1 Yowani 1:6 - Seysyo No Tao

⁶ Am ori an, no si ipanci ta o kapacikaop ta jya kaji ta mamlisan a meyraraten akmey amyan do kasarisaryan am manoyong kapangalalas ta, do kaji na macipayokan no nakenakem ta.

1 Yowani 1:6 ပူးပေါင်းရင်းမြစ်များ

1 Yowani 4:20

No amyan so tao a manci no kararalay na ni Ama ta do to a kapacioya na pa do akma ney kakteh do cinai am mangalalas a tao o akman sang. Ta kaji na aryarilawan no macita na akma ney kakteh do cinai a imanngo rana yajyacita ta Tao do to.

1 Yowani 2:4

No amyan so tao a manci no kapakateneng na jya kaji na ngonotan do ciring na am mangalalas o akman sang a tao, do kaji na mangozayan jya peyvazain so nanao na ni Ama ta do to a nimamizing na.

1 Yowani 1:10

Am no si ipanci ta o kaji ta pa nimeyraraten am manoyong ta ipanci si Ama ta do to a mangalalas. Ta nipanci na rana ni Ama ta do to do Seysyo o kamimin no tao a meyraraten. So icyakma ney abo no ciring na ni Ama ta do to do onowned ta.

Yowani 8:12

Maniring si Yeso jira am, “Yaken rana am zezak no karawan. O macilolo jyaken a tao am amyan jira o zezak no onowned da. So ji da rana ngyani do kasarisaryan.”

Yowani 12:35

Maniring si Yeso am, “Alikey o iyan na jinyo no zezak. Makabezbez kamo a omalam do iyan na pa no zezak. Ta no masari rana am ji nyo na cita o pangonongan nyo.

Yake 2:14

Manga kakteh, no myan so tao a manci no kakdeng na so nakem ji Ama ta do to a kaji na mapatwawan sya do icicirawat na am ikongo peypeypangayan no akman sang so nakem ji Ama ta do to. Manngwa, ikavyay no pahad na o akman sang?

Yowani 12:46

Akma koy zezak a mai do teyrahem. So ji da na ngyani do kasarisaryan no omanoyong jyaken a tao.

1 Yowani 1:3

O nimacita namen a kano nimamizing namen am namen toywen jinyo. So ikanoyong nyo na macikaop jyamen a akma nyoy kakteh do cinai, do namen kapacikaop ji Ama ta do to a kano Anak na si Yeso Kizisto.

Yowani 11:10

Am no mangonong do mahep am jyabo kaji na nikadan, do kaji na makacittan so mazngang a.”

Yake 2:18

Ala no maniring o tatasa ka tao am, “Imo am ka makdeng so nakenakem ji Ama ta do to. Yaken am yako apiya so vazay.” No si maniring ko am, “Pacittan pala jyaken o nakenakem mo si Ama ta do to. Am yaken am to mo na cita do apya vazay ko. Ta ori o ipakateneng mo do nakenakem ko si Ama ta do to.”

1 Yowani 1:8

No si ipanci ta o kabo no raraten ta am alalasen ta o kataotao ta, do kaji ta mangononongan do nanao ni Ama ta do to a nimamizing ta.

Yake 2:16

manngwa, kasirisiring nyo sira a manci no, “Makapiya kamo so kataotao. Inaoy si mabsoy kamo. Inaoy si myan so ayob nyo,” kwan nyo a abo so isidong sira am ikongo ayyaingan no akman sang.

Matay 7:22

No masngen rana o araraw no kapeykapyapinpin na so tao ni Ama ta do to am aro o tao a manci nya jyaken so, ‘Mo Panirsirngen, mo Panirsirngen, nipangozayan namen o ngaran mo asyo a meylimwang no nanao ni Ama ta do to. Nipangozayan namen o ngaran mo asyo a mamozwaw so kalamsoyan ni Satan. Aro o mapeyzokab a vazay a mina vazay namen asyo.’

1 Timotay 4:2

O somala a nanao am apo do manlita tao. Sira rana am abwata rana o apya nakenakem da a somengseng do marahet a vazay.

Yowani 8:55

Iya rana am nyo jyatenngi. Am ko katenngan. No si ipanci ko o kaji ko makatenngan jya am akman ko jinyo ori a mangalalas. Am ko katenngan a yamahap so nanao na.