2 Kedinto 1:23 - Seysyo No Tao

²³ Ko tawagan si Ama ta do to a macingosongoso nyaken. No si mangalalas ko am cyaha, ta pasingsingkadan na yaken. Ori o to ko na manci no kaji ko nangayan do Kedinto a omwoya ninyo. Ta manakem ko o kapamlis nyo pa.

2 Kedinto 1:23 ပူးပေါင်းရင်းမြစ်များ

Nimlivolivon 18:1

Karwan na ni Pawlo do Yatyan am mangay rana do Kedinto.

Nimlivolivon 18:8

O tomalamozong no peyneynozyan a meyngaran si Kedisepo a ka nira asa ka vahay am nimamimin sira omanoyong ji Yeso a kano aro a tao do Kedinto a nimakamizing so nipangnanao ni Pawlo a omanoyong rana ji Yeso a kataktak da jira.

Loma 1:9

Na katenngan ni Ama ta do to o ko kasangib a yameynozi ninyo, do yako ikowyat a yamahap so vazay na yameylimwang no Mapasaray a Ciriciring no Anak na.

Loma 9:1

Sicyaikwa rana ya am yamanoyong ko ipanci jinyo. Ji ko palasa o ciring ko, ta ko macikaop ji Kizisto. Yako katenngan o ko ipanci, ta o Seyzi am ori o tomalamozong no onowned ko.

1 Kedinto 4:21

Ikongo apyahen nyo a vazay ko si makaranes ko jinyo do dang. Manngwa, apyahen nyo o kaoya ko ninyo? No apyapyahen nyo o kasaray ko ninyo.

1 Kedinto 5:5

O akman rana sang a tao am to nyo macyozai a kapeyingnen na so kataotao na ni Satan. Si maliliw na o kataotao na meyngen am ori o ipamlis na rana a kavyay no pahad na no si pirwa mai si Yeso a Panirsirngen ta.

2 Kedinto 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a amlivolivon no ciriciring na. Yaken rana kano akma tey kakteh do cinai si Timotay am namen ipeyteygami inyo a Kedinto kyokay a kazagoman nyo a sinjya do Sila.

2 Kedinto 1:18

Am beken a akman so nyo ipanci. Ta o ipanci ko jinyo a ciring am beken a yameyveyvalyat. Ta si Ama ta do to a ko anopen am yabo na kalasan.

2 Kedinto 10:2

Ji nyo ngakzeba o kanig ko ninyo no si mai ko an. Ta jyabo kanig ko no yatomamwad jyamen a, a yamanci no namen kapazway so aktokto namen.

2 Kedinto 11:10

Abo malas a ciring ni Yeso. So icyakman ko sang a jyalas so ciring jinyo. Am ori o ko jyamoi a manci nya do pongso no Sila so kakman ko sang a ji ngakday so patodahen da jyaken.

2 Kedinto 11:11

Ikongo ko peycirngan sang. Manngwa, ko jyarilawan inyo? Cyaha, ta na katenngan ni Ama ta do to o ko karilawan ninyo.

2 Kedinto 11:31

Si Ama ta do to a Ama na ni Yeso a Panirsirngen ta o makateneng jyaken a ji mangalalas. Iya o manoyong a azwazwain ta so ngaran mangay do kaidan no karawan.

2 Kedinto 12:20

O ko ihawa si mangay ko jinyo do dang am macita ko inyo a macitarek rana so nakenakem. Macita nyo yaken a macitarek so nakem jinyo. Ko ihawa ko kapakacita so manginanahet a kano maciskaskad a kano maoyaoyahen a kano mabayo a kano manamwad a kano mangamizing so ciring do palawawan, mapazway a kano mapeyvonag so tao.

2 Kedinto 13:10

O ko peyteygamyan ninyo am ko kakzeben o kaji ko oyyan ninyo a mangozay do oyowyat na ni Kizisto no si mai ko jinyo do dang. Ta o yana nitoro ni Kizisto a oyowyat na jyaken am isidong ko jinyo. Beken a ioya ko inyo.

2 Kedinto 13:2

Ko ipanci pa jinyo akman so nipaziman ko na jinyo no keypidwa ko a mai jinyo no kakwa. Am manakem nyo no kaji ko pa angayan jinyo sicyaikwaya an. Ta no ipisa mai ko am jyabo asa ka tao a makatayo do oyaoyyan ko ninyo a.

2 Kedinto 6:6

Am keyyan no teneteneng namen a kano pangarilawan namen a omzat do nakenakem namen. Am ori o to namen nangboi sya. So kapya namen a nisidong no Seyzi a meyngongyod a marilaw no tao.

Cyalatay 1:20

Yabo o yamalas do teygami ko ya a ciring ko. Pacyanoyngan na yaken ni Ama ta do to.

Veydipi 1:8

Katenngan na ni Ama ta do to o karilaw ko ninyo no pangangarilawan na ni Yeso Kizisto do kapaw ko ninyo. So ikanoyong no nya ciring.

1 Tesalonicya 2:5

Nyo katenngan yamen a yaji manlita so tao no ciriciring namen. So na ikabo no yamarahet a aktokto namen. Ta si Ama ta do to am yongkad namen a manoyong so ipanci.

1 Timotay 1:20

O akman rana sang a tao am si Siminay a kani Yadisanta. So ko na nitorwan nira ji Satan a italamozong na, ta ori pa o ipakateneng da do apya, kaji da na rehrehtan si Ama ta do to.