2 Kedinto 11:12 - Seysyo No Tao

¹² So ji ko mirwai do akman sang a nakenakem ko a mahap so patodahen nyo jyaken. Ta izavat ko so pazwayan da so ciring da no mangalalas a beken a lamlamsoy ni Kizisto, do kabo no pacicingayan no vazay da jyamen.

2 Kedinto 11:12 ပူးပေါင်းရင်းမြစ်များ

Matay 26:16

Nimacipinda do dang o ji na rana pehmai ji Yeso a itoro jira.

1 Kedinto 5:6

Taosya o kapakazwazway nyo. Nyo jyatenngi o ciring a manci no, “O likta kosozi no odong am mapeymway na o rako a odong.”

1 Kedinto 9:12

No akman sang o karwan no tao a mangakday jinyo am ikongo ikarahet namen akman sang so nakenakem jinyo. Am namen kajyakmanan so sang. Ta namen to liliwa o namen kakcin a kano namen kahen. Ta ikasengseng na meylimwang no Mapasaray a Ciriciring na ni Kizisto no si myan so tao a manci nyamen a magom so itoro nyo.

2 Kedinto 1:17

Manoyong o kanimamnek ko jya am ji ko nimangay. Manngwa, ipanci rana o akman sang a mabliblis so nakem? No katatay ko do akman sang a vazay ko am manngwa, ko to ngonongonongi o onowned ko a manci no ka noon ko sya, ka beken ko sya?

2 Kedinto 10:17

Akman so ciring do Seysyo. Maniring am, “O mapazway a tao am apyapya o kapazway na so vazay na ni Ama ta do to a Panirsirngen ta.”

2 Kedinto 11:18

Am da katey yaro no tao a mapazway so monganay jira vazay. Ori o ko ikakman sahang.

2 Kedinto 11:9

No keyyan ko pa jinyo do dang am tana amyan so ikeykakza ko am ji ko pa nimapasyasi jinyo. So ikamimin na apo do akma koy kakteh do cinai do Maciton no mapatodeh jyaken. Tana no kakwa am tana no makwa am akman sang. Jyabo kapamyapya ko no kataotao ko a ikazikna nyo a.

2 Kedinto 5:12

Beken a namen pazwain o kataotao namen jinyo. Ta namen kakzeben inyo a zomwazway so mina vazay namen do tao. Ta ori o itovis nyo do mapakazwazway no kapya da a ji macipayok so onowned ji Ama ta do to.

Cyalatay 1:7

Am to ko na mancyan jinyo am abo o ikadwa na no Mapasaray a Ciriciring na ni Ama ta do to. Am da kapeykawaw jinyo no tao a komaro do manoyong a nanao ni Yeso Kizisto.

1 Timotay 5:14

Am ori o ko apyapyan so malavayo a vao a mavakes a mirwa pa macivahavahay a mangahanas a kapeyveyveken da so kavavahay da. Ta ori o ikabo no iraherahet da jyaten no ji nganoyong ji Yeso a macioya jyaten a tao.