1 Timotay 4:3 - Seysyo No Tao

³ Ipanci da o macivahavahay a kano mapasakay yamalas, a kapanci da no kaji nganan so karwan no kanekanen. Am o kanekanen rana am nyamamaog na ni Ama ta do to. So sarayan da nya kakan da rana sya no omanoyong ji Yeso a kano makateneng do ciriciring na.

1 Timotay 4:3 ပူးပေါင်းရင်းမြစ်များ

Matay 14:19

Makarahan am ipanci na sira o tao a amlisna do katamtamkan a kahap na so alima ka myanpaw a kano adwa ka among a katangara na so hanit a somaray nya ji Ama ta do to a kakcikcil na so myanpaw a itoro do macinanao jya a kavonong da rana sya do aro a tao.

Matay 15:11

O apo do ngoso no tao a mangay do velek am ji mapeyraraten so tao, ta o makowbot do ngoso a apo do onowned am ori o mapeyraraten so tao.”

Matay 15:36

kahap na rana so apito a ka myanpaw a kano among a isaray ji Ama ta do to a kakcikcil na rana sya patodahen do macinanao jya a kavonong da rana sya do aro a tao.

Locya 24:30

Amhezsad a macihanghang jira si Yeso am ahapen na o myanpaw kasaray na nya ji Ama ta do to a kapeyketeb na sya a itoro na jira.

Yowani 6:23

Amyan so nimapo do Tipilyo a tataloran a manbong do masngen do nyahapan na ni Yeso so myanpaw a isaray ji Ama ta do to a nibsoyan na so aro a tao.

Nimlivolivon 27:35

Teyka na o ciring na am mangap si Pawlo so myanpaw a kasaray na nya ji Ama ta do to do tangain da kakcikcil na sya kanen.

Loma 14:17

Ta o ney makdeng na do italamozong na ni Ama ta do to am beken a monganay do kanen a kano yopen. Ta monganay do apya vazay a kano kapyapya no onowned kano sarasaray a itoro na jyaten no Seyzi.

Loma 14:3

O makakakan a tao am ji na zyakan sira o ji makakakan a tao. O voovoong so yakan am ji na namwada sira o makakakan a tao. Ta meyyangay sira akma ney anak ni Ama ta do to.

Loma 14:6

O tao rana a tongdeng do kasaraw a raralayan da ni Ama ta do to am isaray da o kapakanakem da si Ama ta do to. Akman sang o makakakan a tao, ta isaray na ji Ama ta do to o kanekanen na. O ji makakakan a tao am akman sang. Ta isaray na si Ama ta do to.

1 Kedinto 6:13

Amyan so tao a manci no, “O kanen rana am ioran do velek. O cinamaog no velek am kanen.” So ji na alasi nang. Am beken a to meyyonong o yameykadwa ya. O cinamaog ta am beken a pasagpyanen ta o kataotao ta, ta o kararalay ta ni Ama ta do to. So ikanoyong na ni Ama ta do to a mapeyveyveken jyaten.

1 Kedinto 7:28

Am no si ikakza mo o kapazagpit mo am cyaha, ta beken a raraten ori. Am ko apyapyahen pa kaji nyo nginaran sira masanga no meykamadadayan a vazay da do kavavahay da.

1 Kedinto 8:8

O kanen rana ya am ji na novili ni Ama ta do to. Tana koman ta do nipazos da am tana ji ta ngan am jyablis o nakenakem na jyaten ni Ama ta do to.

Kelosi 2:16

Am ori an, ji nyo rana ingnan no onowned do kazyakan da ninyo no tao a jingdeng so nakem do adan a icicirawat nyo a omagaz do pamarmarngan nyo so kanen a kano ipeyweywalam no tao.

Kelosi 3:17

O makakaday a vazay nyo a kano ciring nyo am mamimin a pagazen nyo do ngaran ni Yeso a Panirsirngen ta a somaray nya ji Ama ta do to.

1 Timotay 2:4

Ta na ikakza o na kasidong so tao do karawan, kapakateneng da do manoyong a nanao.

1 Timotay 4:4

O na nyamamaog rana ni Ama ta do to am yamamimin a yabo so karatan. Am ori o sarayan ta nya do onowned ta. So ji tanyo meyraci jya an.

1 Timotay 5:14

Am ori o ko apyapyan so malavayo a vao a mavakes a mirwa pa macivahavahay a mangahanas a kapeyveyveken da so kavavahay da. Ta ori o ikabo no iraherahet da jyaten no ji nganoyong ji Yeso a macioya jyaten a tao.

Sipolay 13:4

Naknakmen nyo o kakdeng no meysinmo a tao. Masipanadnadnad kamo so nakem a marwarog do vahay. Ta o mapasagpyan so aktokto a tao am pasingsingtan na ni Ama ta do to.

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.