1 Tesalonicya 5:12 - Seysyo No Tao

¹² Namen ipacimeseseg jinyo manga kakteh am ikanig nyo pa sira o meyyapwaponged no kyokay a nipamnekan na ni Ama ta do to. Ta sira rana am da vavagan inyo no icicirawat no omraralay ni Yeso Kizisto.

1 Tesalonicya 5:12 ပူးပေါင်းရင်းမြစ်များ

Locya 10:7

Ji kanyo meylilis a mangay do teyhesa ka vahay an. Ta to kanyo ngyan do vahay da no tomaotao jinyo a kato nyo novwan no peypanamen da jinyo an. Ta o meyvazay a tao am adan kapanizpi sira an.

Yowani 4:38

Ko inyo ipanoyon a yamangay omlangi so beken a zikna nyo. Am manoyong kamo a macivonong do zikna da no tao.”

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

Nimlivolivon 20:35

Am ori o inaran nyo jyaken an. So ipakowyat nyo a meyvazay an. Ta ori o ipakasidong nyo so ji makahakaw a tao. Manakem nyo o mina ciring na jyaten ni Yeso a Panirsirngen ta. Ta maniring si Yeso am, ‘Rakorako pa o sarasaray no onowned no mangazaw a kano azawen da tao.’ ”

Loma 16:12

Ko ipeyminaminasi o kararay ko si Toveyna kani Tovosa kano kavakes ko a meyngaran si Peysi. Ta sira rana ori am yamakdeng sira a yamahap so vazay na ni Ama ta do to.

Loma 16:6

Ko isaray ji Madiya o zikzikna na jinyo.

1 Kedinto 12:28

Do kyokay na ni Ama ta do to am yamakakaday o tao a nipamnekan na mahap so vazay na. O ney manma na am nipamnekan na ni Yeso a amlivolivon no ciriciring na. Tomonton am mangononong so ciriciring na. O ikatlo na am mangnanao no ciriciring na, katwatonton na rana no meyvazay so mapeyzokab a vazay a kapacyangay da rana no manvonas so ingingnen no tao a kano marilaw no icyatatao da kano makayokod no aro a sinjya kano meyzezyak so macitarek a ciring.

1 Kedinto 15:10

Am o pangangarilawan na ni Ama ta do to o ko ikakman sya. Yamanoyong o pangangarilawan na ni Ama ta do to a nitoro na jyaken. Am ori o ko ikaharahara pa a yameyvazay a kano karwan namen a nipamnekan na ni Yeso. Am beken a kowyowyat ko a meyvazay, ta si Ama ta do to am ori o yamacipeyvazay jyaken.

1 Kedinto 16:16

Am ori o amizngen nyo so akman sang a tao a kano kararay da mahap so vazay na ni Ama ta do to. Amizngen nyo o yokodan da ninyo.

1 Kedinto 16:18

Tana yaken a tana inyo am tamo meyyangay a yasomaray nira. O akman rana sira ya am ikanig nyo sira ya an.

1 Kedinto 3:9

Yamen rana am namen macipeyvazay ji Ama ta do to. Inyo rana am kanyo akmey nihakawan na ni Ama ta do to a namen pirwahen pa. So nyo icyakmey vahay a na patneken ni Ama ta do to.

2 Kedinto 11:23

No si lamlamsoy na sira ni Kizisto am ji ko pazway a ciring ko am jyabo kaji ko a haraharan pa ka nira. Ta yarakorako o zikzikna ko so vazay na ni Ama ta do to. Yako ipiro a da aptengen, yada bakbakan, kaji ko angayan no inawan.

2 Kedinto 5:9

Tana kataotao ta do teyrahem am tana monganay rana o kataotao ta do teyngato am ney makdeng na am ji ta hamangi o kapasaray ta si Yeso a Panirsirngen ta.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

Cyalatay 4:11

So ko kalawan ninyo an, do na kakmey meyyopowpas a cinalab no ninanao ko jinyo no kakwa.

Veydipi 2:16

a kapakateneng da do ciriciring na ni Ama ta do to a manta nira so to meyyonong a ikavyay no pahad da. Ta no si akman kamo sang am amyan rana so kakownongan no zikzikna ko jinyo no si marateng o araraw no yai na ni Kizisto.

Veydipi 2:19

No si apyahen na ni Yeso a Panirsirngen ta am makeykai ko a tovoin si Timotay a mangay jinyo do dang. So ipakateneng ko do vazay nyo do dang.

Kelosi 1:29

Am ori an o ko ikowyat a yameyvazay a ji macimazikna do vazay a mangozay do na kaniomoyat jyaken ni Kizisto a yanitomoro no vazay na jyaken.

1 Tesalonicya 2:9

Manga kakteh, naknakmen nyo o zikna namen do maraw a kano mahep an, do namen kalan so isovo namen a kanen. Ta namen ji myapya inyo a mazikna nyamen no isovo namen a kanen no kapeylimwang namen nya jinyo so Mapasaray a Ciriciring na ni Ama ta do to.

