1 Timotay 1:4 - Seysyo No Tao

⁴ Ta peymakarwan da rana o abo so angangayan a kavavatanen a kano katatapilan no ineynapo da a ononongan da. Ta o akman rana sang am mapeyliliman. So ji na makasidongi so tao a makateneng do vazay na ni Ama ta do to. Ta no anoyngan ta am ori o ipakateneng ta jya.

1 Timotay 1:4 ပူးပေါင်းရင်းမြစ်များ

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

Ivoso 3:2

Nyo katenngan yaken a na nipamnekan ni Ama ta do to a yameylimwang nya jinyo so pangangarilawan na.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

1 Timotay 4:7

Ji mo pasngesngena o abo so peypeypangayan a katatapilan nyo a ipanci. Ta apyapya pa o kowyat mo a meypahagnat so nakenakem ji Ama ta do to.

1 Timotay 6:11

Am imo rana am na nipamnekan ni Ama ta do to a yamahap so vazay na. So peymakarwan mo na do akman sang a marahet a kahap mo so meysominogat a onowned. Macilolo ka do apyahen na ni Ama ta do to a kapeyhanhan mo nya. Ji mo a haywan o kapangarilaw mo. Ji ka hayohayowen. Ji ka oyaoyahen.

1 Timotay 6:20

Imo rana mo Timotay, anak ko am ahapen mo o nipakolivava ko jimo a vazay eya an. Peyyanen mo do onowned mo o vazay eya an. Ta ji mo ngapa o abwata so angangayan a ciriciring.

2 Timotay 2:14

Pazimanen mo o aro a tao do tangain na ni Ama ta do to, ta ji sira macinekanekad no ciriciring da. Ta abo o peypeypangayan no akman sang. Ta kapeyparahet da nya no omamizing sya tao.

2 Timotay 2:22

Ji mo nginara sira o malavayo a tao a to mangozay do nakenakem da, ta o ahapen mo am ji meyrahet a nakenakem, kakdeng no onowned mo ji Ama ta do to, kapeypakatkat no pangangarilawan mo a kano kapya no onowned mo do icyatatao mo, do yamo ipacizanod do tao a mahap so vazay na ni Ama ta do to a mazngang so onowned.

2 Timotay 2:23

Ji nyo ngahapa o malas a ciriciring a ipacinekanekad nyo. Ta katenngan mo o akman sang a vazay a mapeyliliman.

2 Timotay 4:4

So bengbengan da so cicilwan da ji ngamizing so manoyong a nanao a kamizing da so nipapo no tao a kavavatanen.

Tito 1:1

Yaken rana am si Pawlo ko a lamlamsoy na ni Ama ta do to a nipamnekan ni Yeso Kizisto a omlivolivon no ciriciring na. O na nipamnekan jyaken am yana tovoin yaken a mapait so onowned da no nipamnekan na tao ni Ama ta do to a omanoyong ji Yeso. So palolwan ko sira a kapakateneng da rana do nanao na no yatamo iraralay.

Tito 1:14

a kaji da nganoyngan do yamalas a kavavatanen da no tao do Yotay a kano yokoyokod da no ji nganoyong do nanao na ni Ama ta do to.

Tito 3:9

Am ji mo pasngena o kapacinekanekad da a macivaivait no iwawalam na ni Moyse a kano katatapilan nyo. Ta o akman rana sang am abo o peypeypangayan no akman sang.

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

2 Pite 1:16

Beken a namen to mangamaog so kavavatanen a namen ipamizing jinyo a yamanci no keypirwa na mai ni Yeso Kizisto a yatey mowyat a Panirsirngen ta. Ta manoyong o kanimakacita namen sya a tey mazway a Tao do to.