1 Timotay 4:2 - Seysyo No Tao

² O somala a nanao am apo do manlita tao. Sira rana am abwata rana o apya nakenakem da a somengseng do marahet a vazay.

1 Timotay 4:2 ပူးပေါင်းရင်းမြစ်များ

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Matay 7:15

“Azimanen nyo o malas so ipangnanao a tao. Ta akmey apiya o ipangnanao da am jyakman sang, ta tey manginanawa sira a mangalalas so ciring.

Nimlivolivon 20:30

Ta no makwa am amyan do tangain nyo so mangononong so malas amlita do amraralay ni Yeso Kizisto a tao. No amyan so akman sang a tao am ji nyo ngonoci.

Loma 1:28

Ji da ranakzan no tao o manoyong a nanao na ni Ama ta do to. Am ori o to na rana macipanadngi do onowned da a meyparahet a mapeyvazay so makararahet a vazay.

Loma 16:18

Ta o akman rana sang a tao am da ji ngapa o vazay ni Yeso a Panirsirngen ta. Ta o kataotao da o da naknakmen. Sira ori am littan da no ciring da o mahaha so nakem ji Ama ta do to a tao.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

Ivoso 4:19

Da jyatenngi o da kanigan a yato mangozangozay do nakem da yamapasagpyan so aktokto da.

2 Timotay 3:5

Ta sira rana am akmey manaralay sira am ji macipayok o vazay da, ta to da nazibwan o oyowyat na ni Ama ta do to. O akman rana sang a tao am ji mo macikasngeni sira an.

Ipaziman 16:14

Sira rana am kalamsoyan ni Satan a meyvazay so mapangyangyalak a vazay. Sira rana kalamsoyan ni Satan am mangay sira do peycyeylilyan na a meykala so panipanirsirngen a kalovot da sira a omarap si Ama ta do to no marateng rana o araraw ni Ama ta do to a tey mowyat a Tao do to.