1 Timotay 4:7 - Seysyo No Tao

⁷ Ji mo pasngesngena o abo so peypeypangayan a katatapilan nyo a ipanci. Ta apyapya pa o kowyat mo a meypahagnat so nakenakem ji Ama ta do to.

1 Timotay 4:7 ပူးပေါင်းရင်းမြစ်များ

Nimlivolivon 24:16

Am ori o ko ikakdekdeng a mahap so yapiya vazay do tangain ni Ama ta do to a kado tangain no tao.

1 Timotay 1:4

Ta peymakarwan da rana o abo so angangayan a kavavatanen a kano katatapilan no ineynapo da a ononongan da. Ta o akman rana sang am mapeyliliman. So ji na makasidongi so tao a makateneng do vazay na ni Ama ta do to. Ta no anoyngan ta am ori o ipakateneng ta jya.

1 Timotay 1:9

Am ori o naknakman ta sya an. Ta o iwawalam rana ni Moyse am beken a isidong so apya so nakenakem a tao an. Ta o marahet so nakenakem am ori o cinamaog na a izazat do marahet a vazay da. O ipanci da marahet so nakenakem a tao a kano ji mangozay do iwawalam na ni Moyse am ji ngahap so nanao, ji raralay ni Ama ta do to, meyraraten, komolala so ipeylimwang da ciriciring na ni Ama ta do to, makza no marahet a icicirawat no tao do karawan, manwakwak so inyapwan a kano icyatatao,

1 Timotay 2:10

Ahapen da o apiya icicirawat, ta ori o manoyong a omraralay ni Ama ta do to a mavakes.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

1 Timotay 4:8

Manoyong kapya na no mapazigton so kataotao am makdekdeng pa o kapeypahagnat ta so nakenakem ji Ama ta do to. Ta ori o makasidong jyaten sicyaikwaya kano makwa no myan ta na do teyngato.

1 Timotay 6:11

Am imo rana am na nipamnekan ni Ama ta do to a yamahap so vazay na. So peymakarwan mo na do akman sang a marahet a kahap mo so meysominogat a onowned. Macilolo ka do apyahen na ni Ama ta do to a kapeyhanhan mo nya. Ji mo a haywan o kapangarilaw mo. Ji ka hayohayowen. Ji ka oyaoyahen.

1 Timotay 6:20

Imo rana mo Timotay, anak ko am ahapen mo o nipakolivava ko jimo a vazay eya an. Peyyanen mo do onowned mo o vazay eya an. Ta ji mo ngapa o abwata so angangayan a ciriciring.

1 Timotay 6:3

Ano amyan so tao a meylimwang no macisala do ciriciring na ni Yeso Kizisto a Panirsirngen ta, kapacitarek na do ipangnanao ta ciriciring na ni Ama ta do to am,

1 Timotay 6:5

Ta ori o yapwan no kato da mangamaogan so malas a nakenakem a kano marahet a icicirawat da. O nakenakem da nira omraralay ni Ama ta do to am naknakmen da o kapeynizpi da nya.

2 Timotay 2:16

Ji mo pasngena o abo so angangayan a pacinekanekadan. Ta o akman rana sang a ciriciring am mapeyparai so tao ji Ama ta do to.

2 Timotay 2:23

Ji nyo ngahapa o malas a ciriciring a ipacinekanekad nyo. Ta katenngan mo o akman sang a vazay a mapeyliliman.

2 Timotay 3:12

Mamimin o macilolo ji Yeso Kizisto a mapeyvazay so nanao ni Ama ta do to a peyrarehten da.

2 Timotay 3:5

Ta sira rana am akmey manaralay sira am ji macipayok o vazay da, ta to da nazibwan o oyowyat na ni Ama ta do to. O akman rana sang a tao am ji mo macikasngeni sira an.

2 Timotay 4:4

So bengbengan da so cicilwan da ji ngamizing so manoyong a nanao a kamizing da so nipapo no tao a kavavatanen.

Tito 1:14

a kaji da nganoyngan do yamalas a kavavatanen da no tao do Yotay a kano yokoyokod da no ji nganoyong do nanao na ni Ama ta do to.

Tito 2:12

O akman sang a pangangarilawan na ni Ama ta do to am ori o ipakateneng ta do kakaro ta do raten na ni Ama ta do to a vazay ta kano meykamadadayan a ikakza ta do karawan. So ipakateneng ta do kapzat ta do onowned ta a mapeypahagnat so nakenakem ta ji Ama ta do to.

Tito 3:9

Am ji mo pasngena o kapacinekanekad da a macivaivait no iwawalam na ni Moyse a kano katatapilan nyo. Ta o akman rana sang am abo o peypeypangayan no akman sang.

Sipolay 5:14

O asa ka ciring dang am o makaveyvow o koman so cinvevekeh, ta mapeyneynara da rana. Akman so sang o makaveyvow a tao a makateneng do apya kano marahet.