2 Kedinto 1:14 - Seysyo No Tao

¹⁴ a kapiya na rana no nakenakem nyo jyamen. No si akman sang do araraw no yai na ni Yeso a Panirsirngen ta am jyabo kaji nyo azwayan jyamen a. So ikakman namen sang a zomwazway jinyo.

2 Kedinto 1:14 ပူးပေါင်းရင်းမြစ်များ

Loma 11:25

Manga kakteh, inaoy no si katenngan nyo na o vazay na ni Ama ta do to a ji nipatwaw no kakwa. So ji nyo mapakarangi so nakem nyo. Ta beken a todamimin o Isedi a tao a ji mamlis, ta yana pananalahen ni Ama ta do to o karwan no beken a tao do Yotay a omanod jya.

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

1 Kedinto 11:18

Ney manma na am yamyan so tao a yamanci nya jyaken so nyo ikavwavwak a yameykalyalipenpenan so nakenakem no kamo malwalovot a meynozi. Ko anoyngan no kanoyong no yatatasa dang a ciring.

1 Kedinto 15:31

Manga kakteh, ko mangday so araraw a yatoda jyangangay so inawan. Yamanoyong ori o ciring ko jinyo an. Ta yako tey saray nyo kapacikaop rana ji Yeso Kizisto a Panirsirngen ta.

2 Kedinto 2:5

No myan so tao a amrahet so aktokto no karwan no tao am beken a yakehen o raheten na so aktokto. Ta mamimin kamo a ko peycirngan sya. Am beken a ipasnesnek ta so nimapeyvazay so akman sang a tao.

2 Kedinto 5:12

Beken a namen pazwain o kataotao namen jinyo. Ta namen kakzeben inyo a zomwazway so mina vazay namen do tao. Ta ori o itovis nyo do mapakazwazway no kapya da a ji macipayok so onowned ji Ama ta do to.

2 Kedinto 9:2

Am cyaha, ta ko katenngan o na kajya salitan jinyo. Ta nyazwazway ko inyo do tao do Maciton, do kanimapapo nyo sya no kaminasawan so kasidong nyo sira. So da peyzokaban inyo a tao do Sila a yatey makdeng a yamanidong so tao.

Veydipi 1:10

So ipakateneng nyo rana do ney yapiya na vazay. No si makman kamo sang am manoyong kamo na a ji meylimoteng so onowned a abo so karatan do araraw no ipirwa na mai ni Kizisto.

Veydipi 1:26

Am ori an, no si mangay ko pa jinyo do dang am jyabo kaji na rakorakwan pa no sarasaray nyo ji Yeso Kizisto, do kanisomidong na jyaken a meysinaoli pa jinyo.

Veydipi 1:6

Ko anoyngan o na kapeyvazay do onowned nyo ni Ama ta do to icyakma ney kanapnapan a ovid. Jyabo kakavos no nya vazay na jinyo a mangay no si komavos o akman sya no si ipirwa pa mai si Yeso Kizisto.

Veydipi 2:16

a kapakateneng da do ciriciring na ni Ama ta do to a manta nira so to meyyonong a ikavyay no pahad da. Ta no si akman kamo sang am amyan rana so kakownongan no zikzikna ko jinyo no si marateng o araraw no yai na ni Kizisto.

Veydipi 4:1

Am ori o ikakdeng nyo pa so onowned a meyhanhan ni Ama ta do to, manga keypong an. So ko sarayan ninyo a akma koy kakteh do cinai. Ta yamyan so kakownongan na no vazay ko jinyo. Inaoy no si macita ko pa inyo.

1 Tesalonicya 3:13

Am ori o ikanoyong na ni Ama ta do to a mapakdeng so nakenakem nyo a omraralay nya. Ta no si meygegcin si Yeso a Panirsirngen ta kano niomraralay nya tao am manoyong kamo do tangain na ni Ama ta do to a ji meylimoteng so onowned a abo so karatan.

1 Tesalonicya 5:23

Ko ipeynozi inyo ji Ama ta do to a yamanta ninyo so apiya nakenakem nyo a kapzat na do onowned nyo a kano pahad nyo a kano kataotao nyo. So ikanoyong na amzat jinyo a kabo no karatan nyo a mangay do ikeypirwa na mai ni Yeso Kizisto a Panirsirngen ta.