1 Tesalonicya 4:9 - Seysyo No Tao

⁹ O pasicyakarilawan nyo am tana ji namen mancyan do teygami am cyaha, ta amyan rana o nanao na ni Ama ta do to jinyo do kapasicyakarilawan nyo.

1 Tesalonicya 4:9 ပူးပေါင်းရင်းမြစ်များ

Matay 22:39

O ikadwa na am akman sang so kakdekdeng an. ‘Ikarilaw mo o icyatatao mo. To mo peyyangaya kano aryarilaw mo so kataotao mo o karilawan mo no icyatatao mo.’

Yowani 14:26

O yasomidong jinyo a Seyzi am tovoin na jinyo ni Ama ta do to a kapalit ko a kananao na jinyo no makakaday a vazay a kapakanakem nyo na so mina ciring ko jinyo no kakwa.

Nimlivolivon 4:32

Omraralay rana ni Yeso a tao am meyyangangay o onowned da. So ikabo no asa ka tao a maveyvow do kangangay na, ta akma dey todalovoci apzapzatan.

Loma 12:10

Masicyakarilaw kamo an. Ta inyo rana am akmey meyketeketeh kamo do tangain na ni Kizisto. So ipasikakanig nyo.

2 Kedinto 9:1

O vazay rana do sidongan ta so sinjya do Yotay am tana ji ko na meyteygami jinyo.

Veydipi 3:15

Am ori o ikamimin ta yamakdeng so nakenakem ji Ama ta do to a makateneng do akman sang an. No si macitarek o nakenakem nyo am cyaha, ta si Ama ta do to o mapananao nya jinyo.

1 Tesalonicya 5:1

Inyo rana akma koy kakteh do cinai am o ipakaranes no ipeygegcin ni Yeso am ji ko to mancyan jinyo do teygami ko,

Sipolay 10:16

“Maniring si Ama ta do to am, Ipatnek ko sira so vayo a pangozayan a ciring no makwa. Peydednahen ko o iwawalam ko do oo da a kapangay ko sya do onowned da.”

Sipolay 13:1

Mangday kamo do araraw a masicyakarilaw a akman so meyketeketeh do cinai.

1 Pite 3:8

Ko pakoyokoin jinyo am akma kamoy asa so ahahapan sya masicyakarilaw. Akman so aryarilaw nyo so kakteh nyo o karilawan nyo no akma nyoy kakteh do cinai. Makapiya kamo so nakem do kadwan jinyo. Masicyakanig kamo.

1 Pite 4:8

O ney makdeng na am ikarilaw nyo o kadwan jinyo. Ta o pangarilawan rana am mapeyyopowpas so makakaday a pasicyakaoyyan ta do karawan.

2 Pite 1:7

Makakdekdeng kamo pa omraralay ni Ama ta do to a marilaw no akma nyoy kakteh do cinai. Inarahen nyo si Ama ta do to so pangarilawan a marilaw no aro a tao.

1 Yowani 2:10

O tao rana marilaw no akma ney kakteh do cinai am amyan ori do kazngangan, do kabo rana no marahet do onowned na a pacikzan da no tao.

1 Yowani 3:11

O ney manma na nimamizing nyo a nanao am masicyakarilaw takamo an.

1 Yowani 3:23

O ciring na jyaten ni Ama ta do to am anoyngan ta o Anak na si Yeso Kizisto a manci no kapasicyakarilaw ta.

1 Yowani 4:21

O ciring na jyaten ni Yeso Kizisto am o omraralay ni Ama ta do to a tao am ikarilaw na o akma ney kakteh do cinai.