1 Timotay 2:1 - Seysyo No Tao

¹ O yamanma pa yako inanao jinyo am ipeynozi nyo o tao do karawan ji Ama ta do to. Ipasyasi nyo ji Ama ta do to a kasidong na sira. So ji ta hamangi no kasaray ta no aryarilaw na jyaten.

1 Timotay 2:1 ပူးပေါင်းရင်းမြစ်များ

Nimlivolivon 17:30

No kaji da pa makatenngan ji Ama ta do to no tao am ji na naknakma o raraten da. Am sicyaikwaya am na ikakza o tao a yamamlis a komaro rana do peyraratenan da.

Loma 1:8

Ney manma na am ko isaray ji Ama ta do to si Yeso Kizisto, ta o nyo peyhanhanan nya am yada rana peyrengarengayan no tao do peycyamahamahatawan na.

Loma 6:17

Am ta isaray ji Ama ta do to. Ta no kakwa am akma ney lamlamsoy inyo no raraten. Am sicyaikwa rana ya am yasa rana o onowned nyo a yaomonot do manoyong a nanao.

1 Kedinto 15:3

Ninanao ko na jinyo o yaney makdeng na nimahap ko ji Yeso. Ori rana am nimawakwak si Yeso no raraten ta. So na idket do Seysyo no ciring eya.

2 Kedinto 8:6

Am ori o namen kakzeban si Tito a to ngyan jinyo do dang a somidong jinyo a mapakavos so nipamnekan nyo a vazay a marilaw no akma nyoy kakteh do cinai.

Ivoso 3:13

Am ori an o ko pakotokotan pa sya jinyo. Taosya o kahaha nyo so nakem do iyan no alalaw ko. Ta o akman sang am isaray nyo o mina kapeylimwang ko no ciriciring na ni Ama ta do to jinyo.

Ivoso 5:20

O kasaray nyo no makakaday a yana nitoro jinyo ni Ama ta do to, ta si Yeso Kizisto o manoyong a Panirsirngen ta.

Ivoso 6:18

Miminen nyo ori a ipeynozi ji Ama ta do to a kasidong na jinyo. Abo ji nyo meynozyan a tomala so Seyzi a meypalanginan ninyo. Ori o ipeytataziman nyo. Ji nyo amtadan o kapeynozi nyo no akma nyoy kakteh do cinai.

Veydipi 1:3

No ko manakem inyo am ko isaray inyo ji Ama ta do to.

Veydipi 4:6

Ji nyo a ratan o makakaday a vazay nyo an. Ta ipanci nyo do inozi nyo o kakzeben nyo ji Ama ta do to a kasaray nyo so onowned a mapasyasi jya an.

1 Tesalonicya 3:12

Inaoy no si oyatan na inyo a meypahagnat so pangangarilawan a marilaw no kadwan jinyo, pacyangayan no karwan no tao, akman jyamen a yamarilaw ninyo.

2 Tesalonicya 1:3

Manga kakteh, namen mangday do araraw inyo a isaray ji Ama ta do to. So ikanoyong na no akman sang an. Ta yakamo meypahagnat so nakenakem do yanyo kapeypakdeng so aryarilaw so kadwan jinyo.

1 Timotay 2:4

Ta na ikakza o na kasidong so tao do karawan, kapakateneng da do manoyong a nanao.

1 Timotay 5:5

O vao a mavakes rana abwata so mapeylamnay sya am ipeyhanhan na si Ama ta do to kapangday na meynozi do maraw a kano mahep a mapasyasi jya somidong sya.

2 Timotay 2:24

O lamlamsoy na ni Ama ta do to am ji macililiman, ta apiya o nakenakem na so icyatatao na a kowyat na omnanao sira. Tana ji da ngamiznga am jyahayo o onowned na.

Tito 2:11

Peyvazain ta o yamakakaday ang. Ta yarana mapengkad o pangangarilawan na ni Ama ta do to a mapatazadang jyaten a tao do karawan.

Tito 3:2

Vavagan mo sira ji manamwad so icyatatao da, kaji da macivaivaitan. Manganyanig sira so tao. Ji sira mapahama so nakem do icyatatao da.

Sipolay 6:11

O ney makdeng na yako kakzeben jinyo am mamimin kamo a jyablis so kakdekdeng so nakem a mangay no makwa. Ta ori o ipangononong no makakaday a kakdain nyo no nakem a itoro na jinyo ni Ama ta do to.

Yake 5:16

Patwawen nyo o kalasan nyo do kadwan jinyo a kapeynozi nyo no kadwan jinyo a keywakwak jinyo. Ta tey rako o oyowyat no inozi no apiya so nakenakem a tao.