2 Kedinto 1:12 - Seysyo No Tao

¹² Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 1:12 ပူးပေါင်းရင်းမြစ်များ

Nimlivolivon 23:1

Singkadan na sira ni Pawlo o macipeykaygi a tao. Maniring jira am, “Manga kakteh, o iwawalam ko no kalyalikey ko am abo pasagpyanan ko so nakenakem ko do tangain ni Ama ta do to a yato ngai sicyaraw eya an.”

Nimlivolivon 24:16

Am ori o ko ikakdekdeng a mahap so yapiya vazay do tangain ni Ama ta do to a kado tangain no tao.

Loma 9:1

Sicyaikwa rana ya am yamanoyong ko ipanci jinyo. Ji ko palasa o ciring ko, ta ko macikaop ji Kizisto. Yako katenngan o ko ipanci, ta o Seyzi am ori o tomalamozong no onowned ko.

1 Kedinto 1:17

Ta o nipamnekan na jyaken ni Kizisto am beken a manaktak. Ta kapeylimwang ko no Mapasaray a Ciriciring na ni Ama ta do to. So ji ko mangozai do teneteneng ko a mangononong. Ta si akman sang am o teneteneng ko a mangononong o ikakza da ahapen no tao, a kaji da na ngapan so oyowyat no mina kawakwak na ni Kizisto do jyojika.

1 Kedinto 12:8

O Seyzi rana am na itoro do yasa ka tao o teneteneng a makateneng do nanao na ni Ama ta do to. Yakman sang, ta na itoro do yasa ka tao o teneteneng na yana ipangnanao.

1 Kedinto 15:10

Am o pangangarilawan na ni Ama ta do to o ko ikakman sya. Yamanoyong o pangangarilawan na ni Ama ta do to a nitoro na jyaken. Am ori o ko ikaharahara pa a yameyvazay a kano karwan namen a nipamnekan na ni Yeso. Am beken a kowyowyat ko a meyvazay, ta si Ama ta do to am ori o yamacipeyvazay jyaken.

1 Kedinto 2:13

Ori an, ikabeken a teneteneng no tao o namen inanao jinyo a ciriciring. Ta ciriciring no Seyzi o namen ninanao jinyo a na yanan rana no Seyzi na ni Ama ta do to.

1 Kedinto 4:4

Yako jyatenngi o keyyan no ko karatan. Am yako ji mancyan o kabo na. Ta si Ama ta do to o manoyong a makateneng jya.

1 Kedinto 5:8

Ori an, sarayan ta ni Yeso a nimawakwak no raraten ta. So ikanoyong ta rana komaro do peyraratenan ta. Taosya rana mangalalas a kano meyraraten a icicirawat an. Ta o manownaw a onowned a kano manoyong a nanao o ahapen ta, akman so kabwan no kosozi a odong.

2 Kedinto 1:17

Manoyong o kanimamnek ko jya am ji ko nimangay. Manngwa, ipanci rana o akman sang a mabliblis so nakem? No katatay ko do akman sang a vazay ko am manngwa, ko to ngonongonongi o onowned ko a manci no ka noon ko sya, ka beken ko sya?

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

2 Kedinto 4:2

Namen ji ngapa o macimanig a vazay. Namen ji mangalalas. Namen ji palasa o ciriciring na ni Ama ta do to, ji powziba o nanao ni Ama ta do to. Ta ipacita namen do tao o icicirawat namen, do kanoyong namen a lamlamsoy na ni Ama ta do to.

2 Kedinto 8:8

Am beken a ko gacigatan inyo a mapeyvazay sya. Ta ko ipaziman jinyo o kakdekdeng da no sinjya do Maciton a somkad do kanoyong na kalas na no pangangarilawan nyo so icyatatao nyo.

Cyalatay 6:4

So ikamimin no tao a manakenakem a manci no, “Manngwa, yapya no yamarahet o iwawalam ko.” No si apya am manoyong o kasaray na. So ji mapadmai so kataotao do icyatatao.

Ivoso 6:14

Am ori o ipeytataziman nyo a mapeyyabtek so manoyong a nanao na ni Ama ta do to. Kalokalen nyo o apya icicirawat nyo a omaing ji Kizisto.

Veydipi 1:10

So ipakateneng nyo rana do ney yapiya na vazay. No si makman kamo sang am manoyong kamo na a ji meylimoteng so onowned a abo so karatan do araraw no ipirwa na mai ni Kizisto.

1 Tesalonicya 2:10

No kapacikaop namen pa jinyo do dang am o ciriciring namen a kano icicirawat namen am apiya macita nyo. Abo o malas a vazay namen. Cyaha, ta inyo a kani Ama ta do to am yongkad no vazay namen ang.

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.

Tito 2:7

Imo rana am tana makakaday o vazay mo am ji ka rahet so icicirawat an. Ta manakem mo o kapeycitacita da jimo no tao. Makapiya ka so nakenakem a omnanao sira an.

Sipolay 13:18

Ji nyo amtadan yamen a ipeynozi. Ta namen anoyngan o kapya no vazay namen do tangain no tao a kani Ama ta do to.

Yake 4:6

Ta arakorako pa o sidongan na jyaten ni Ama ta do to. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”

1 Pite 3:16

Am panalawbowen nyo o nakem nyo a tomovis do akman sang a tao. Ji kamo meylimoteng so onowned a kanig da no mapanyanig jinyo, do kapiya no icicirawat nyo a omahap so nanao ni Kizisto.

1 Pite 3:21

O henep rana am kehngehngay na no ranom a da itaktak jyaten do kyokay. Am sicyaikwa rana ya am nyo rana ipeyhanhan si Yeso Kizisto a nimirwa a mavyay a mapatazadang jinyo do teyngato. So ji na monganai do kanownaw no kataotao nyo. Ta monganay jyaten a manci nya ji Ama ta do to so kanoyong ta na mahap so vazay na.