2 Kedinto 11:1 - Seysyo No Tao

¹ Tana ji ko a teneteneng am amizngen nyo pa yaken an.

2 Kedinto 11:1 ပူးပေါင်းရင်းမြစ်များ

Matay 17:17

Maniring si Yeso am, “Kamo tey yalikey pa so nakenakem ji Ama ta do to a tao sicyaikwaya do yanyo kapeyraraten. Akman rana so wanjin o kownownay ko a macikaop jinyo. Akman ko rana so wanjin a marilaw ninyo. Ayyan kamo o kanakan do jya.”

Nimlivolivon 18:14

Naknakmen na ni Pawlo o kapeyzezyak na am to na amizing si Cyadien a mapacici so aro a tao do Yotay. Maniring am, “No si marahet o akman so sang a vazay am to ko ngamiznga inyo.

Nimlivolivon 26:29

Maniring si Pawlo ji Aglipa am, “Tana mahay rana am to ko meynozyan nimo a kano aro a mangamizing a tao do jya a kamimin nyo rana akman jyaken a omanoyong jya. Am ji nyo nginara yaken a da aptengen!”

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

1 Kedinto 3:18

Ji nyo ngalalasa o aktokto no kataotao nyo an. No amyan jinyo so ominara so icicirawat no tao do karawan a mapazway so teneng na am iptad na rana o kapakateneteneng na. Ta ori o ikanoyong na mateneng a tao.

1 Kedinto 4:10

Da ipanci yamen no tao do karawan a abo so kapsepsekan, do namen kapangnanao no ciriciring na ni Kizisto. Am inyo am nyo ipanci o kataotao nyo a mateneng a meyhanhan ni Kizisto. So nyo ikowyowyat pa ka nyamen. So da kolalahan jyamen a da kanig ninyo.

1 Kedinto 4:8

Ala nyo ipanci o kabwata rana no yaji ngyangyan jinyo, a yarana makataptap so teneteneng a kano makakaday a itoro na jinyo ni Ama ta do to a akmey amyan rana do panirsirngen. Inaoy no si manoyong keyyan nyo do peypakarangan nyo a kapacikazway namen jinyo a panirsirngen.

2 Kedinto 11:19

Inyo rana am kamo todamimin a yamateteneng a tao. Am ikeykongo kamo eya to mamyapya no jyapsepsek so onowned a tao!

2 Kedinto 11:21

Ji ko nasnek a manci nya jinyo am o akman rana sang a vazay am namen jyadkeci a peyvazain. Am no myan so tao a mapazway so vazay da am to ko na mancyan o kateneng ko a mapazway.

2 Kedinto 11:4

Ikeykongo kamo a yato mamyapya no yamacitarek so ipeylimwang a ka nyamen a yaomagaz ji Yeso. Ikeykongo kamo eya a to nganoyong do macitarek so ipeylimwang a Seyzi a kano Mapasaray a Ciriciring.

2 Kedinto 12:11

Yako akmey mapazway a tao. Am monganay jinyo o yako ikakman sang a yaji mapazway jyaken do tangain no malas a tao. Tana abo angangayan ko am jyabo kaji ko maciktwan do yamangalalas a beken a lamlamsoy ni Kizisto a.

2 Kedinto 5:13

Tana ipanci da yamen no tao a meylamraw am cyaha, ji namen rata ori an, do namen kahap so vazay ni Ama ta do to. Am no si katenngan namen o apya kano marahet am cyaha, ta ipeypapya nyo.

Sipolay 5:2

Amyan so karatan na no mapatanatanang so nakem da tao, ta meyyangay sira tao. Am ori o kanigan na no amyan so kalasan a tao a mapasyasi nira ji Ama ta do to.