2 Kedinto 1:19 - Seysyo No Tao

¹⁹ Akman sang o Anak na ni Ama ta do to a si Yeso Kizisto a yanamen nipeylimwang jinyo si Sila kani Timotay. Ta jyabliblis o ciring na. Ta o nipatwaw na rana ni Yeso a ciriciring na ni Ama ta do to am pangononongan na a peyvazain.

2 Kedinto 1:19 ပူးပေါင်းရင်းမြစ်များ

Sipolay 13:8

Ta si Yeso Kizisto rana am tana no kakyab a tana sicyaraw eya a tana todangay no makwa am yajyablis.

Ipaziman 1:17

Macita ko am to ko naziyazikaz do tangain na, akman rana so nimawakwak a tao. Meyratateng am pinanan na yaken no wanan na. Maniring am, “Ji ka nyahey. Ta yaken rana am nikapwan na kano pangavosan na.

2 Yowani 1:9

O ji ngahap so nanao ni Kizisto a mapasala jya tao am abo do onowned na si Ama ta do to. O mahap so nanao na ni Ama ta do to a tao am manoyong sira akma ney anak ni Ama ta do to a macikaop ji Yeso Kizisto.

Ipaziman 2:18

“Ipeyteygami mo o yamimong no kyokay do Tiyatila. Si maniring ka am, ‘Yamaniring o Anak na ni Ama ta do to a yakmey apoy so mata yamanikap a yameyyai so yakmey aswaz a nilinasan am:

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

Ipaziman 1:8

Maniring si Ama ta do to a Panirsirngen ta am, “Yaken am Aarva kano Yamicya a nikapwan na kano pangavosan na no aro a vazay eya.” Ta si Ama ta do to rana am jyablis a Tao do to a nimapo no kakwa a na kato ngayyan sicyaikwaya a mangay do kaidan no karawan.

Nimlivolivon 18:5

Mai rana sira Sila kani Timotay a nimapo do Maciton am masangib si Pawlo a meylimwang nya do tao do Yotay so kanoyong na ni Yeso a Misayya a nitovoy na ni Ama ta do to.

Ipaziman 1:11

Maniring am, “Imo rana am vatvatkan mo o mo macita a kaparara mo so vakong do apito a ka kyokay do Ivoso a kado Semayna kado Peycyamo a kado Tiyatila kado Satise a kado Veylatevey a kado Lawticya.”

1 Yowani 1:3

O nimacita namen a kano nimamizing namen am namen toywen jinyo. So ikanoyong nyo na macikaop jyamen a akma nyoy kakteh do cinai, do namen kapacikaop ji Ama ta do to a kano Anak na si Yeso Kizisto.

2 Pite 1:17

No kapeydedna na so azwazway ni Ama ta do to ji Yeso Kizisto am nimyan namen do dang. Nimapo do teyngato o ciring na ni Ama ta do to. Maniring am, “Iya rana am Anak ko ya a yako ikaglaw.”

Sipolay 1:11

Amyan so kasaraw a ikabalinas da. Am imo am to ka meyyonong. So ikanoyong da akmey ayob a mararalaw.

Nimlivolivon 15:22

No kanang am mamnek sira o nipamnekan ni Yeso a omlivolivon no ciriciring na kano panipanirsirngen do kyokay a kano amraralay ni Yeso a tao so pahanhanen da macihza ji Pawlo a kani Parnapo a mangay do Antia. So nipamnekan da ji Sila kani Yota. O kasaing no ngaran ni Yota am si Pasapa. Ikanig da sira ori no akma dey kakteh do cinai.

Nimlivolivon 9:20

a kangay na do aro a peyneynozyan a meylimwang ni Yeso a manoyong a Anak na ni Ama ta do to.

Nimlivolivon 8:36

Meyratateng am manahan sira do masngen do ranom. Maniring o tao do Isopiya am, “Yamyan jya so ranom. Apya o kataktak mo jyaken do jya?”

Yowani 20:31

O yanipadketan so karwan na do vakong eya am anoyngan nyo ji Yeso a Misayya a Anak ni Ama ta do to. O manganoyong a tao am mahap da o to meyyonong a ikavyay no pahad da.

Yowani 19:7

Maniring sira o tao do Yotay am, “Cyaha, ta amyan so iwawalam namen pangozayan ta amwakwak sya. Ta na to mancyan o kataotao na Anak na ni Ama ta do to.”

