1 Tesalonicya 5:27 - Seysyo No Tao

²⁷ Yako pangozayan o ngaran na ni Yeso a manci no kavilang nyo do teygami ya a ipamizing nyo so akma nyoy kakteh do cinai.

1 Tesalonicya 5:27 ပူးပေါင်းရင်းမြစ်များ

Matay 26:63

Am abo o asa ka ciring a pasapahen na jya ni Yeso. Ipirwa na pacicin no panirsirngen no mapatanatanang so nakem da si Ama ta do to am maniring ji Yeso am, “Ko na to mancyan o ngaran ni Ama ta do to a yamanci nimo a manci nya jyamen so manoyong rana ciring mo. Manngwa, manoyong ka ya Misayya, Anak na ni Ama ta do to an?”

Make 5:7

a kalolos na. Maniring am, “Ikongo mo gogadan nyaken, mo Yeso a Anak no ney manokdwan na Tao do to. Ko ipanci do Tao do to o kaji mo pasingsingtan jyaken.”

Nimlivolivon 1:15

Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Nimlivolivon 19:13

So niyan da no tao do Yotay a omlivolivon a amvozwaw so kalamsoyan ni Satan. Sira rana am tana ji da anoyngi si Yeso am ikakza da pangozayan o ngaran ni Yeso. Ori nisirsirngan da so kalamsoyan ni Satan. Maniring sira am, “Namen pangozayan o ngaran no ipeylimwang ni Pawlo a si Yeso a amvozwaw jinyo.”

Kelosi 4:16

No si teyka nyo a vilangan o teygami eya am yangay nyo do Lawticya, kavilang da jya do kyokay do dang. O yai da teygami apo do Lawticya am akman sang, ta vilangan nyo pa.

1 Tesalonicya 2:11

Nyo katenngan o nakenakem namen jinyo. Ta yakman so inyapwan a mahakay a amvavaga do minapodpod jya,

2 Tesalonicya 3:14

Ala amyan so tao a to nazibo no ciring namen do teygami. Am o akman rana sang a tao am azimanen nyo an. Ji kamo maciwalam jya an a kasnek na.

1 Timotay 1:18

Manganako, mo Timotay, ko pakoyokoin pa jimo am ji ka onib so onowned an. Si myan so somengseng do ipeylimwang mo a ciriciring na ni Ama ta do to am naknakmen mo o mina kapamnek da jimo no kararay ta a meyvazay ji Ama ta do to.

1 Timotay 1:3

Apyapya kato mo ngyanan do Ivoso akman so mina ciring ko jimo no kapeypangay ko do Maciton a omzazat do yameylimwang no malas a nanao.

1 Timotay 5:21

Yako myan do tangain na ni Ama ta do to a kani Yeso Kizisto a kano tinsi a yamanci nya jimo. So hapan mo so nanao eya an. No si myan so pacicin mo am amizngen mo o manoyong. Peyyangangain mo sira citahen so karatan.

1 Timotay 5:7

Ipanci mo jira do omanoyong ji Yeso o akman sang a nanao, ta ori o ikabo no tao a omraherahet sira.

1 Timotay 6:13

O yako ipanci jimo am yongkad ko si Ama ta do to a nimangamaog so meycyamadadayan a kani Yeso Kizisto a jyanyahey a manci no manoyong a ciring do tangain na ni Pangsyo Pilato.

1 Timotay 6:17

Pazimanen mo do aro so kangangay sicyaikwaya an, ta ji sira mapakazwazway. Ji da meyhanhanan o aro a apzapzatan da, ta ji da tenngi o kato na meyyonongan no nang a ikapya da. Ta si Ama ta do to o ipeyhanhan da yamanta nyaten so meycyamadadayan.

2 Timotay 4:1

Yako vavagan imo do tangain na ni Ama ta do to a kani Yeso Kizisto. Katenngan ta, ta no makwa am meygegcin si Yeso Kizisto a tomalamozong no vayo a karawan. Ta iya o mapeykapyapinpin so mavyay a kano nimawakwak rana tao.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.