1 Tesalonicya 4:8 - Seysyo No Tao

⁸ O ji ngahap so akman sang a nanao am beken a tao o na pasobnan, ta o Seyzi a nitoro na jyaten ni Ama ta do to am ori o pasobnan na.

1 Tesalonicya 4:8 ပူးပေါင်းရင်းမြစ်များ

Locya 10:16

Maniring si Yeso do macinanao jya am, “O omamizing jinyo am omamizing jyaken. O mapasobna jinyo am mapasobna jyaken. O mapasobna jyaken am pasobnan da o nitomovoy jyaken an.”

Yowani 12:48

O tomaosya jyaken a ji ngahap so nanao ko am pangozayan ko o ciring ko a manci no keyyan no raraten na no masasnad rana o araraw no kapeykapyapinpin na so tao ni Ama ta do to.

Nimlivolivon 13:41

‘Inyo a yamangolala a tao am amizngen nyo an. Amyan so macita nyo a ikanyahey nyo a vazay a pasingsingtan ko jinyo. Tana yamyan so tao a mapaziman sya jinyo am nyo ji nganoyngi.’ ”

Loma 5:5

do kapeyhanhan ta ni Ama ta do to a mangononong do mina ciring na jyaten. Ta o Seyzi a nitoro na jyaten ni Ama ta do to am ori o yaomoyat do onowned ta a makateneng ta do pangangarilawan na ni Ama ta do to.

1 Kedinto 2:10

Am na kasidong jyaten no Seyzi na ni Ama ta do to a ta ipakateneng jya. Ta katenngan no Seyzi o makakaday a vazay. Katenngan na o jyatenngi a vazay na ni Ama ta do to.

1 Kedinto 7:40

Am no ji na ranakzan o kapacivahavahay na am apyapya rana o akman sang. Ori rana am nakenakem ko ori do kataotao ko. Am ko naknakmen o katalamozong na nyaken no Seyzi na ni Ama ta do to.

2 Kedinto 1:22

So na nitorwan nya jyaten so Seyzi a omoyat do onowned ta. O Seyzi rana am tovil no kanoyong ta a monganay jya tao. Ta o Seyzi rana am akma ney yongkad no makakaday a omanam a itoro na jyaten ni Ama ta do to.

Cyalatay 4:6

O nitovoyan na sya jinyo ni Ama ta do to so Seyzi ni Kizisto am kamo meyngongyod rana akma ney anak. Am ori o nyo jyanigi a yatomawag ji Ama ta do to a Ama nyo.

1 Pite 1:12

Nipaziman na rana ni Ama ta do to do panoyonoywan na so ciring a tao o ka beken na monganay jira no ipanci da vazay. Ta monganay jinyo a omanoyong jya. Am sicyaikwaya am na rana nioyatan sira no Seyzi o yameylimwang no Mapasaray a Ciriciring jinyo. Am o da ipeylimwang ori am mangay do tinsi o yamakza nya a katenngan.

2 Pite 1:21

Ta o ciring no panoyonoywan na so ciring ni Ama ta do to a tao am beken a monganay jira. Ta o oyowyat no Seyzi o nisomidong sira. So ikanoyong no ciring da apo ji Ama ta do to.

1 Yowani 3:24

O tao a omonot do ciring na ni Ama ta do to am manoyong o akman sang a macikaop ji Ama ta do to. So icyakman na sang ni Ama ta do to a macikaop jya. O ta ipakateneng ji Ama ta do to a yamacikaop jyaten am Seyzi a yamacitovong jyaten.

Yota 1:8

O yamalas so ipangnanao a tao am akman sira so sang. Ta da to mangozangozai o aktokto da yamapasagpyan so kataotao da. Da kolalahen o oyowyat na ni Ama ta do to. Da ipeyzozominyak o tinsi do teyngato.