2 Kedinto 10:4 - Seysyo No Tao

⁴ Ta o voovoo namen am beken a yamonganay do oyowyat a kano teneteneng do karawan. Ta o oyowyat na ni Ama ta do to o voovoo namen a yato manbalinas so vazay ni Satan a yamangalalas so tao.

2 Kedinto 10:4 ပူးပေါင်းရင်းမြစ်များ

Nimlivolivon 7:22

So ninanawan da sya no iwawalam da do Ayci. So ikateneng na mapehtaw so ciring a mateneng do ahahapan na so vazay na.

Loma 13:12

Yakomavos rana o marahet a vazay da no tao do karawan. Na kapakaranes rana no yapiya na patazadangan jyaten ni Ama ta do to. Am ori o ji ta to peyvazai so jyapsepsek a vazay ta. Ta kahap ta so apiya vazay akmey voovoo a ipakaharag ta so amlita jyaten a Satan.

Loma 6:13

Ji nyo mamyapyan o peyvongvongwan nyo a peylamlamsoin no raraten. Ta itoro nyo o kataotao nyo ji Ama ta do to a mahap so vazay na. O torwan nyo no kataotao nyo ji Ama ta do to am ahapen nyo o apya vazay na. Ta iya o na yapwan no vayo a inawan ta.

1 Kedinto 2:5

So ikanoyong no nakenakem nyo ji Ama ta do to. Beken a monganay do teneteneng no tao. Ta monganay do oyowyat na ni Ama ta do to.

1 Kedinto 9:7

Sino o mangay do itaysang a tao a to ngonongonong do kanen na palolwen. Sino o meymowa so asi no kayo a jyangan so asi na. Sino jinyo o mangonong so kagling a ji meyyakan so kagling.

2 Kedinto 10:8

O na nitoro jyamen ni Yeso Kizisto a vazay namen am namen sidongen inyo. Beken a namen ipeyparaherahet inyo. Am ori an, tana teywara o pazwayan namen so vazay namen am jyabo kanig namen a.

2 Kedinto 13:10

O ko peyteygamyan ninyo am ko kakzeben o kaji ko oyyan ninyo a mangozay do oyowyat na ni Kizisto no si mai ko jinyo do dang. Ta o yana nitoro ni Kizisto a oyowyat na jyaken am isidong ko jinyo. Beken a ioya ko inyo.

2 Kedinto 3:5

Am beken a namen pangozayan o oyowyat namen a yamapeyvazay so sya. Ta o yakapwan no oyowyat a kano teneteneng namen a yamapeyvazay so sya am yapo ji Ama ta do to.

2 Kedinto 4:7

Am yamen rana am katonodan namen o nyamaog no tana vanga a maspispi. Am o maoran do onowned namen a ciriciring na ni Ama ta do to am tey makdeng. So ikabeken a yamonganay jyamen no oyowyat a meylimwang nya, ta monganay ji Ama ta do to.

2 Kedinto 6:7

Nioyatan na yamen ni Ama ta do to a meylimwang no manoyong a nanao na a mapacitacita no kanoyong namen a lamlamsoy na ni Ama ta do to. So icyakma nameney mapeyvoovoo so apya nakenakem namen a iharag namen so amrahet jyamen a tao.

1 Tesalonicya 5:8

No ta manoyong amyan do kazngangan am meytataziman ta an. O nakenakem ta ji Ama ta do to a kano pangangarilawan na am akma tey sirong. Akma tey sakop o jyagonay a onowned ta a mapanala sya mahap jyaten do teyngato. So ikabo rana no oyaoyyan na nyaten.

1 Timotay 1:18

Manganako, mo Timotay, ko pakoyokoin pa jimo am ji ka onib so onowned an. Si myan so somengseng do ipeylimwang mo a ciriciring na ni Ama ta do to am naknakmen mo o mina kapamnek da jimo no kararay ta a meyvazay ji Ama ta do to.

2 Timotay 2:3

Makowyat ka so nakenakem a somazap so alalaw mo an, do kapacinanod mo jyaken a mahap so vazay na ni Ama ta do to. Ta akma tey itaysang na ni Yeso Kizisto a ji mapasobna do mimong nira.

Sipolay 11:30

Nilivolivon da no Isedi a tao o ili a meyngaran so Yedike so kapito araw a kazdazday na rana no ahad no ili da, do kapeyhanhan da ni Ama ta do to.