o akman sang am akma nameney jya ninanao inyo no kakwa pa.

1 Timotay 1:3

Apyapya kato mo ngyanan do Ivoso akman so mina ciring ko jimo no kapeypangay ko do Maciton a omzazat do yameylimwang no malas a nanao.

1 Timotay 2:14

O nilittan na ni Satan am beken a si Adam an, ta si Iwa an. Ori nipacisalan na so nakenakem ji Ama ta do to.

2 Timotay 3:13

Ta o meyraraten rana tao a kano mangnanao no malas a tao am meypeyparahet o vazay da. Ta alalasan da o tao am akman sang sira kalittan.

Tito 1:10

Ta yaro o tao a yaji manganoyong a yamapeyzavozavoz so ciring da a omalalas do manoyong a nanao. Da ipanci o beken a tao do Yotay a amyongkad do kataotao.

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

2 Pite 3:17

Am nyo na katenngan o yakman sang a ciring, manga kakteh. So azimanan nyo sya, ta kalittan kamo so onowned a peykowawen so nakem no yaji macipayok so nakem a tao.

2 Pite 3:3

O ney makdeng na am manakem nyo o keyyan no to mangozangozay do onowned da tao a meykeykaming ninyo do pangavosan no karawan.

1 Yowani 2:18

Manga ovay, yarana makeykai o na pangavosan no karawan. Nimamizing nyo na o na kai no Omalalas ji Kizisto a tao. So yada ikanoyong no omalalas ji Kizisto a yarana meytotwaw. O vazay rana ori am ipakateneng ta na do kasngen na rana no pangavosan no karawan.

1 Yowani 4:1

Inyo rana manga keypong am ji nyo to peyzangkapa sira anoyngan o manci no keyyan na jira no Seyzi. Ta ileylamdamen nyo o kanoyong na, kalas na no ipanci da Seyzi a apo ji Ama ta do to. Ta yaro sira o yamangalalas no nanao da a tao.

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.

Ipaziman 12:15

Meyratateng am amyan so rako a ranom a mamsot do ngongoy no kamolay a ipazyod na so mavakes.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 20:2

So nirakpan na no tinsi so kamolay. Iya rana ori o volay do Ityan no kakwa pa a meyngaran so Satan. So nivaodan na sya so asa zivo (1000) so awawan.