1 Timotay 2:4 - Seysyo No Tao

⁴ Ta na ikakza o na kasidong so tao do karawan, kapakateneng da do manoyong a nanao.

1 Timotay 2:4 ပူးပေါင်းရင်းမြစ်များ

Matay 28:19

Am ori o yangay nyo do peycyamahamahatawan na a mapanop so tao a omanoyong jyaken, a kahap nyo so ngaran ni Ama ta do to a kano Anak na kano Seyzi a tomaktak jira,

Make 16:15

Maniring si Yeso jira am, “Mangay kamo do peycyamahamahatawan na a meylimwang no Mapasaray a Ciriciring na ni Ama ta do to do tao do karawan.

Locya 1:77

Ipanci mo do omraralay nya tao o yana kavonas so raraten da ni Ama ta do to. So ikanoyong na mapatazadang sira do teyngato an,

Locya 14:23

Maniring o lawpan do lamlamsoy na am, ‘To ka nangay do rararahan a manara so tao kapno da do vahay ko.

Locya 24:47

Am ori o papwen sya do Yelosaleng a meylimwang no mamlis a kano manvonas so raraten a ciriciring a kangay na do peycyamahamahatawan na.

Yowani 14:6

Maniring si Yeso am, “Yaken am rarahan nyo. Yaken am yanan no manoyong a nanao. Yaken am yapwan no to meyyonong a ikavyay no pahad nyo. No ko abo am abo tao a makatanggeh ji Ama ta do to. So ika yaken no ipakatokod nyo ji Ama ta do to.

Yowani 17:17

Peyyanen mo o ciring mo do onowned da. So ikanoyong da rana ji meylimoteng so onowned. Ta o ciring mo am tey manoyong.

Yowani 6:37

O pasngenen na jyaken ni Ama a tao am anoyngan da yaken a onotan. O mai jyaken a tao am ji ko likoji sira.

Loma 11:14

Ala ikeynanahet da yaken no tao do Yotay a kasina ko no inawan. Am cyaha, ta ipakasidong na so karwan da a kaji na meydednan jira no peyoyaoyyan na ni Ama ta do to.

1 Timotay 4:10

O yata ikowyat a yamahap so vazay na ni Ama ta do to am ta ipeyhanhan si Ama ta do to a mapatazadang jyaten. Ta iya rana am to meyyonong a mavyay a Tao do to. Am o meyhanhan nya o avyain na.

2 Timotay 2:25

No akman sang o inanao na so ji ngahap so nanao a tao am ala ipanta na sira ni Ama ta do to so ipamlis da so nakenakem, kapakateneng da rana do manoyong a nanao na ni Ama ta do to.

2 Timotay 3:7

Tana sira masangib o mavavakes a yamacinanao am da jyatenngi o yamanoyong a nanao na ni Ama ta do to.

Tito 1:1

Yaken rana am si Pawlo ko a lamlamsoy na ni Ama ta do to a nipamnekan ni Yeso Kizisto a omlivolivon no ciriciring na. O na nipamnekan jyaken am yana tovoin yaken a mapait so onowned da no nipamnekan na tao ni Ama ta do to a omanoyong ji Yeso. So palolwan ko sira a kapakateneng da rana do nanao na no yatamo iraralay.

Tito 2:11

Peyvazain ta o yamakakaday ang. Ta yarana mapengkad o pangangarilawan na ni Ama ta do to a mapatazadang jyaten a tao do karawan.

Sipolay 10:26

No katenngan ta na o nanao ni Ama ta do to a kapeyngongyod ta meyparai ji Ama ta do to a ji rana meysinaoli so onowned am abo rana o patanangen ta makavonas so akman sang a raraten.

Yake 3:14

Am no si amyan do onowned nyo so manginanahet a kano masicyakaoya kano mararaten am ji kamo na mapazway so nakem. Taosya o kapakateneteneng nyo.

2 Pite 3:9

O nakenakem ni Ama ta do to a kano tao am ji meyyangay. Ta si Ama ta do to am ji mapainin do mina ciring na. Ta tana inyo am akman sang a na jyahaywan a pananalahen a yamamlis. Ta ji na mamyapyan o asa ka tao do karawan a mangay do kararatan. Ta ikakza na o kamimin no tao a mamlis a komaro do raraten da.

2 Yowani 1:1

Yaken rana am cyozo ko. Yako ipeyteygami imo a yana nipamnekan ni Ama ta do to amraralay nya a mavakes a kano ananak mo. Yatey rako o yako karilawan ninyo. Am beken a yakehen o yamarilaw ninyo, ta yamamimin sira o yamakateneng do nanao ni Ama ta do to a yamarilaw ninyo.

Ipaziman 14:6

Macita ko o tinsi am somalap do hanit. Iya rana am yanan no to meyyonong a Mapasaray a Ciriciring na ni Ama ta do to a ipeylimwang na do peycyamahamahatawan na kado peycyeylilyan na kado meykataretarek so ciriciring do karawan.