2 Kedinto 1:20 - Seysyo No Tao

²⁰ Ta na rana nipangononongan o aryarilaw na jyaten ni Ama ta do to ni Yeso Kizisto. Am ori o icyakma tey asa so onowned a manci no Amin a zomwazway si Ama ta do to.

2 Kedinto 1:20 ပူးပေါင်းရင်းမြစ်များ

Matay 6:13

Ji mo yamen amya kalittan. Apzatan mo yamen mo Ama do to, do kararatan do teyrahem. [Ta imo rana am ka tey mowyat a tey mazway a Tao do to a yatomalamozong nyamen a mangay do kaidan no karawan. Amin.]’

Locya 2:14

“Azwazwain takamo si Ama ta do to. Inaoy si itoro na jira do omraralay nya tao do teyrahem o ikapiya no onowned da.”

Yowani 1:17

O iwawalam na ni Ama ta do to o nipangnanao na ni Moyse a onotan ta. Am o pangangarilawan na kano manoyong a nanao na ni Ama ta do to am ori o nyai na ni Yeso Kizisto do tao do karawan.

Yowani 14:6

Maniring si Yeso am, “Yaken am rarahan nyo. Yaken am yanan no manoyong a nanao. Yaken am yapwan no to meyyonong a ikavyay no pahad nyo. No ko abo am abo tao a makatanggeh ji Ama ta do to. So ika yaken no ipakatokod nyo ji Ama ta do to.

Yowani 3:5

Maniring si Yeso am, “To ko na macitangayan jimo am no jya nimalikey o tao do ranom a kano Seyzi am ji macikaop do italamozong na tao ni Ama ta do to.

Loma 11:36

Ta yamamimin o makakaday a yana nyamamaog. So ika iya na no tomalamozong no makakaday do karawan. Inaoy no si mangay jya o azwazway na mangay do kaidan no karawan. Amin.

Loma 6:23

Ta o kapalit no raraten am mangay do makotokotod a lila no apoy a mangay no makwa. Am o yazaw na ni Ama ta do to so yamacibedbed ji Yeso Kizisto a Panirsirngen ta am ipanta na so to meyyonong a ikavyay no pahad da.

1 Kedinto 14:16

No si isaray mo ji Ama ta do to no macitarek a ciring am manngwa, katenngan da o inozi mo no macipeynozi jimo? No si manoyong o kakman na sang am makongo sira macizanod jimo a manci no, “Amin,” do ji da tenngi.

2 Kedinto 4:15

Monganay jinyo o alalaw namen a ipakasidong namen jinyo a peypahagnaten so nakenakem ji Ama ta do to. So na ikanoyong no pangangarilawan na ni Ama ta do to a itoro na do aro a tao. Am ori o ikarwaro rana no tao a zomwazway si Ama ta do to a isaray da.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

Cyalatay 3:22

Am o ciring do Seysyo am yatodamimin o tao do karawan a yamabedbed no raraten. Am ori an, no kakzeben ta o kapakahap ta so to meyyonong a ikavyay no pahad ta am kapeyhanhan ta ni Yeso Kizisto. Ta ori rana am mina ciring na ori ni Ama ta do to do amraralay nya tao.

Ivoso 1:6

So ikanoyong ta somaray no akman sang a pangangarilawan na ni Ama ta do to, do na kabo no ngina na no Anak na, na to norwan jyaten.

Ivoso 2:7

O ikakman na sang ni Ama ta do to am ipacita na do kaidan no karawan o mapeyzokab a pangangarilawan na kano pangangasyan na jyaten a yamacikaop ji Yeso Kizisto.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

2 Tesalonicya 1:10

O araraw na no ipeygegcin na am mamimin sira omanoyong jya tao a omazwazway sya a somaray nya. Inyo rana am macyangay kamo do dang, ta nyo anoyngan o nipeylimwang namen jinyo a ciriciring na ni Ama ta do to.

Sipolay 11:13

Sira rana ori am to da noiban do karawan o kapeyhanhan da ni Ama ta do to. Tana abo nimahap da do nipanci na ni Ama ta do to am da ji macimangsahi o da kapananala so akman sang a nakem na sira ni Ama ta do to. Da anoyngan o da kakmey mangilili a tao a yato ngiseysan do karawan.

Sipolay 13:8

Ta si Yeso Kizisto rana am tana no kakyab a tana sicyaraw eya a tana todangay no makwa am yajyablis.

Sipolay 7:6

Am tana ji macitetngehan si Mocisete ji Diwey am macivonong do ineynahap ni Apolahan so asa vovonongan a kapanlanlag na ni Mocisete si Apolahan a omamoon so mina ciring na jya ni Ama ta do to.

1 Pite 1:12

Nipaziman na rana ni Ama ta do to do panoyonoywan na so ciring a tao o ka beken na monganay jira no ipanci da vazay. Ta monganay jinyo a omanoyong jya. Am sicyaikwaya am na rana nioyatan sira no Seyzi o yameylimwang no Mapasaray a Ciriciring jinyo. Am o da ipeylimwang ori am mangay do tinsi o yamakza nya a katenngan.

1 Yowani 5:11

O ciring rana nipeylimwang na ni Ama ta do to am nitoro na rana jyaten o to meyyonong a ikavyay no pahad ta. Am o yapwan na no nang am Anak na ni Ama ta do to.

Ipaziman 3:14

“Ipeyteygami mo o yamimong no kyokay do Lawticya. Si maniring ka am, ‘Yamaniring o meyngaran so Amin a yatey manoyong a ipeyhanhan so ciring a yapwan no makakaday a na nyamamaog ni Ama ta do to am:

Ipaziman 7:12

Maniring sira am, “Amin. Inaoy no si omaing jimo mo Ama do to o sarasaray a kano azwazway a kano teneteneng a kano keynakman a kano oyowyat a mangay do kaidan no karawan! Amin!”