1 Yowani 5:9 - Seysyo No Tao

⁹ Tamo anoyngan o yada ipeylimwang no tao. Am maharahara pa si Ama ta do to a meylimwang no Anak na.

1 Yowani 5:9 ပူးပေါင်းရင်းမြစ်များ

Matay 17:5

Ji na pa teyka ni Pite o ciring na am to ngyan so cinalab a ombengbeng sira a keyyan no ciring a maciralay do cinalab ang. Maniring am, “Iya rana am ney kaglaw ko Anak ko. So sarayan ko nya. Amizngan nyo sya.”

Yowani 10:38

Am tana ji nyo nganoyngi yaken am anoyngan nyo o vazay ko an. Ta ori o ipakateneng nyo ji Ama yamacikaop jyaken. Ta yako macikaop jya.”

Yowani 5:39

O nyo ipeyvilang a Seysyo am nyo naknakmen o nyo kapakahap do dang so to meyyonong a ikavyay no pahad nyo. Am na malavat no Seysyo am yaken.

Nimlivolivon 17:31

Ta na nipamnekan o araraw na ni Ama ta do to a tomovoy so nipamnekan na a mapacici so tao do teyrahem. Ta iya rana am ji mapeycyakaban so tao. So na jyalasi no kanimawakwak na a kapirwa na sya avyain ni Ama ta do to.”

Nimlivolivon 5:32

Am ori o namen peylimwangan no akman sya vazay. Ta yamen a kano Seyzi o yongkad na. Ta o Seyzi rana am na itoro ni Ama ta do to a macikaop do mahap so ciriciring na tao.”

Sipolay 2:4

Yakman sang, ta nioyatan na sira ni Ama ta do to a mapeyvazay so makakaday a yamapeyzokab a vazay a yongkad no kanoyong no ipangnanao da. So yana ikakman sang ni Ama ta do to a yamangozay do nakem na a yamvonong so teneteneng a kano oyowyat no Seyzi do omanoyong jya tao a isidong da so icyatatao da.

Sipolay 6:18

a ipadnadna na so nakem ta a yameyhanhan nya. Ta iya rana am jyabliblis o ahahapan na sya.

1 Yowani 5:10

Am o tao rana omanoyong do Anak na ni Ama ta do to am manoyong keyyan na do onowned na no ciring na ni Ama ta do to. Am o ji nganoyong ji Ama ta do to am alalasen na si Ama ta do to. Ta ji na nganoyngi o ciring na ni Ama ta do to a meylimwang no Anak na.

1 Yowani 5:8

Ori rana am Seyzi a kano ranom a kano rala na a nimvoyog a nimawakwak no raraten ta. So icyakma dey asa nira ori a yongkad na Misayya.