2 Kedinto 11:23 - Seysyo No Tao

²³ No si lamlamsoy na sira ni Kizisto am ji ko pazway a ciring ko am jyabo kaji ko a haraharan pa ka nira. Ta yarakorako o zikzikna ko so vazay na ni Ama ta do to. Yako ipiro a da aptengen, yada bakbakan, kaji ko angayan no inawan.

2 Kedinto 11:23 ပူးပေါင်းရင်းမြစ်များ

Nimlivolivon 14:19

Am o tao do Yotay a nimapo do Ikenyan a kado Antia a macinapnap do Pisitiya am paksozen da o aro a tao a kagsegseh da ji Pawlo. Ipanci da nimazakat rana. Am ori o nilolwan da sya yangay do siri no ili da.

Nimlivolivon 20:23

O ko katenngan am o na nipaziman jyaken no Seyzi do kapteng da jyaken, do karo no alalaw ko.

Nimlivolivon 21:11

Nimai a tomita jyamen. Mai ori am ahapen na o abtek na ni Pawlo a kato na ngonangan do lima na kano ai na a vaoden. Maniring am, “Yamaniring o Seyzi am, ‘O mapeyyabtek rana so sya am vaoden da no tao do Yotay do Yelosaleng a katoro da nya do beken a tao do Yotay.’ ”

Nimlivolivon 25:14

Makanateng o araraw no niyan da dang am ipanci na rana ni Veyseto o vazay ni Pawlo ji Aglipa. Maniring am, “Yamyan jya so yasa ka tao a nipteng na ni Veydise.

Nimlivolivon 27:1

Ikongo do nipamnekan da no panipanirsirngen o kangay da ni Pawlo do Itadi, am ori o nitorwan da ni Pawlo a kano aro a nipteng da do mimong no itaysang no Loma a meyngaran si Sodian.

Nimlivolivon 28:16

Makaranes namen do Loma am apyahen da si Pawlo a kano amzat jya itaysang a meyvahay do asa ka vahay.

Nimlivolivon 28:30

Mina kadwa kawan si Pawlo a nimeyvahay do nivood na vahay a kasaray na a tomaotao so mey manangangay nya tao,

Nimlivolivon 9:16

Ta pazimanen ko jya o karo no alalaw na do ipeyvazay na jyaken.”

Loma 8:36

O aro a alalaw ta am akman so yadomket do Seysyo. Ta maniring am, “Anoyngan namen imo. Am ori o yanamen ipangday so araraw a yatoda jyangay so inawan. Yada yamen patpehen no tao do kagling a yaomanam a yada wakwaken.”

1 Kedinto 15:10

Am o pangangarilawan na ni Ama ta do to o ko ikakman sya. Yamanoyong o pangangarilawan na ni Ama ta do to a nitoro na jyaken. Am ori o ko ikaharahara pa a yameyvazay a kano karwan namen a nipamnekan na ni Yeso. Am beken a kowyowyat ko a meyvazay, ta si Ama ta do to am ori o yamacipeyvazay jyaken.

1 Kedinto 3:5

Ikongo angangayan ni Apolo a ka nyaken. Yamen rana am na kapeylamlamsoy jyamen ni Ama ta do to a yamapalolo jinyo a yaomanoyong ji Yeso Kizisto. Ta namen to mangozai o nitoro na ni Ama ta do to a vazay.

1 Kedinto 4:1

Inyo rana am panadnaden nyo yamen a lamlamsoy na ni Kizisto a nipamnekan na ni Ama ta do to a meylimwang no ciriciring na an. Ori rana am ji da tenngi no tao no kakwa.

1 Kedinto 4:11

Yato ngai sicyaikwaya o yanamen ipacikekcin a yamawaw a yamamez a abo so ayob a yamasangib a yada bakbakan a yabo so vahay,

1 Kedinto 4:9

Ta no ko citahen am yamen rana nipamnekan na ni Yeso a amlivolivon no ciriciring na am yakmey nipazasing na yamen ni Ama ta do to do pakananaken a tao do karawan. Akman so nipamnekan da rana wakwaken a meyraraten a tao a ipeyyangwangongoyod da no tao do karawan a kano tinsi.

2 Kedinto 10:7

O vazay no tao o macita nyo. Am nyo jyacita o onowned no tao. No si amyan so tao a manci no katalamozong na ni Ama ta do to am manakenakem pa an. Ta beken a iyaha o yamonganay ji Kizisto. Ta namen akman sang a yamonganay ji Kizisto.

2 Kedinto 11:5

Ko ji nganoyngi o ko katonton do yamangalalas a beken a lamlamsoy ni Kizisto.

