1 Tesalonicya 4:6 - Seysyo No Tao

⁶ O akman rana sya vazay am taosya o kapasala nyo do akma nyoy kakteh do cinai an. Ta mangay o kaoya na no meyvazay so marahet a vazay ni Ama ta do to. Ori rana am nipaziman namen rana jinyo.

1 Tesalonicya 4:6 ပူးပေါင်းရင်းမြစ်များ

Make 10:19

Mo katenngan o iwawalam ni Ama ta do to do kaji mangapan so tao. Ji mangzakza. Ji manakaw. Ji mangamaog so malas a ciring. Ji manlita. Ikaglaw nyo a ikanig o inyapwan nyo.”

Locya 12:5

Ko pa ciring jinyo am sino manoyong a ikanyahey nyo. O ikanyahey nyo am o mahap so pahad nyo a kawalit na pa nya do kararatan. Ori rana am si Ama ta do to ori. So ika iya na no ikanyahey nyo.

Locya 16:28

a kapamizing na pa so yalalima a kakteh ko, ta maraherahet o kai da pa macitovong jyaken a makaliliw so kataotao da.’

Loma 1:18

Nipaziman na rana ni Ama ta do to o rako a oyaoyyan na no meyraraten a tao a kano ji raralay nya tao. O raraten no tao am ori o yambonbon do yamanoyong a nanao na ni Ama ta do to.

Loma 12:19

Ji nyo to meyneynakman o kapatonggal nyo do amwoya ninyo a tao, manga keypong. Cyaha, ta si Ama ta do to o mapasapa do dang. Ta maniring do Seysyo am, “Yaken o mapasapa do oyaoyyan da ninyo. Yaken o mapeyvazay so amwoya ninyo.” Ori rana am ciring na no Panirsirngen ta.

Loma 13:4

Ta iya rana am lamlamsoy na ni Ama ta do to. O vazay na am ipeypapya nyo. Am no si pasobnan nyo am manoyong kanyahey nyo nya. Ta manoyong ori a nipamnekan na ni Ama ta do to amwoya no mapasobna a tao.

2 Kedinto 7:11

Cittey kamo pala. Ta si Ama ta do to rana am na nipeypapya jinyo o lavyan nyo a meypakdeng so nakenakem jya. Ta nyo nikaoya rana o mina raraten nyo. Nyo nikaoya o peyraratenan na no asa ka tao ang. Ta nyo ji mya o kapacizagom nyo jya a peydednan no oyaoyyan na nya ni Ama ta do to. O akman rana sang a onowned nyo sicyaikwaya am yongkad na rana no kanoyong nyo nimamlis rana so onowned.

Cyalatay 5:21

manginanahet a kano mayoyopen so saki a kano makakaday pa a ikarahet no tao a vazay. Oya rana am nipaziman ko na jinyo no kakwa. Am yako olin pa ipanci jinyo. Ta o mapeyvazay so akman sang a tao am ji macilovot do italamozong na ni Ama ta do to.

Ivoso 4:17

Ko pangozayan o ngaran ni Yeso Kizisto a Panirsirngen ta a yamvavaga jinyo. Ji nyo nginara o icicirawat da no yaji manaralay a tao, ta o nakenakem da nira am yabo na peypeypangayan.

Ivoso 4:28

O nimangap so ahahapen no kakwa am ablisan na rana o panakawan na a kowyat na rana amyaw no velek na, makanakem so kapanidong na so makasi a tao.

Ivoso 5:6

Am ori o ji nyo litai do kadwan jinyo a manci no kapya no akman sang a vazay. Ta o akman rana sang so icicirawat a tao am amyan so oyaoyyan na nira ni Ama ta do to no makwa, do kaji da niomonotan do nanao na ni Ama ta do to.

1 Tesalonicya 2:11

Nyo katenngan o nakenakem namen jinyo. Ta yakman so inyapwan a mahakay a amvavaga do minapodpod jya,

Sipolay 13:4

Naknakmen nyo o kakdeng no meysinmo a tao. Masipanadnadnad kamo so nakem a marwarog do vahay. Ta o mapasagpyan so aktokto a tao am pasingsingtan na ni Ama ta do to.

Sipolay 2:6

Ta tao o nipamnekan na a tomalamozong nya, yakman so ciring a yadomket do Seysyo. Maniring am, “Mo Ama do to, ikongo da peypeypangayan no tao do karawan a yamo kanakenakem sira. Ikongo yamo peyveyveknan sira.

Yake 2:6

Am inyo rana am nyo panyanigen sira o yamakasi a tao. Am o yamapasnesnek jinyo a yamangay ninyo do pacicicyan am sira o katenngan a tao a yaro so nizpi.

Yake 5:4

Nyo jingneta o nizpi da no yameyvazay do hakawan nyo. Amizngey kamo o da iraherahet jinyo a kano da pasyasyan. Ta na rana nimamizing ni Ama ta do to o da lavyan.