1 Tesalonicya 4:16 - Seysyo No Tao

¹⁶ Ta no si marateng rana o araraw no nang am meygegcin si Yeso a tomawag jyaten a keyyan no panirsirngen no tinsi a manci nyaten. No mamizing ta o zapa do teyngato a ipatao na jyaten ni Ama ta do to am o niomanoyong ji Kizisto a nimawakwak rana tao am manomanoma sira mirwa a mavyay.

1 Tesalonicya 4:16 ပူးပေါင်းရင်းမြစ်များ

Matay 16:27

Yaken rana a Nipamnekan na ni Ama ta do to a tao am maciralay ko do azwazway na ni Ama kano aro a tinsi a meygegcin. To ko palololwa o yazaw ko so mina vazay da jyaken no tao.

Matay 16:28

To ko na macitangayan jinyo am o tao a yatomanek do jya am amyan jira ang so makapis pa jyaken a Nipamnekan na ni Ama ta do to a tao a mai a tomalamozong no karawan, do ikamavyay da pa.”

Matay 25:31

“No si meypanirsirngen o Nipamnekan na ni Ama ta do to a tao a macihza do tinsi ni Ama ta do to am amlisna do mazway a lilisnan na.

Matay 26:64

Maniring si Yeso am, “Yamanoyong o mo ipanci ang. Am ko pa ipanci jinyo am macipinda sicyaikwaya o kapakacita nyo jyaken a Nipamnekan na ni Ama ta do to a tao a amlisna do wanan na ni Ama ta do to a maciralay do cinalab a meygegcin do karawan.”

Nimlivolivon 1:11

“Inyo rana a tao do Cyadidi am ikongo nyo ipeytatanek do jya a yatomangara so hanit. Ta si Yeso eya yakomaro rana jinyo a yamangay rana do teyngato am akman sang, ta mirwa pa meysinaoli do teyrahem a maciralay do cinalab.”

1 Kedinto 15:18

No si manoyong o akman sang am to makasi sira o nimawakwak rana amraralay ni Yeso.

1 Kedinto 15:20

Am yajyakman sang an. Ta yamanoyong si Kizisto a yanimirwa a mavyay. Ori rana am yongkad no kanoyong da mirwa a mavyay no yarana nimawakwak a yamraralay nya a tao.

1 Kedinto 15:23

Am matwatonton o tao a mirwa a mavyay. Ney manma am si Kizisto. O tomonton am amraralay nya tao, no si marateng o araraw no yai na ni Kizisto,

1 Tesalonicya 1:10

So yanyo nanalan so Anak na si Yeso Kizisto a meygegcin a apo do teyngato. Si Yeso Kizisto am nivyay na ni Ama ta do to a nimapo do heseb na. Iya o yata pakahatasan so peyoyaoyyan na ni Ama ta do to no makwa.

1 Tesalonicya 3:11

Inaoy si peypalanginan na yaten ni Ama ta do to a kani Yeso Kizisto a Panirsirngen ta a kangay namen rana jinyo do dang.

2 Tesalonicya 1:7

Inyo rana a yakman jyamen a da peyrarehten am ji kamo alaw, ta balinasen na rana ni Ama ta do to o alalaw ta no si mai si Yeso a Panirsirngen ta a meygegcin apo do teyngato a maciralay do apoy a kano aro a mowyat a tinsi. So ikanoyong no ji nganoyong jya tao a kano ji ngamizing so Mapasaray a Ciriciring na ni Yeso a Panirsirngen ta a ioya na.

2 Tesalonicya 2:1

No si mirwa mai si Yeso Kizisto a Panirsirngen ta no malovot ta amrapong sya manga kakteh am namen kakdain inyo,

2 Pite 3:10

Am o araraw no yai na no Panirsirngen ta am jyaziman a akmey manakaw a tao. No si marateng o araraw ori am meykaing a matemtem do kakavos no karawan a kabo na rana no sinokob no hanit a kano teyrahem a matemtem no rako a lila no apoy. So ikabo na rana no masaod no karawan.

Yota 1:9

Kakwakwan no panirsirngen no tinsi a meyngaran so Micyale a ji makadket ji Satan a avain, no kapeysolib da do kataotao ni Moyse no kawakwak na. O kanimanci na nya ji Satan so, “Ioya na imo ni Ama ta do to.”

Ipaziman 1:10

Ipisa ka niciyo na am oyatan na yaken no Seyzi. So nipakamizing ko so akmey meyzapa a manci nya jyaken do likod ko.

Ipaziman 1:7

Citahen nyo an, si Yeso Kizisto a maciralay do cinalab a mai an. Mamimin o tao a makacita sya, mangay do nimapadket sya do jyojika tao o makacita sya. So ikamimin no tao do karawan a malaw nya so onowned a makaranes do karawan. So ikanoyong no akman so sang.

Ipaziman 14:13

Makamizing ko pa so ciring a apo do teyngato. Maniring am, “Amyapo sicyaraw eya o katey rako na rana no sarasaray da no mawakwak no vazay ni Yeso a tao. So vatvatkan mo do ciring eya.” Maniring o Seyzi am, “Manoyong o kakavos na rana no zikzikna da. So ipeywalam da rana, ta amyan so kakownongan no mina zikna da.”

Ipaziman 8:13

Citahen ko am mamizing ko o asa ka kangkang a somalap do hanit. Maniring am, “To sira makasi o tao do teyrahem. Ta da rana avatan no yatatlo a ka tinsi o zapa yavyotan.”

Ipaziman 8:2

Makarahan am macita ko o papito a ka tinsi a meytatanek a maponged no teyhesa ka zapa.