2 Kedinto 3:6

Iya o yanamen ipakahap so vayo a pangozayan a ciring na ni Ama ta do to a yanamen ipeylimwang. Oya rana am beken a nivatvatkan. Ta pangozayan a ciring no Seyzi. O nivatvatkan a iwawalam am ikawakwak no tao. Am o Seyzi am itoro na jyaten o to meyyonong a ikavyay no pahad ta.

2 Kedinto 4:11

O ikakman na sang am yamonganay ji Yeso Kizisto o yapwan no inawan namen.

2 Kedinto 6:9

Da ipanci o kabo no tao a yamakateneng jyamen. Am yajyakman sang, ta yabo o yaji makateneng jyamen a tao. Da ipanci yamen a yana nimazakat. Am yajyakman sang, ta namen pa mavyay. Tana da nibakbakan yamen am namen jya nimawakwak.

Cyalatay 6:17

Inaoy si papwen da sicyaikwaya o kaji da rana zyakan nyaken a meylimwang no ciriciring na ni Yeso Kizisto. Ta o aro a kozad ko do kataotao ko am ori o yongkad ko a lamlamsoy ni Kizisto.

Ivoso 3:1

O peypeypangayan no ko iyan do pamemtengan am ko ipeylimwang no ciriciring na ni Yeso Kizisto jinyo a beken a tao do Yotay. Tana akman ko sang am yako jimtadan a meynozi ninyo.

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

Ivoso 6:20

Ori an, yako iyan do pamemtengan. So yako alitan ji Kizisto a yameylimwang no Mapasaray a Ciriciring na. Ori o peynozyan nyo nyaken a kaji ko macimamman no ciriciring na ipeylimwang ko. Ta ori o peypeypangayan no na nipamnekan jyaken.

Veydipi 1:13

Am ori o da ikaro no mamzat a tao do vahay no panirsirngen eya kano aro a tao do jya do Loma a yamamimin a yamakateneng jyaken a nipteng da do kahap ko so vazay na ni Yeso.

Veydipi 2:17

O raralayan nyo ni Ama ta do to am akmey nakem nyo a patanangen nyo jya. Tana wakwaken da rana yaken a pavoyogen so rala am cyaha, ta akmey nakem ko rana ori a patanangen ko ji Ama ta do to. So ko isaray, ta macizanod kamo jyaken a somaray.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

Kelosi 1:29

Am ori an o ko ikowyat a yameyvazay a ji macimazikna do vazay a mangozay do na kaniomoyat jyaken ni Kizisto a yanitomoro no vazay na jyaken.

1 Tesalonicya 3:2

Namen nitovoy o akma tey kakteh do cinai si Timotay a mangay jinyo do dang. Iya rana am kararay namen a mahap so vazay na ni Ama ta do to a meylimwang no Mapasaray a Ciriciring na ni Kizisto. O namen nitovoyan sya am sidongen na inyo a komdeng so nakem a omraralay ni Ama ta do to,

1 Timotay 4:6

No si vahangsowen mo o aro a vazay eya do akma moy kakteh do cinai am manoyong ka lamlamsoy ni Yeso Kizisto, do kakdeng no nakenakem mo a mapeyvazay so manoyong a nanao ni Ama ta do to a yameypahagnat so onowned rana ji Ama ta do to.

2 Timotay 1:16

Inaoy no ikasi na ni Yeso a Panirsirngen ta si Onaysevo a yasa ka vahay. Ta yamasangib ori a yamai a yamapasaray jyaken. So na ji macimasneki nyaken a nipteng da.

2 Timotay 1:8

Am ori o ji mo asneki a meylimwang ni Yeso a Panirsirngen ta. Ji mo macimasnekan yaken a nipteng da mahap so vazay na ni Kizisto. So ahapan mo so alalaw ta no kapeylimwang ta no Mapasaray a Ciriciring, ta na sidongen imo ni Ama ta do to.

2 Timotay 2:9

Am ori o ko nipeyrarahet a nivaod da no nilalin da vahalang. Am o ciriciring na ni Ama ta do to am jyasengsengi. So ikabo no makazazat jya.

2 Timotay 3:11

Mo katenngan o ko kato nazibwan no aro a alalaw ko do Antia kado Ikenyan a kado Disetela. Am kanisomidong na jyaken ni Yeso a komaro do akman sang a nipeyrarehtan da jyaken no tao.

Veydimeng 1:9

Ko katenngan o katey rako no pangarilawan mo so tao. Am ko ji gacigaci imo a manidong so tao, ta yako apyapyahen pa o kapasyasi ko jimo do kapanadnad ko jimo. Ta yako rarakeh rana a yada masangib a aptengen, do ko kahap so vazay na ni Yeso Kizisto.

Sipolay 10:34

Akma kamoy to macizanod so alalaw do paneban da tao. No katakaw da so kangangay nyo a nyahap no tao am mina to nyo peykabobwa do onowned nyo. Ta katenngan nyo o kapakahap nyo so apyapya pa a peymeymasaodan nyo do teyngato.