2 Kedinto 11:18 - Seysyo No Tao

¹⁸ Am da katey yaro no tao a mapazway so monganay jira vazay. Ori o ko ikakman sahang.

2 Kedinto 11:18 ပူးပေါင်းရင်းမြစ်များ

1 Kedinto 4:10

Da ipanci yamen no tao do karawan a abo so kapsepsekan, do namen kapangnanao no ciriciring na ni Kizisto. Am inyo am nyo ipanci o kataotao nyo a mateneng a meyhanhan ni Kizisto. So nyo ikowyowyat pa ka nyamen. So da kolalahan jyamen a da kanig ninyo.

2 Kedinto 1:17

Manoyong o kanimamnek ko jya am ji ko nimangay. Manngwa, ipanci rana o akman sang a mabliblis so nakem? No katatay ko do akman sang a vazay ko am manngwa, ko to ngonongonongi o onowned ko a manci no ka noon ko sya, ka beken ko sya?

2 Kedinto 11:12

So ji ko mirwai do akman sang a nakenakem ko a mahap so patodahen nyo jyaken. Ta izavat ko so pazwayan da so ciring da no mangalalas a beken a lamlamsoy ni Kizisto, do kabo no pacicingayan no vazay da jyamen.

2 Kedinto 12:1

Abwata kapyapyan no mapazway. Am na keyyan pa no yalikey yako pazwain. Sicyaikwaya am ko malavat o nitoro na jyaken ni Yeso a Panirsirngen ta a akmey tatateynep a nimacita ko.

2 Kedinto 12:11

Yako akmey mapazway a tao. Am monganay jinyo o yako ikakman sang a yaji mapazway jyaken do tangain no malas a tao. Tana abo angangayan ko am jyabo kaji ko maciktwan do yamangalalas a beken a lamlamsoy ni Kizisto a.

2 Kedinto 12:9

O na nitovis jyaken am, “Cyaha, ta yarakorako rana o aryarilaw ko jimo. Ta ko mangay oyatan imo no abo oyowyat mo.” Ori an o ko apyapyan pa so ko kapazway so oyowyat na ni Ama ta do to do kataotao ko. Ta nioyatan na yaken no kabo no oyowyat ko.

2 Kedinto 5:16

Am ori o ji ta to mangozai do ahahapan ta sya a tomita so icyatatao ta. Tana akman so sang o nyahahapan ta si Kizisto no kakwa am cyaha, ta tamo na niblisan sicyaikwaya.

1 Pite 1:24

Akman so ciring do Seysyo. Ta maniring am, “Yamamimin o tao a yakmey tamek. O kapyapya da am akman so savong no tamek a ji meyyonownay a mavozas.