2 Kedinto 10:5 - Seysyo No Tao

⁵ Namen pahawahen so makakaday a mapazway a ciriciring a kano malas a nakenakem a yada izazat do tao a makateneng ji Ama ta do to. So namen pangozayan do oyowyat ni Ama ta do to a yamapanod so ji manaralay a tao ji Kizisto.

2 Kedinto 10:5 ပူးပေါင်းရင်းမြစ်များ

Matay 15:19

O mapo do onowned am amyan dang so makakaday a nakenakem no tao a ipeyraraten a mangap so tao, mangzakza, manakaw, mangalalas, manamwad.

Locya 1:51

Tey mowyat si Ama ta do to a mapeyvwak so nakenakem da no mapahama a tao.

Loma 1:21

Am tana da katenngan si Ama ta do to am da ji raralayan, da ji narayan o aryarilaw na sira. So da icyakmey yamavota so onowned a yaji makateneng ji Ama ta do to.

Loma 1:5

Am ori o ko pangozayan do ngaran na a yamahap so vazay na yamapanop so tao a yaomanoyong ji Yeso Kizisto do peycyamahamahatawan na,

Loma 16:26

Am sicyaikwaya am yameylimwang rana o nivatvatkan da no panoyonoywan na so ciring na no kakwa. Ori rana am ciring na do peycyamahamahatawan na no to meyyonong a Tao do to. So ikanoyong da na no tao a meyhanhan nya.

Loma 7:23

Am kapeylamlamsoy na so kataotao ko no raraten. Ori o yamaciliman do ikakza no onowned ko. Am ori o yako icyakmey mavaod no raraten.

1 Kedinto 1:19

Ta maniring do Seysyo am, “Balinasen ko o teneteneng da no ji raralay nyaken a tao kaji na mangononongan no ahapan da so vazay da.”

1 Kedinto 3:19

Ta o ipanci no tao do karawan a mateneng am ipanci na ni Ama ta do to a jyateneng a tao. Akman so ciring do Seysyo. Maniring am, “O mateneng a tao am kalittan sira no teneng da kaji na mangononongan no vazay da.”

2 Kedinto 11:20

Ta no peylamsoin da inyo am littan da inyo am soziban da inyo am ji da ninigan inyo am somiplang so posngi nyo am nyo to macyozai sira.

2 Kedinto 9:13

O akman rana sang a ipanidong nyo so tao am ipakateneng da jinyo no aro a tao a yaomonot ji Kizisto a yaji mapasala do nanao ni Kizisto a yamanidong so tao. Am ori o da miminan so azwazway a itoro ji Ama ta do to no aro a tao.

Veydipi 4:7

Ta itoro na jinyo o ikapiya no onowned nyo a ji da tenngi no karwan no tao. Mangay na irapa do nakenakem nyo do nyo kararalay ni Yeso Kizisto.

2 Tesalonicya 2:4

Iya rana am ioya na sira o tao a ji raralay nya. Ta abneken na o kataotao na makarakarang pa kano iraralay da no tao. So yangay na omlisna do raralayan da ni Ama ta do to a mapakataotao do to.

2 Tesalonicya 2:8

ori o ipeytotwaw na rana no tao a italamozong na ni Satan. No si mai si Yeso am ahahan na kazakat na rana kabwata na rana no oyowyat na ipeyzavozavoz na so tao.

Sipolay 4:12

O Ciriciring na ni Ama ta do to am tey rako o oyowyat na. So ikowyowyat na pa kano matarem a takzes a to makatjip so asisi a kano totowang. So ikakman na sang so kowyowyat no Ciriciring na ni Ama ta do to a makateneng do onowned a nakenakem no tao.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

1 Pite 1:2

Nakenakem na ni Ama ta do to o yana kanimapanop jinyo a omanoyong ji Yeso. So yanyo ikanoyong rana a yana nyavayo no Seyzi so onowned a yaomonot ji Yeso Kizisto, do kanimvonas na so raraten nyo no rala na. Inaoy si arakorako pa o pangangarilawan na kano apiya onowned nyo a itoro na jinyo ni Ama ta do to.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.