2 Kedinto 1:18 - Seysyo No Tao

¹⁸ Am beken a akman so nyo ipanci. Ta o ipanci ko jinyo a ciring am beken a yameyveyvalyat. Ta si Ama ta do to a ko anopen am yabo na kalasan.

2 Kedinto 1:18 ပူးပေါင်းရင်းမြစ်များ

Yowani 7:28

No kano nang am mangnanao si Yeso do rako a panaralayan. Maniring a amlolos am, “Kamo manoyong a yamakateneng jyaken? So nyo ipakateneng do yako nikapwan? Beken a ko to meynakman ko kai. Ta yana nitovoy yaken ni Ama ta do to. So na jyalasi ni Ama ta do to. Am yanyo jyatenngi si Ama ta do to.

Yowani 8:26

Yaro pa yako ipanci jinyo a vazay a ipamizing ko so marahet a icicirawat nyo. So ikanoyong na no yanitomovoy jyaken do teyrahem. Ta o ko nimamizing jya am ipeylimwang ko do tao do teyrahem.”

1 Kedinto 1:9

Abo kalalasan na ni Ama ta do to a nimamnek jinyo a meyhanhan nya. So ikanoyong nyo rana macikaop do Anak na si Yeso Kizisto a Panirsirngen ta.

2 Kedinto 1:23

Ko tawagan si Ama ta do to a macingosongoso nyaken. No si mangalalas ko am cyaha, ta pasingsingkadan na yaken. Ori o to ko na manci no kaji ko nangayan do Kedinto a omwoya ninyo. Ta manakem ko o kapamlis nyo pa.

2 Kedinto 11:31

Si Ama ta do to a Ama na ni Yeso a Panirsirngen ta o makateneng jyaken a ji mangalalas. Iya o manoyong a azwazwain ta so ngaran mangay do kaidan no karawan.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

2 Kedinto 6:8

Amyan so zomwazway jyamen am amyan so mapeyleylak jyamen. So ikanoyong namen a ipanci da no tao a mapeycyakawad so tao. Am abo akman sang a nakenakem namen.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

Ipaziman 3:14

“Ipeyteygami mo o yamimong no kyokay do Lawticya. Si maniring ka am, ‘Yamaniring o meyngaran so Amin a yatey manoyong a ipeyhanhan so ciring a yapwan no makakaday a na nyamamaog ni Ama ta do to am:

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.