18 Tana apya, tana marahet o masapa nyo am o kasaray nyo ji Ama ta do to. Ta ori rana am nakenakem na jinyo ni Ama ta do to a omanod ji Yeso Kizisto a tao.
Am ori o ipangday ta so araraw a somaray ni Ama ta do to a nitomovoy si Yeso a nimangay mawakwak nyaten. O itoro ta ji Ama ta do to am apya anwanood ta a idmadmay ta sya.
Pamindahen nyo rana sicyaikwaya o kaji nyo rana mangozayan do malas a monganay jinyo a onowned nyo. Ta o apyahen na ni Ama ta do to o ahapen nyo, do ipeyigegen nyo pa do karawan.
O karawan eya kano pangangagoman no tao am ji meyyonownay ori. Am o mapeyvazay so vazay ni Ama ta do to am amyan rana jya o to meyyonong a ikavyay no pahad na do teyngato.