Yowani 8:58

Maniring si Yeso am, “To ko na macitangayan jinyo am ji pa nimatazak a tao si Apolahan am amyan ko rana.”

Yowani 6:69

Namen anoyngan o yamo kanimapo ji Ama ta do to a ji meylimoteng so onowned.”

Yowani 3:16

Yatey rako na karilawan no tao do karawan ni Ama ta do to. Mangay do na veyvowen a Anak na o yana nitoro. So ikamimin da no omanoyong jya tao a ji rana meydednai no peyoyaoyyan na ni Ama ta do to, ta mahap da rana o to meyyonong a ikavyay no pahad da.

Yowani 1:49

Maniring si Natannay am, “Mo Mangnanao, ka manoyong a Anak ni Ama ta do to a Panirsirngen no Isedi a tao.”

Yowani 1:34

Ko na nimacita. Am ori o ko pancyan nya jinyo o na kanoyong a Anak na ni Ama ta do to.”

Locya 1:35

Maniring o tinsi am, “O Seyzi na ni Ama ta do to o peyhekasen na jimo a kano oyowyat na. So na apzatan jimo ni Ama do to. Am ori o ikatazak na tao no Anak na ni Ama ta do to.

Make 1:1

O Mapasaray a Ciriciring na ni Yeso Kizisto a Anak na ni Ama ta do to am oya o niyapoyapwan na.

Matay 27:54

Macita na no panirsirngen no itaysang no Loma kano kararay na nimamzat ji Yeso o nimeykanini a kano makakaday a vazay am manyahey sira. Maniring sira am, “Yamanoyong ya Anak no Tao do to.”

Matay 27:40

“Ipanci mo asyo o kakava mo so rako a panaralayan a kapakatlo na araw no ipatnek mo sya. No ka manoyong a Anak ni Ama ta do to am avyay pala o kataotao mo. Peyhekas pala do jyojika.”

Matay 24:35

Mabalinas o hanit a kano teyrahem. Am jyablis o ciring ko a mangay do kaidan no karawan.

Matay 17:5

Ji na pa teyka ni Pite o ciring na am to ngyan so cinalab a ombengbeng sira a keyyan no ciring a maciralay do cinalab ang. Maniring am, “Iya rana am ney kaglaw ko Anak ko. So sarayan ko nya. Amizngan nyo sya.”

Matay 3:17

Meyratateng am amyan so ciring a apo do teyngato. Maniring am, “Iya rana ya am Anak ko a ko tey kaglaw. So yako sarayan nya.”

Yowani 20:28

Maniring si Tomase ji Yeso am, “Mo Panirsirngen a Tao do to ko.”

Matay 4:3

Ori o nyangay ni Satan ji Yeso. Maniring jya am, “No ka manoyong a Anak no Tao do to am pancyan pala o aro a vato a kapeyvaliw na a myanpaw.”

Nimlivolivon 16:1

Mangay sira do Tepey a kado Disetela am amyan dang so asa ka tao a amraralay ni Yeso a meyngaran si Timotay. O ina na am tao do Yotay a amraralay ni Yeso. Am o ama na am tao do Sila.

2 Kedinto 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a amlivolivon no ciriciring na. Yaken rana kano akma tey kakteh do cinai si Timotay am namen ipeyteygami inyo a Kedinto kyokay a kazagoman nyo a sinjya do Sila.

1 Tesalonicya 1:1

Yaken rana am si Pawlo ko. Yamen rana sira Sila kani Timotay am namen ipeyteygami inyo a kyokay do Tesalonicya a omanoyong ji Ama ta do to a kani Yeso Kizisto a Panirsirngen ta. Inaoy si itoro na ni Ama ta do to o pangangarilawan na jinyo a katoro na nya jinyo so ikapiya no onowned nyo.

2 Tesalonicya 1:1

Yaken rana am si Pawlo ko. Yamen rana sira Sila kani Timotay am namen ipeyteygami inyo a kyokay do Tesalonicya a yamacikaop rana ji Ama ta do to a kani Yeso Kizisto.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

1 Pite 5:12

O teygami rana ya am si Sila akma tey kakteh do cinai o yanisomidong jyaken a yameyteygami ninyo. Ta ko katenngan o na katey makdeng so nakem ji Yeso Kizisto. Ko paiten inyo. Ko ipanci jinyo o manoyong a pangangasyan ni Ama ta do to. Ji kamo a haha so onowned an.