1 Tesalonicya 4:1

Manga kakteh, nyo na nimahap jyamen o apiya icicirawat a isaray na ni Ama ta do to. Sicyaikwa rana ya am namen vavagan inyo no ngaran ni Yeso Kizisto a Panirsirngen ta. Ta ori o ikowyowyat nyo paha a mahap so apiya vazay.

1 Tesalonicya 5:14

Yanamen ipanci pa jinyo manga keypong am pazimanen nyo sira o malelma a tao an, a kapait nyo so mahayo so onowned a tao, kasidong nyo so jyakdeng so nakem ji Ama ta do to. Tana apiya so ahahapan sya, tana marahet so ahahapan sya tao am to nyo peyyangaya o nakenakem nyo sira.

1 Timotay 5:1

Ji mo sira oyyan o rarakeh rana mahakay an. Ta akmey inyapwan mo sira pamizngen. No nanawen mo sira o malalavayo a mahakay am pehngehngain mo sira do kakteh mo.

1 Timotay 5:20

No amyan so meyraraten a tomalamozong no kyokay am vavagan nyo sira do ipacikaop no aro a sinjya. Ta ipaziman so aro a tao.

2 Timotay 2:6

O mowyat a amhakakaw a tao am ori o mabsoy a tao.

Tito 1:3

So peylimwangan no akman sang sicyaikwaya. Ori ko pangozayan do ngaran na ni Ama ta do to a nitomovoy jyaken a yameylimwang no akman sang a nanao na. Ta iya rana am mapatazadang jyaten do teyngato.

Tito 1:5

Nivezed ko imo do Kedite a pongso no kakwa, ta pakavosen mo pa o ji ta pa nipakavos a vazay a kapamnek mo pa do peycyeylilyan na so tomalamozong no kyokay a tao, akman so mina ciring ko jimo no kakwa pa.

Tito 2:15

Nanawen mo sira no yamakakaday a vazay. No myan so ivavaga mo jira kano oyaoyyan mo nira am manakem mo o yada kownot jimo a yamizngen so ciring. Ta ji mo akwan o kalavayo mo.

Sipolay 13:17

Onotan nyo o makayokod ninyo a tao do kyokay. Amizngen nyo o ciring da. Ta sira rana am da peyveyveknen o pahad nyo, do da kahap so vazay ni Ama ta do to. No si amizngen nyo sira am masasaray sira mahap so vazay ni Ama ta do to. Am no si ji nyo ngamiznga sira am meyngen o onowned da. No si akman sang am jyabo kapya nyo a.

Sipolay 13:7

Inarahen nyo sira o nimapalololo jinyo no kakwa a nimeylimwang no ciriciring na ni Ama ta do to. Ta no kapeyigegen da pa kangay na do nikawakwak da rana am yamamimin o vazay da omagaz do da kapeyhanhan ni Yeso. So inaran nyo so kakdekdeng da meyhanhan ni Yeso.

Ipaziman 1:20

O peypeypangayan no yapito a ka peyzeyzampwan a ovay a macita mo do wanan ko am yapito a ka kyokay. O yapito a ka mata no hanit am panipanirsirngen no yapito a ka kyokay.”

Ipaziman 2:12

“Ipeyteygami mo o yamimong no kyokay do Peycyamo. Si maniring ka am, ‘Yamaniring o yameypinan so yamatarem a ipangan am:

Ipaziman 2:18

“Ipeyteygami mo o yamimong no kyokay do Tiyatila. Si maniring ka am, ‘Yamaniring o Anak na ni Ama ta do to a yakmey apoy so mata yamanikap a yameyyai so yakmey aswaz a nilinasan am:

Ipaziman 2:3

Yakamo tey mowyat so onowned a ji macizizikna do aro a alalaw nyo a mahap so vazay ko.

Ipaziman 2:8

“Ipeyteygami mo o yamimong no kyokay do Semayna. Si maniring ka am, ‘Yamaniring o nikapwan na kano pangavosan na a yanimirwa a mavyay am:

Ipaziman 3:1

“Ipeyteygami mo o yamimong no kyokay do Satise. Si maniring ka am, ‘Yamaniring o na yanan no Seyzi na ni Ama ta do to a kano yapito a ka mata no hanit am: Ko katenngan o nyo kasasaodan. Ko katenngan o da kapanci ninyo no tao a yamahap so nanao ko. Am yaji meyngongyod o onowned nyo jyaken.

Ipaziman 3:14

“Ipeyteygami mo o yamimong no kyokay do Lawticya. Si maniring ka am, ‘Yamaniring o meyngaran so Amin a yatey manoyong a ipeyhanhan so ciring a yapwan no makakaday a na nyamamaog ni Ama ta do to am:

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.