2 Kedinto 10:1 - Seysyo No Tao

¹ Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 10:1 ပူးပေါင်းရင်းမြစ်များ

Matay 11:29

Ahapen nyo o vazay ko. Inarahen nyo yaken. Ta o nakenakem ko am mapanadnad so nakem a ji makazyazyak. No si akman kamo sang am manoyong kamo a keyhepawan so kataotao.

Matay 21:5

“Si maniring kamo do tao do Yelosaleng am, Cita kamo o Panirsirngen nyo a mai. Iya rana am na ji pakaranga o kataotao na a omavang do anak no baka.”

Nimlivolivon 8:32

O vilangan na no tao do Isopiya a ciring ni Ama ta do to am, “Iya rana am akmey kagling a alaken da zakaten a to norotoro no kataotao na. So icyakma ney likta kagling a tedtedan da so bobow a ji meyzezyak.

Loma 10:20

Nipakoyokoy na pa ni Isayya a ciring am, “Makala da rana yaken no ji ngala jyaken a tao. Mapacita ko do yaji ngala jyaken a tao.”

Loma 12:1

Manga kakteh, ko vavagan inyo an. Ta yatey rako na kasyan nyaten ni Ama ta do to. Am ori o torwan nyo no kataotao nyo a italamozong na a komaro do raraten nyo. Ta ori sarayan na ninyo ni Ama ta do to a meyngongyod so onowned a amraralay nya.

Loma 15:15

Am o teygami rana ya am ji ko na nayotaywa o ciring ko a inanao ko jinyo do yamakakaday a nyo pa jyataptap a vazay. Ta na nipamnekan yaken ni Ama ta do to a lamlamsoy na ni Yeso Kizisto a yameyvazay do beken a tao do Yotay. So yako ikakmey mapatanatanang so kingking a tao a yameylimwang no Mapasaray a Ciriciring na ni Ama ta do to. Inaoy no si akmey kingking sira o beken a tao do Yotay a isaray na ni Ama ta do to, ta niblis na rana no Seyzi o onowned da. So ikanoyong da rana abo so raraten do tangain na ni Ama ta do to.

1 Kedinto 2:3

Am ori an, makaranes ko jinyo do dang am malma ko so kataotao amzikzik do kanyahey ko. Ta ihawa ko kaji ko makatenngan do vazay na ni Ama ta do to.

1 Kedinto 4:10

Da ipanci yamen no tao do karawan a abo so kapsepsekan, do namen kapangnanao no ciriciring na ni Kizisto. Am inyo am nyo ipanci o kataotao nyo a mateneng a meyhanhan ni Kizisto. So nyo ikowyowyat pa ka nyamen. So da kolalahan jyamen a da kanig ninyo.

1 Kedinto 4:21

Ikongo apyahen nyo a vazay ko si makaranes ko jinyo do dang. Manngwa, apyahen nyo o kaoya ko ninyo? No apyapyahen nyo o kasaray ko ninyo.

2 Kedinto 10:10

Yamyan so tao a yamapeyciring so, “No yameyvatvatek si Pawlo am tana yamangdet pa, yajyowyat am. Am no yana to macimata eya am malma, yabo so oyowyat a yamarahet so ipanirisiring.”

2 Kedinto 10:2

Ji nyo ngakzeba o kanig ko ninyo no si mai ko an. Ta jyabo kanig ko no yatomamwad jyamen a, a yamanci no namen kapazway so aktokto namen.

2 Kedinto 10:7

O vazay no tao o macita nyo. Am nyo jyacita o onowned no tao. No si amyan so tao a manci no katalamozong na ni Ama ta do to am manakenakem pa an. Ta beken a iyaha o yamonganay ji Kizisto. Ta namen akman sang a yamonganay ji Kizisto.

2 Kedinto 11:21

Ji ko nasnek a manci nya jinyo am o akman rana sang a vazay am namen jyadkeci a peyvazain. Am no myan so tao a mapazway so vazay da am to ko na mancyan o kateneng ko a mapazway.

2 Kedinto 11:30

Si zowain ko o kataotao ko am apyapya pa kapazway ko so makakaday a alalaw ko.

2 Kedinto 12:5

O akman rana sang a tao am ko pazwain. Am yaken rana am yabo ko pazwain do kataotao ko. Ta o yamakakaday a alalaw ko am ori o yako pazwain.

2 Kedinto 3:12

Yanamen manoyong a meyhanhan no akman sang. Am ori o yanamen jyaonibi rana a meylimwang no ciring na ni Yeso Kizisto.

2 Kedinto 5:20

Lamlamsoy na yamen ni Kizisto. Na nitovoy yamen a amvavaga jinyo. Namen akmey kataotao ni Ama ta do to a manci nya jinyo so: Mamlis kamo rana a omanop si Ama ta do to. Ta ori o ipacikaop na jinyo.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

2 Kedinto 7:4

Yako ipeyhanhan inyo. Yako azwain inyo. Tana amyan so aro a alalaw ko am ko jyanyaheyan. Ta yako ipeyhanhan inyo a mapadnadna so nakem ko.

Cyalatay 4:13

Ta no keyngen ko am nipeyveyveken nyo yaken no ka ori pa so kapeylimwang ko no Mapasaray a Ciriciring na ni Ama ta do to jinyo.

Cyalatay 5:2

To ko na macitangayan jinyo am no si ipeyhanhan nyo o kayongkad do kataotao nyo a ipasaray nyo si Ama ta do to am abo peypeypangayan ni Kizisto jinyo.

Ivoso 3:1

O peypeypangayan no ko iyan do pamemtengan am ko ipeylimwang no ciriciring na ni Yeso Kizisto jinyo a beken a tao do Yotay. Tana akman ko sang am yako jimtadan a meynozi ninyo.

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

Veydipi 4:5

Manakem nyo o kapangarilaw nyo so tao an. Ta yana makeykai si Yeso a yamai.

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

2 Tesalonicya 3:17

Ko vatvatkan o ngaran ko an. Yaken rana am si Pawlo ko a yameyminaminasi ninyo. Yamamimin o teygami ko a yako padketan so aryarilaw ko jinyo. So na ikanoyong no teygami ya a yapo jyaken.

Veydimeng 1:19

So to ko na padkeci sya do teygami ya. Cyaha, ta yaken o tomoro jya. O ko ipanci a paolin mo jyaken am tana ji ko mancyan jimo am to mo na tenngi do onowned mo.

Veydimeng 1:9

Ko katenngan o katey rako no pangarilawan mo so tao. Am ko ji gacigaci imo a manidong so tao, ta yako apyapyahen pa o kapasyasi ko jimo do kapanadnad ko jimo. Ta yako rarakeh rana a yada masangib a aptengen, do ko kahap so vazay na ni Yeso Kizisto.

1 Pite 2:11

O ko ipanci pa jinyo manga keypong am tamo akmey miseysan do karawan. Ji nyo to ngonongonongi o nakenakem nyo. Ta o marahet a onowned ta am ipeyparai ta ji Ama ta do to.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.