1 Tesalonicya 5:21 - Seysyo No Tao

²¹ Am pakanaknakmen nyo o nimamizing nyo a nanao da jinyo a kownot nyo do manoyong a nanao an.

1 Tesalonicya 5:21 ပူးပေါင်းရင်းမြစ်များ

Locya 12:57

“Ikongo nyo ji naknakmi so apipya vazay nyo.

Yowani 15:4

Ji nyo ngaroi yaken an. Akman jyaken a ji macisyay jinyo. Abo o yangaw no kayo a to meynakem no kapalasi na no ji macinapnap do kayo na. Akman kamo sang, ta no macikaop kamo jyaken am akman kamo so kayo a malasi.

Yowani 8:31

Maniring si Yeso do omanoyong jya tao do Yotay am, “No si hapen nyo o nanao ko am manoyong kamo na omonot jyaken.

Nimlivolivon 11:23

Makaranes rana am tey masaray, ta nimacita na o aryarilaw na sira ni Ama ta do to. Ori o nipaitan na sira to ngotokot so nakenakem ji Yeso.

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 17:11

O tao rana dang am apyapya sira kano sinjya do Tesalonicya. Ta makdeng sira omamizing so ipangnanao da Pawlo. Masangib sira do araraw a tomita so Seysyo. Kakzeben da katenngan o kanoyong na kalas na no ipanci na ni Pawlo.

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

Loma 12:9

Beken a hapet no onowned o ipangarilaw so tao. Ji nyo akzan o marahet a vazay, ta o kahap nyo so apiya vazay.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

1 Kedinto 2:11

Ji ta tenngi o nakenakem da no tao, ta o kataotao da o makateneng jya. Akman sang an, ta o Seyzi na ni Ama ta do to o makateneng do makakaday a vazay na ni Ama ta do to.

Cyalatay 6:10

Am ori an, no myan so sidongan ta so icyatatao ta am sidongen ta sira an. Am arakorako pa o sidongan ta so akma tey kakteh do cinai an.

Ivoso 5:10

Naknakmen nyo o kahap nyo so apiya vazay a isaray na ni Yeso Kizisto a Panirsirngen ta. Ta ori o ahapen nyo.

Veydipi 1:10

So ipakateneng nyo rana do ney yapiya na vazay. No si makman kamo sang am manoyong kamo na a ji meylimoteng so onowned a abo so karatan do araraw no ipirwa na mai ni Kizisto.

Veydipi 3:16

Am ji ta ablis so nakenakem a mangozay do manoyong a nanao a nimamizing ta.

Veydipi 4:8

Am ori manga keypong an, ahapan nyo so apipiya vazay a isaray na ni Ama ta do to a kano ji meypareki so onowned a kano tey mazway a vazay. O akman rana sang am peyyanen nyo do onowned nyo a patwawen do icicirawat nyo.

1 Tesalonicya 5:15

Azimanen nyo an. Ji nyo patonggali o macioya jinyo a tao an. O kapasicyakarilaw nyo. O tey kakza da vazay no icyatatao nyo am peyvazain nyo.

1 Tesalonicya 5:22

Peymakarwan nyo o peyraratenan nyo do teyrahem.

2 Tesalonicya 2:15

Ori an manga kakteh an, makakdeng kamo so nakenakem an. O ninanao namen jinyo a ciriciring na ni Ama ta do to am meyyangay ori a kano ciriciring namen do teygami a miminen nyo a ahapen.

2 Timotay 1:15

Mo katenngan rana, ta o tao rana do Yasiya pongso ya am sira mamimin a yajyakza nyaken. Yakman sang si Veykelo a kani Hemokenay a yajyakza nyaken.

2 Timotay 3:6

Ta amyan so mahakay a mangnanao no malas a ciring so jyahadpet so nakem a mavavakes a ipeyzavozavoz da so nakenakem da. Am ori o to da anwanoyngi jira, do keyyan na pa jira no raraten da no kakwa pa.

2 Timotay 4:14

O mapakapkapya so vahalang a meyngaran si Yadisanta am tey rako o nyalalawan na jyaken. Cyaha, ta ji ngyan so ipasingkad na sya ni Ama ta do to a.

Sipolay 10:23

Am ori o ji ta na ablisi so nakem a to ngotokot no kararalay ta ni Ama ta do to. Ta o mina ciring na jyaten ni Ama ta do to am abo kalasan na.

1 Yowani 4:1

Inyo rana manga keypong am ji nyo to peyzangkapa sira anoyngan o manci no keyyan na jira no Seyzi. Ta ileylamdamen nyo o kanoyong na, kalas na no ipanci da Seyzi a apo ji Ama ta do to. Ta yaro sira o yamangalalas no nanao da a tao.

Ipaziman 2:2

Ko katenngan o nyo kasasaodan. Kamo mowyat a yameyvazay a yaji macizizikna do alalaw nyo. Ko katenngan inyo a yamapengkad so meyraraten a tao a amlivolivon no yamacitarek a ciriciring na ni Ama ta do to. So yanyo ipakateneng do malas a tao.

Ipaziman 2:25

Am ahapen nyo o yanyo na nimamizing a nanao ni Ama ta do to mangay do ikeypirwa ko a meyhekas do karawan.

Ipaziman 3:11

Ko na makeykai a mai. Am ori o ji nyo amtaji no kapangononong nyo do ciring ko an, a ji mamyapya no tao a mehes so azaw nyo a jyablis so onowned.

Ipaziman 3:3

Am peyyanen nyo do onowned nyo o yanyo nimamizing a nanao ni Ama ta do to a kapangononong nyo jya a komaro do raraten nyo. No si ji kamo yokay am ji ko mapaziman a mai akman so manakaw a tao. Jyabo kapakateneng nyo do araraw no yai ko a.